ໃນຕອນເຊົ້າຂອງວັນທີ 12 ມັງກອນ 2017 ທີ່ຜ່ານມາ ໄດ້ມີໂຈນເຂົ້າມາງັດເຮືອນປະຊາຊົນຫຼັງໜຶ່ງທີ່ບ້ານຮ່ອງຄ້າ, ເມືອງຈັນທະບູລີ, ນະຄອນຫຼວງວຽງຈັນ ຜູ້ກໍ່ເຫດນັ້ນເປັນຊາຍຊາວຫວຽດນາມ 2 ຄົນ ຫຼັງຈາກກໍ່ເຫດງັດເຮືອນປະຊາຊົນເຂດບ້ານຮ່ອງຄ້າ ແລະ ໄດ້ຊັບສິນໄປ ແຕ່ທັງສອງກໍ່ຫຼົບໜີໄປບໍ່ລອດ ເພາະໃນຕອນແລງຂອງມື້ດຽວກັນນັ້ນເຈົ້າໜ້າທີ່ຕຳຫຼວດກໍ່ສາມາດຈັບກຸມຕົວຂອງທັງສອງໄດ້ແລ້ວ
ຜ່ານການສອບສວນຂອງເຈົ້າໜ້າທີ່ ໂຈນທັງສອງຄົນໄດ້ສາລະພາບວ່າເປັນຜູ້ລົງມືກໍ່ເຫດໃນຄັ້ງນີ້ ໂດຍພວກເຂົາໃຊ້ເວລາປະມານ 30 ນາທີ ໃນການງັດຕູ້ເຊັບ ແລ້ວເອົາເຄື່ອງມີຄ່າໜີໄປ ເຊິ່ງຊັບສິນທີ່ໄດ້ປະກອບມີ: ເງິນສົດ 15 ລ້ານກີບ, ເງິນສົດ 100 ໂດລາ, ຄຳ 2 ບາດ ແລະ ເງິນ 3 ບາດ ແລະ ແຫວນຄຳອີກ 1 ວົງ
ດັ່ງນັ້ນເຈົ້າໜ້າທີ່ຕຳຫຼວດຈິ່ງຈັບກຸມຕົວພວກເຂົາທັງສອງ ແລະ ດຳເນີນຄະດີຕາມກົດໝາຍ ສປປ ລາວ
ແຫລ່ງຂ່າວຈາກ: unader.com
ຕິດຕາມຂ່າວເສດຖະກິດລາວ ກົດໄລຄ໌ເລີຍ!