ໄບຄາລ ທະເລສາບທີ່ເກົ່າແກ່ ແລະ ເລິກທີ່ສຸດໃນໂລກ ໜາວເຢັນຈົນເປັນນ້ຳແຂງ

ທ່ອງທ່ຽວ ກັບ ລາວໂພສຕ ມື້ນີ້ແອັດມິນຈະພາທຸກຄົນມາຮູ້ຈັກກັບ “ໄບຄາລ (Baikal)” ທີ່ຂຶ້ນຊື່ວ່າເປັນທະເລສາບທີ່ເກົ່າແກ່ ແລະ ເລິກທີ່ສຸດໃນໂລກ ເຊິ່ງຢູ່ທີ່ປະເທດ ຣັສເຊຍ ໃນທະເລສາບແຫ່ງນີ້ມີຄວາມໜາວປົກຄຸມ ຈົນນ້ຳທະເລຈັບຕົວເປັນນ້ຳແຂງ ແຕ່ທະເລສາບແຫ່ງນີ້ບໍ່ແມ່ນມີພຽງແຕ່ຄວາມໜາວເຢັນສະທ້ານຫົວໃຈເທົ່ານັ້ນ ມັນຍັງມີຄວາມງາມແບບມະຫັດສະຈັນອີກຕ່າງຫາກ ແຕ່ກ່ອນຈະໄປເບິ່ງພາບທີ່ສວຍງາມນັ້ນ ເຮົາມາຮູ້ຈັກຂໍ້ມູນໂດຍຫຍໍ້ຂອງທະເລສາບແຫ່ງນີ້ກັນກ່ອນ

ທະເລສາບ ໄບຄາລ (Lake Baikal) ຕັ້ງຢູ່ເຂດພາກໃຕ້ຂອງໄຊບີເຣຍ ປະເທດ ຣັສເຊຍ ເປັນທະເລສາບທີ່ເລິກທີ່ສຸດໃນໂລກ ຈຸດເລິກທີ່ສຸດມີຄວາມເລິກເຖິງ 1,640 ແມັດ, ມີຄວາມຍາວປະມານ 650 ກິໂລແມັດ, ກ້ວາງສະເລ່ຍ 50 ກິໂລແມັດ, ມີເນື້ອທີ່ທັງໝົດ 23,615 Km²

ເຊິ່ງທະເລສາບໄບຄາລ ແຫ່ງນີ້ເກີດຈາກນ້ຳໄຫລລົ້ນເຂົ້າມາຈົນເຕັມຮອຍເປືອກໂລກທີ່ແຕກ ເມື່ອປະມານ 25 ລ້ານປີກ່ອນ

ນອກຈາກນີ້ ທະເລສາບໄບຄາລ ຍັງໄດ້ລົງທະບຽນເປັນ ມໍລະດົກໂລກ ເຊິ່ງມີຄວາມສຳຄັນທີ່ກ່ຽວກັບປະຫວັດສາດ ແລະ ວິວັດທະນາການຍຸກຕ່າງໆ ຂອງໂລກເຊັ່ນ:

ເປັນຕົວແທນຂອງການເປັນຕົວແທນໃນວິວັດທະນາການສຳຄັນຕ່າງໆໃນອະດີດຂອງໂລກເຊັ່ນ: ຍຸກສັດເລືອຄານ, ຍຸກນ້ຳແຂງ ເຊິ່ງສະທ້ອນໃຫ້ເຫັນເຖິງການພັດທະນາຄວາມຫຼາກຫຼາຍທາງທຳມະຊາດຂອງໂລກ
ເປັນຕົວແທນຂອງຂະບວນການປ່ຽນແປງທີ່ສຳຄັນທາງ ວິຖີວິທະຍາ ຫຼື ວິວັດທະນາການທາງຊີວະ ແລະ ປະຕິສຳພັນຂອງມະນຸດຕໍ່ສິ່ງແວດລ້ອມທາງທຳມະຊາດທີ່ກຳລັງເກີດຢູ່ເຊັ່ນ: ພູເຂົາໄຟ, ການເຮັດນາຂັນໄດ
ເປັນແຫຼ່ງທີ່ເກີດຈາກປະກົດການທາງທຳມະຊາດທີ່ມີເອກະລັກຫາຍາກ ຫຼື ສວຍງາມເປັນພິເສດເຊັ່ນ: ແມ່ນ້ຳ, ນ້ຳຕົກ, ພູເຂົາ
ເປັນບ່ອນທີ່ຢູ່ອາໃສຂອງສັດສາຍພັນຫາຍາກ ຫຼື ຕົກຢູ່ໃນສະພາບອັນຕະລາຍ ແຕ່ຍັງສາມາດດຳລົງຊີວິດໄດ້ ເຊິ່ງຮວມເຖິງລະບົບນິເວດ ທີ່ເປັນແຫຼ່ງລວມຄວາມອຸດົມສົມບູນຂອງພືດ ແລະ ສັດທີ່ທົ່ວໂລກໃຫ້ຄວາມສົນໃຈ