spot_img
Homeຂໍ້ມູນກ່ຽວກັບປະເທດລາວປະຫວັດສາດລາວບູຮານຄະດີ ແລະ ປະຫວັດສາດລາວ “ສັງລວມ ຊະຕາກຳຂອງແຜ່ນດິນລາວ“

ບູຮານຄະດີ ແລະ ປະຫວັດສາດລາວ “ສັງລວມ ຊະຕາກຳຂອງແຜ່ນດິນລາວ“

Published on

ສົມເດັດພະເຈົ້າຟ້າງຸ່ມ ແຫລ່ງຫລ້າທໍລະນີ ໄດ້ທ້ອນໂຮມຊາດລາວ ໄດ້ຂີດຫມາຍເຂດນ້ຳແດນດິນລາວໃຫ້ປາກົດເປັນປະເທດລາວຂື້ນເທື່ອທຳອິດ ຢູ່ສຸວັນນະພູມປະເທດ( ຢູ່ແຫລມອິນດີຈີນ) ໃນປີ ຄສ 1353 ປີ ພ.ສ 1596 ເຊີ່ງນັບມາເຖີງ ຄສ 2017  ນີ້ກໍ່ເປັນເວລາ 664 ປີນີ້ແລ້ວ ທີ່ຄົນລາວເຮົາມີແຜ່ນດິນອາໄສຢູ່ ແລ ມີຊາດລາວຄືທຸກມື້ນີ
ໄລຍະເວລາ 645 ປີ ຂອງແຜ່ນດິນລາວໄດ້ມີການປ່ຽນແປງຄື:

  • ປີ ຄສ 1707 ປີ ພສ 2250 ດິນລາວໄດ້ແບ່ງອອກເປັນ2ອານາຈັກຄື: ອານາຈັກຫລວງພະບາງແລະອານາຈັກວຽງຈັນ
  • ປີ ຄສ 1713 ປີ ພສ 2256 ດິນລາວໄດ້ແບ່ງອອກເປັນ 3ອານາຈັກຄື ອານາຈັກຫລວງພະບາງ ອານາຈັກວຽງຈັນ ແລະ ອານາຈັກຈຳປາສັກ
  • ປີ ຄສ 1779 ປີ ພສ 2342 ດິນລາວທັງສາມອານາຈັກ ໄດ້ຖືກສະຫຍາມຍຶດເອົາທັງຫມົດ ແລ້ວໄທກໍຫາທຸກວິທີທາງເພື່ອຈະກືນກິນລາວແລະບໍ່ໃຫ້ມີຊື່ຄຳວ່າ “ລາວ“ ຢູ່ໃນໂລກ ຊາຕາກັມຂອງລາວໃນຂະນະນີ້ກຳລັງຈະສີ້ນເຊື້ອຫມົດຊາດ
  • ປີ ຄສ 1891 ໄທສະຫຍາມ ໄດ້ແບ່ງດິນລາວອອກເປັນ4ກອງເພື່ອງ່າຍແກ່ການປົກຄອງ
  • ປີ ຄສ 1893 ຝຣັ່ງເສດ ໄດ້ຍຶດເອົາດິນລາວສະເພາະຢູ່ທາງຝັ່ງຊ້າຍຂອງແມ່ນຳ້ຂອງ ຈາກໄທສະຫຍາມແລະນັບແຕ່ບັດນັ້ນມາດິນລາວຈຶ່ງຖືກຕັດແບ່ງອອກເປັນ2ແຜ່ນດິນຄື ຝັ່ງຊ້າຍຂອງແມ່ນຳ້ຂອງ 3/5ແມ່ນ F ຍຶດຄອງດິນລາວ ຢູ່ທາງຝັ່ງຂວາຂອງແມ່ນຳ້ຂອງ 3/5ໄທໄດ້ຜະຫນວກເອົາເປັນດິນໄທແລະເອີ້ນວ່າ ໄທອີສານ ຈົນເຖີງປັດຈຸບັນ
  • ປີ ຄສ 1901 ຝຣັ່ງ ພະຍາຍາມລຶບຊື່ຄຳວ່າລາວ ອອກຈາກແຜນທີໂລກ ແລະເອີ້ນລາວວ່າ ແຄວ້ນທີ່5 ຂອງສະຫະພັນອິນດູຈີນຝຣັ່ງເສດ
    – ປີ ຄສ1945 ດ້ວຍການຂັດແຍ່ງພາຍໃນຝຣັ່ງແລະ ຍີ່ປຸ່ນແລະຈັກກະພັດອື່ນໆ ຍີ່ປຸ່ນຈຶ່ງເຂົ້າມາລາວແລະຂັບໄລ່ພວກລ່າເມືອງຂື້ນຝຣັ່ງອອກໄປແລ້ວກໍຍຶດຄອງລາວ
    – ປີ ຄສ1946 ຝຣັ່ງໄດ້ຮັບການຊ່ວຍເຫລືອຈາກອັງກິດບຸກຕີຍຶດເອົາລາວຄັ້ງທີ່2
    – ປີ ຄສ 1954 ດິນລາວໄດ້ຄ່ອຍໆແບ່ງອອກເປັນ2ເຂດໂດຍແນວລາວຮັກຊາດແລະກໍກວ້າງອອກໄປເລື້ອຍໆ ຍ້ອນການຕໍ່ສູ້ຂອງຄົນລາວຜູ້ຮັກຊາດ
    – ປີ ຄສ1955 ຈັກກະພັດອາເມລິກາໄດ້ເຂົ້າມາຮຸກຮານແທນຝຣັ່ງ
    – ປີ ຄສ 1975 ດິນລາວໄດ້ເປັນປຶກແຜ່ນອັນດຽວ ມີຜືນແຜ່ນດິນອັນຄົບຖ້ວນເມື່ອແນວລາວຮັກຊາດເຮັດສຳເລັດການປະຕິວັດຊາດ ປະຊາທິປະໄຕ ປະກາດເອກະລາດ ທີ2 ທັນວາ
    ສັງລວມຜູ້ປົກຄອງລາວ
    – ປົກຄອງຄົນລາວສະໄຫມອິນດູຈີນ ປີ ພສ 320-1272 ແຕ່ຂຸນເມັງ-ຂຸນບໍລົມມີ 8ອົງ
    – ປົດຄອງຫລວງພະບາງແຕ່ປີ ຄສ 743 ຂຸນລໍ ເຖີງປີ ຄສ 1960 ເຈົ້າສີສະຫວ່າງວັດທະນາ ມີ49ອົງ
    – ປົກຄອງນະຄອນຫລວງວຽງຈັນ ແຕ່ປີ 1356 ທ້າວຊຽງມຸງ ເຖີງ ເຈົ້າອານຸວົງ ປີຄສ 1804 ມີ27ອົງ
    – ປົກຄອງນະຄອນຈຳປາສັກແຕ່ປີ 1640 ນາງເພົາ ເຊີ່ງກ່ອນນັ້ນມີຜູ້ປົກຄອງແລ້ວ 5ອົງແຕ່ບໍ່ປາກົດຊື່ ເຖີງປີ ຄສ 1946 ເຈົ້າບຸນອູ້ມ ມີ18ອົງ
    ປະທານປະເທດລະບອບໃຫມ່
    1. ປະທານປະເທດ ຄົນທີ ທຳອິດ: ທ່ານ ສຸພານຸວົງ ນັບແຕ່ວັນທີ 2 ທັນວາ 1975 ຫາ ວັນທີ 15 ສິງຫາ 1991
    2. ຮັກສາການປະທານປະເທດ ຄົນທີ 1: ທ່ານ ພູມີ ວົງວິຈິດ ແຕ່ວັນທີ31 ຕຸລາ 1986 ຫາ ວັນທີ 15 ສິງຫາ 1991
    3. ປະທານປະເທດ ຄົນທີ 2: ທ່ານ ໄກສອນ ພົມວິຫານ ແຕ່ວັນທີ 15 ກໍລະກົດ 1991 ຫາ ວັນທີ 21 ພະຈິກ 1992
    4. ປະທານປະເທດ ຄົນທີ 3: ທ່ານ ໜູຮັກ ພູມສະຫວັນ ແຕ່ວັນທີ 25 ພະຈິກ 1992 ຫາ ວັນທີ 24 ກຸມພາ 1998
    5. ປະທານປະເທດ ຄົນທີ 4:ທ່ານ ຄຳໄຕ ສີພັນດອນ ແຕ່ວັນທີ 24 ກຸມພາ 1998 ຫາ ວັນທີ 8 ມິຖຸນາ 2006
    6. ປະທານປະເທດ ຄົນທີ 5: ທ່ານ ຈູມມະລີ ໄຊຍະສອນ ແຕ່ວັນທີ 8 ມິຖຸນາ 2006 ຫາ ວັນທີ 20 ເມສາ 2016
    7. ປະທານປະເທດຄົນປະຈຸບັນ ຄົນທີ 6 ທ່ານ ບຸນຍັງ ວໍຣະຈິດ ແຕ່ວັນທີ 20 ເມສາ 2016 ເຖິງປະຈຸບັນ

ຮູບພາບປະກອບ ມໍລະດົກລ້ານຊ້າງ
ຄັດຈາກ ພົງສາວະດານລາວ
ຂຽນໂດຍ ນາງ ສາຍວາລິນ ບໍລະວົງ
ທີ່ມາຈາກເຟສບຸກ: ບູຮານຄະດີ ແລະ ປະຫວັດສາດລາວ

ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...