ສະຫຼຸບອຸປະຕິເຫດໃນເດືອນມັງກອນ ຢູ່ນະຄອນຫຼວງວຽງຈັນ

0
1767

ຕາມການລາຍງານຂອງເຈົ້າໜ້າທີ່ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ໃນເດືອນມັງກອນນີ້ ທົ່ວນະຄອນ ຫລວງວຽງຈັນ ໄດ້ມີອຸປະຕິເຫດເກີດຂຶ້ນຫລາຍກວ່າ 100 ກໍລະນີ, ສົ່ງຜົນໃຫ້ມີຜູ້ເສຍຊີວິດເກືອບ 20 ຄົນ ແລະ ມີພາຫະນະເປ່ເພຈຳນວນຫລວງຫລາຍ,  ພ້ອມທັງມີຜູ້ໄດ້ຮັບບາດເຈັບອີກນັບບໍ່ຖ້ວນ, ຖືໄດ້ວ່າເປັນຕົວເລກທີ່ສູງສົມຄວນໂດຍສ່ວນໃຫຍ່ແມ່ນເກີດຈາກເມົາແລ້ວຂັບຂີ່ ແລະຝ່າຝືນກົດລະບຽບຈະລາຈອນອື່ນໆ. ເຖິງວ່າເຈົ້າໜ້າທີ່ມີວິທີສະກັດກັ້ນຢ່າງຈິງຈັງເຊັ່ນ: ຕັ້ງຈຸດກວດກາຄວາມໄວຕາມເຂດຊານເມືອງຕ່າງໆ, ກວດກາເອກະສານພາຫະນະ ພ້ອມທັງຕັກເຕືອນ ຜູ້ທີ່ບໍ່ໃສ່ໝວກກັນກະທົບໃນເວລາຂັບຂີ່ ແລະກວດກາຄວາມເປັນລະບຽບຮຽບຮ້ອຍ ໃນການຈອດລົດຂອງນັກຂັບຂີ່ ຕາມເສັ້ນທາງຕ່າງໆ ເປັນຕົ້ນການຈອດລົດຊະຊາຍ ອັນເປັນສາເຫດເຮັດໃຫ້ເສັ້ນທາງມີຄວາມແອອັດຄັບແຄບ ແລະ ເກີດອຸປະຕິເຫດໄດ້ງ່າຍດາຍ.

ຂ່າວ: ລາວພັດທະນາ