ສຳນັກຂ່າວຕ່າງປະເທດຈີນລາຍງານ ເມື່ອວັນທີ 9 ມັງກອນ 2017 ທີ່ຜ່ານມາວ່າ “ເຈຍເຈຍ” ຫຸ່ນຍົນປັນຍາປະດິດສາວງາມຊື່ດັງ ທີ່ສາມາດສົນທະນາໂຕ້ຕອບກັບມະນຸດໄດ້ເປັນຢ່າງດີ ໂຕທຳອິດຂອງຈີນ ປະກົດຕົວອີກຄັ້ງໃນຊຸດ ຮັ່ນຝູ ຊຸດແຕ່ງກາຍຊົນເຜົ່າຂອງຈີນສະໃຫມບູຮານ ໃນງານປະຊຸມ Economic Conference ທີ່ຈັດຂຶ້ນໃນນະຄອນຫຼວງຊຽງໄຮ້
ໂດຍທ່ານ ເສິນສຽວຜິງ (陈小平) ຫົວໜ້າໂຄງການຫຸ່ນຍົນ “ເຈຍເຈຍ” ຂອງສູນຫຸ່ນຍົນມະຫາວິທະຍາໄລ ວິທະຍາສາດ ແລະ ເທັກໂນໂລຍີແຫ່ງຊາດຈີນ (University of Science and Technology of China : USTC) ກ່າວວ່າ “ຕອນນີ້ເຈຍເຈຍຍັງບໍ່ສົມບູນພໍທີ່ຈະພັດທະນາເປັນຜະລິດຕະພັນ ແຕ່ຄາດວ່າອີກ 2-3 ປີຕໍ່ໜ້າ ຈະສາມາດຜະລິດຫຸ່ນຍົນສາວ ເຈຍເຈຍ ອອກຈຳໜ່າຍໄດ້”
ນອກຈາກການມາໂຊຕົວແລ້ວ “ເຈຍເຈຍ” ຍັງໃຫ້ສຳພາດກັບນັກຂ່າວ ເມື່ອເວລາມີນັກຂ່າວມາຖາມນາງອີກດ້ວຍ ທ່ານ ເສິນ ຍັງຄາດຫວັງໄວ້ວ່າ ໃນອານະຄົດຕໍ່ໜ້າຈະມີການປະຍຸກໃຊ້ຫຸ່ນຍົນທີ່ຄ້າຍຄືມະນຸດແທ້ໆເຂົ້າເຮັດວຽກໃນສ່ວນອຸດສາຫະກຳ, ງານບໍລິການເຊັ່ນ: ວຽກງານໃນທະນາຄານ, ສູນການຄ້າ, ຮ້ານອາຫານ, ໂຮງໝໍ ເປັນຕົ້ນ
ແຫລ່ງຂ່າວຈາກ: http://news.sanook.com/gallery/gallery/2151338/961342/
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!