ເອເຈນຊີສ໌ ເຜີຍວ່າ ແນວຄິດທີ່ວ່າໃນອານາຄົດແຮງງານມະນຸດຈະຖືກແທນທີ່ດ້ວຍເຄື່ອງຈັກ ປັດຈຸບັນແມ່ນໄດ້ກາຍເປັນເລື່ອງຈິງແລ້ວ ກັບບໍລິສັດປະກັນໄພແຫ່ງໜຶ່ງຂອງຍີ່ປຸ່ນ ໂດຍໝົດເດືອນ ມີນາ 2017 ນີ້ ທາງບໍລິສັດຈະເລີກຈ້າງພະນັກງານທັງໝົດ 34 ຄົນ ໂດຍຈະຫັນມາໃຊ້ລະບົບປັນຍາປະດິດ AI ທີ່ສາມາດຄຳນວນການຈ່າຍເງິນໃຫ້ແກ່ລູກຄ້າໄດ້
ບໍລິສັດ ປະກັນໄພ Fukoku Mutual Life Insurance ເຊື່ອວ່າການເຮັດແບບນີ້ຈະຊ່ວຍເພີ່ມຍອດກຳໄລຂອງບໍລິສັດໄດ້ 30% ແລະ ຈະໄດ້ເງິນທີ່ລົງທຶນຄືນມາໃນໄລຍະບໍ່ເຖິງ 2 ປີ ໂດຍທາງບໍລິສັດບອກວ່າການນຳໃຊ້ລະບົບ AI ແທນແຮງງານຄົນ ຈະຊ່ວຍບໍລິສັດປະຢັດລາຍຈ່າຍໄດ້ປີລະ 140 ລ້ານເຢນ. ພວກເຂົາຈະເລີ່ມຕິດຕັ້ງລະບົບການທຳງານເອໄອພາຍໃນເດືອນນີ້ ເຊິ່ງການຕິດຕັ້ງລະບົບເອໄອມີມູນຄ່າ 200 ລ້ານເຢນ ພ້ອມຄ່າບຳລຸງຮັກສາປີລະ 150 ລ້ານເຢນ
ລະບົບເອໄອສ້າງຂຶ້ນໂດຍມີພື້ນຖານມາຈາກ Watson Explorer ຂອງ IBM ຖືກລະບຸວ່າເປັນເທັກໂນໂລຢີທີ່ມີຄວາມຮູ້ຄວາມສາມາດຄ້າຍຄືມະນຸດ ເຮັດໃຫ້ມັນສາມາດວິເຄາະ ແລະ ຕີຄວາມໝາຍຂອງມູນໄດ້ທຸກຢ່າງເຊັ່ນ: ຂໍ້ ຄວາມທີ່ບໍ່ມີໂຄງສ້າງພາບ,ສຽງ, ວິດີໂອ ແລະ ລະບົບເອໄອຍັງຊ່ວຍລຸດເວລາໃນການຄຳນວນຄ່າໃຊ້ຈ່າຍຂອງບໍລິສັດໄດ້ອີກດ້ວຍ
ຈາກຂໍ້ມູນລາຍງານເມື່ອປີ 2015 ຂອງສະຖາບັນວິໄຈໂນມູຣະ ພົບວ່າເກືອບເຄິ່ງຂອງຕຳແໜ່ງງານທັງໝົດໃນປະເທດຍີ່ປຸ່ນອາດຖືກແທນທີ່ດ້ວຍຫຸ່ນຍົນພາຍໃນປີ 2035.
ແຫລ່ງຂ່າວຈາກ: http://www.manager.co.th/
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!