ຫຼັງຈາກທີ່ກ່ອນໜ້ານີ້ເຮົາໄດ້ສະເໜີຂ່າວກ່ຽວກັບການໂປຣໂໝດຂອງເຈົ້າພາບໂອລິມປິກຄັ້ງຕໍ່ໄປໃນພິທີປິດທີ່ “ຣິໂອ ເດີ ຈາເນໂຣ ປະເທດບຣາຊິວ” ກໍໄດ້ຮັບສຽງຕອບຮັບດີເກີນຄາດຈາກທົ່ວໂລກ ເພາະໄດ້ນຳເອົາໂຕກາຕູນທີ່ມີຊື່ສຽງຂອງປະເທດຍີ່ປຸ່ນຫຼາຍໂຕມາໃຊ້. ແຕ່ວ່າຫຼ້າສຸດນີ້ທາງເວັບໄຊຂາຍສິນຄ້າທີ່ລະນຶກຂອງໂອລິມປິກ Tokyo 2020 Official Online Shop ໄດ້ມີການອອກມາປະກາດວ່າໄດ້ເຮັດການຕັດ Mario ແລະ Pikachu ສອງໂຕລະຄອນຊື່ດັງຈາກຄ່າຍເກມ Nintendo ອອກໄປຈາກມາສຄອດໂອລິມປິກໃນຄັ້ງນີ້, ໂດຍສາເຫດທີ່ທັງສອງໂຕລະຄອນຖືກຕັດອອກໄປຄື: “ທັງສອງໂຕລະຄອນນັ້ນເປັນທີ່ຮູ້ຈັກກັນທົ່ວໂລກຢູ່ແລ້ວ” ເລີີຍຕ້ອງການໂປຣໂໝດໂຕລະຄອນຈາກເລື່ອງອື່ນໆ ໃຫ້ເປັນທີ່ຮູ້ຈັກກັນຫຼາຍຂຶ້ນ.
ແຕ່ເຖິງຢ່າງໃດກໍຕາມເຮົາກໍຄົງຕ້ອງຕັ້ງຄວາມຫວັງໄວ້ວ່າໃນພິທີເປີດຂອງ Tokyo 2020 Olympics ຈະໄດ້ເຫັນ Mario ແລະ Pikachu ກັບມາມີບົດບາດໃນງານອີກຄັ້ງ.
ຄລິບພິທີປິດ Rio 2016 Olympics
https://youtu.be/1eJkL1Jssto
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station