ເຊື່ອວ່າມີຫຼາຍຄົນທີ່ໃຊ້ມືຖື Android ກຳລັງຖ້າຫຼິ້ນເກມ Super Mario Run ຢູ່ໃນຕອນນີ້, ເຊິ່ງທາງ Nintendo ເອງກໍອອກມາປະກາດແລ້ວວ່າຊາວ Android ເຮົາຈະໄດ້ຫຼິ້ນເກມນີ້ໃນຊ່ວງເດືອນມີນານີ້… ແຕ່ວ່າມື້ນີ້ຜູ້ຂຽນມີຂ່າວດີສຳລັບຜູ້ໃຊ້ລະບົບ Android ມາຝາກ, ເມື່ອ Nintendo ໄດ້ປະກາດລົງເກມຊີຣີ Fire Emblem ໃຫ້ກັບລະບົບ Android ໃນວັນທີ 2 ກຸມພານີ້!!
ເວົ້າໄດ້ວ່າເປັນຄັ້ງທຳອິດແທ້ໆທີ່ຊີຣີ Fire Emblem ລົງໃຫ້ກັບເຄື່ອງອື່ນນອກຈາກເຄື່ອງເກມຂອງ Nintendo ເອງ, ໂດຍມີຊື່ຢ່າງເປັນທາງການວ່າ: “Fire Emblem Heroes”. ສຳລັບ Fire Emblem Heroes ຈະເປັນເກມແນວວາງແຜນການຮົບຄືຊີຣີຂອງ Fire Emblem ປົກກະຕີ, ເຊິ່ງເຮົາຈະໄດ້ຮັບບົດເປັນຜູ້ສ້າງນັກຮົບທີ່ສາມາດເອີ້ນວີລະບູລຸດຈາກຊີຣີ Fire Emblem ອອກມາໄດ້ ແຕ່ວ່າໂຕເກມຈະປະສົມປະສານກັບລະບົບກາຊາທີ່ຈະສາມາດເອີ້ນວິລະບູລຸດທັງຫຼາຍມາໃຊ້ໄດ້ໂດຍການເປີດກາຊານັ້ນເອງ ສຳລັບຕົວຢ່າງຂອງເກມແມ່ນດ້ານລຸ່ມນີ້.
ສຳລັບເກມ Fire Emblem Heroes ແມ່ນຈະປ່ອຍມາແບບຫຼິ້ນຟຣີແຕ່ມີຄ່າໃຊ້ຈ່າຍພາຍໃນ ເຊິ່ງຈະປ່ອຍໃຫ້ດາວໂຫຼດກັນທີ່ Google Play ໃນວັນທີ 2 ກຸມພາ 2017 ນີ້, ສ່ວນລະບົບ iOS ຈະນຳມາໃນພາຍຫຼັງ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!