ເວົ້າໄດ້ວ່າເລີ່ມຕົ້ນເຂົ້າສູ່ປີ 2017 ກໍເກັບຄະແນນເອົາໃຈແຟນໆຍຸກ 80s – 90s ກັນເລີຍ, ໂດຍສະເພາະວົງການເກມເກົ່າ Retro ໃນຊ່ວງຫຼັງເລີ່ມມານີ້ແມ່ນເນັ້ນກຸ່ມຕະຫຼາດກຸ່ມນີ້ເປັນພິເສດ, ຂະໜາດທີ່ວ່າ Nintendo ກໍຍັງເຫັນຈຸດນັ້ນຈຶ່ງໄດ້ປ່ອຍເຄື່ອງຫຼິ້ນເກມ Famicom Mini ແລະ NES classic edition ມາວາງຈຳໜ່າຍໃນເວີຊັ່ນ Mini ເຊິ່ງກໍໄດ້ຮັບສຽງຕອບຮັບຢ່າງດີຈົນເຖິງຂັ້ນໝົດສະຕ໋ອກກັນເລີຍ.
ໂດຍຫຼ້າສຸດນີ້ເອງ Retro-bit’s ກໍເກີດໄອເດຍຜະລິດເຄື່ອງເກມໃໝ່ເອົາໃຈໄວລຸ້ນຍຸກເກົ່າອອກມາສູ່ສາຍຕາຊາວໂລກນຳ ນັ້ນກໍຄືເຄື່ອງ Super Retro Boy ທີ່ມີຮູບຮ່າງພາຍນອກຄືກັບເຄື່ອງ Game Boy ຂອງ Nintendo ເກືອບຈະທຸກຢ່າງ.
ຄວາມສາມາດພິເສດຂອງເຄື່ອງ Super Retro Boy ແມ່ນສາມາດຮອງຮັບກະແຊັດເກມຂອງ Game Boy ໄດ້ທຸກລຸ້ນຕັ້ງແຕ່ລຸ້ນດັ້ງເດີມ Game Boy , Game Boy Color ແລະ Game Boy Advance ເວົ້າໄດ້ວ່າມີເຄື່ອງດຽວຫຼິ້ນໄດ້ທຸກແບບເລີຍ.
ຜ່ານໜ້າຈໍ TFT LCD screen ຮັບປະກັນພາບຄົມຊັດກວ່າເຄື່ອງຫຼິ້ນທຸກ Gen ພ້ອມກັບແບັດເຕີຣີຂະໜາດ 2,500mAh ສາມາດຫຼິ້ນຕິດຕໍ່ກັນໄດ້ດົນເຖິງ 10 ຊົ່ວໂມງ ແລະມີລາຄາເຄື່ອງຢູ່ທີ່ 79.99 ຫຼຽນ ຫຼືປະມານ 655.000 ກີບ ແລະກໍມີກຳນົດວາງຈຳໜ່າຍຢ່າງເປັນທາງການໃນຊ່ວງເດືອນສິງຫາ 2017.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station