ນ້ຳເພັດ ຂວັນໃຈສີໂຄດ ນັກມວຍສາວງາມຂອງລາວອາຍຸ 16 ປີ ກາຍເປັນແຊ້ມ ສະພາມວຍຍິງແຫ່ງເອເຊຍ (WBC asia) ຜູ້ທຳອິດຂອງລາວ ຫຼັງຈາກເອົາຊະນະຄະແນນ ການດາ ພ.ເມືອງເພັດ ນັກຊົກສາວຊາວໄທໄປຢ່າງດຸເດືອດ ໃນການຊົກ ທີ່ສະຫວັນເວກັສ ເມືອງໄກສອນພົມວິຫານ ແຂວງສະຫວັນນະເຂດ ເມື່ອວັນສຸກທີ 8 ສິງຫາ 2014 (ມື້ນີ້).
ເສິກ M-150 ຖະຫຼົ່ມບັນລັງໂລກ ມະຫະກຳມວຍໂລກ 5 ປີ ສະຫວັນເວກັສ Super Champ WBC + ມວຍຮອບມາລາທອນໄຟຕ໌ຄາດເຊືອກນານາຊາດ ພາຍໃຕ້ການຮ່ວມມືຂອງ 2 ຊາດລາວ-ໄທ ໂດຍໂປຣໂມເຕີ ກໍ່ກຽດ ພານິດຊະຍາຣົມ ດຳເນີນການຈັດ.
ການຊົກຄູ່ເອກຄັ້ງນີ້ ນ້ຳເພັດ ມວຍສ້າງສາວລາວເຖິງແມ່ນວ່າກະດູກມວຍອ່ອນກວ່າ ການດາ ສາວໄທ ທີ່ຜ່ານມາການຊົກມວຍໄທມາຫຼາຍຕໍ່ຫຼາຍຄັ້ງ ດີກຣີແຊ້ມອີສານ ເຖິງປານນັ້ນນັກມວຍເຈົ້າຖິ່ນຍັງໄດ້ສຽງເຊຍຄົນລາວກ້ອງກັງວານ ເດິນໜ້າບຸກເຂົ້າຫາ ການດາ ທີ່ຖ້າຈັງຫວະສອງບວກໝັດເຂົ້າຫຼາຍຄັ້ງ ແຕ່ນ້ຳເພັດຍັງທົນທານ ເດິນບຸກຊວນຕີຈົນຄົບກຳນົດ 10 ຍົກ ກຳມະການຄົນໄທ ນ້ຳເພັດ ຂວັນໃຈສີໂຄດ ກໍ່ກຽດຢິມ ຊະນະຄະແນນ ສ້າງປະຫວັດການກາຍເປັນແຊ້ມມວຍສາກົນລະດັບເອເຊຍເປັນຄົນທຳອິດຂອງລາວ.
