spot_img
Homeຂ່າວພາຍ​ໃນຕຳຫຼວດໄທບອກ ນ້ອງແປ້ງບໍ່ໄດ້ໂດດຕຶກຂ້າໂຕຕາຍ

ຕຳຫຼວດໄທບອກ ນ້ອງແປ້ງບໍ່ໄດ້ໂດດຕຶກຂ້າໂຕຕາຍ

Published on

 

ມື້ນີ້ 9 ສິງຫາ 2014 ພົນເອກ ຈະຣັມພອນ ສຸຣະມະນີ ເປີດເຜີຍຜົນຊັນນະສູດສົບຂອງນາງແປ້ງວ່າ ຈາການສອບສວນພະຍານ ພົບວ່າ ທ້າວ ອຳນາດ ມາຫານາງແປ້ງທີ່ຫ້ອງພັກ ຍ້ອນມີໂທລະສັບນຳໃຫ້ມາພົບ, ຕໍ່ມາ ເມຍທ້າວນາດ ມານຳຫາ ເຮັດໃຫ້ທັງສອງຜົວເມຍຜິດຖຽງກັນກ່ອນລົງລິບໄປເຖິງຫ້ອງໂຖງກາງຊັ້ນ 1 ຕາມພາບກ້ອງວົງຈອນປິດ. ນອກຈາກນີ້ ຄູ່ຜົວເມຍດັ່ງກ່າວ ຍັງໃຫ້ປາກຄຳອີກວ່າ ໄດ້ຊອກຫານາງແປ້ງໃນຫ້ອງພັກ ແຕ່ບໍ່ພົບຄົນໃນຫ້ອງ ກ່ອນທີ່ຈະເບິ່ງອອກໄປນອກລະບຽງຫ້ອງ ກໍຍັງບໍ່ເຫັນໃຜ ຈຶ່ງອອກໄປຈາກຫ້ອງດັ່ງກ່າວ ແລ້ວມາຮູ້ພາຍຫຼັງວ່ານາງແປ້ງຕົກຕຶກເສຍຊີວິດ.

ພົນເອກ ຈະຣັມພອນ ກ່າວອີກວ່າ ຜົນການກວດສອບໃນບ່ອນເກີດເຫດ ພົບວ່າ ມີຮອຍນິ້ວມືຈັບທີ່ລະບຽງໃນລັກສະນະຕະຫຼູດມືລົງມາຂ້າງລຸ່ມຮາວລະບຽງ ເຮັດໃຫ້ເຊື່ອວ່າ ບໍ່ສາມາດປະຄອງນ້ຳໜັກຂອງໂຕເອງໄດ້ ຈຶ່ງຫຼຸດມືຕົກລົງໄປ ບໍ່ແມ່ນການໂດດຕຶກຂ້າໂຕຕາຍແນ່ນອນ ແຕ່ກໍບໍ່ພົບຫຼັກຖານທີ່ວ່າຜູ້ອື່ນກະທຳໃຫ້ຕາຍ.

ຂະນະທີ່ພີ່ນ້ອງຂອງນາງແປ້ງ ພໍໃຈໃນຄວາມຄືບໜ້າຂອງຄະດີ ແຕ່ຍັງຕິດໃຈສາເຫດການເສຍຊີວິດ ເພາະຊາບວ່ານາງແປ້ງເປັນຄົນຢ້ານຄວາມສູງຈຶ່ງເປັນໄປໄດ້ຍາກທີ່ນ້ອງແປ້ງຈະອອກໄປຫ້ອຍໂຕຢູ່ລະບຽງ ແລະຕັ້ງຂໍ້ສົງໄສວ່າອາດຈະມີຜູ້ສັ່ງຫຼືບັງຄັບໃຫ້ນ້ອງອອກໄປຫ້ອຍຢູ່ລະບຽງ ລວມທັງຮອຍຊ້ຳຢູ່ແຂນນັ້ນ ກໍສົງໄສວ່າຈະເປັນຮອຍທີ່ເກີດຂຶ້ນຈາກການຖືກບີບບັງຄັບ.

ແນວໃດກໍຕາມ ຕຳຫຼວດຍັງຈະສືບຕໍ່ດຳເນີນການສືບສວນ ສອບສວນ ພະຍານແວດລ້ອມຕື່ມອີກ ລາວໂພສຕ໌ຈະຕິດຕາມຂ່າວມານຳສະເໜີຕໍ່ໄປ.

10580166_530588330375980_5428046322191890899_n

ຮູບສະແດງການຕົກຕຶກຂອງນ້ອງແປ້ງ ຕາມການສັນນິຖານຂອງຕຳຫຼວດໄທ

10527763_530588290375984_1283920660237153637_n

ຮູບສະແດງການຕົກຕຶກຂອງນ້ອງແປ້ງ ຕາມການສັນນິຖານຂອງຕຳຫຼວດໄທ

10584045_530588233709323_3093274183078068906_n
ຮູບສະແດງການຕົກຕຶກຂອງນ້ອງແປ້ງ ຕາມການສັນນິຖານຂອງຕຳຫຼວດໄທ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...