ຫຼາຍໆຄົນທີ່ຫຼິ້ນເກມໃນປັດຈຸບັນນີ້ອາດຈະເຄີຍເຫັນເກມເມີ້ສາວຫຼິ້ນເກັ່ງໆ ງາມໆ ມາແລ້ວ, ແຕ່ມື້ນີ້ເຮົາຈະພາໄປພົບກັບ 7 ສາວສຸດຍອດຝີມືທີ່ນອກຈາກຈະງາມແລ້ວຍັງ “ເທບ” ອີກນຳ.
Kim “Aphrodite” Ga
ເກມເມີ້ສາວມືອາຊີບສັງກັດທີມ MVP ຂອງເກົາຫຼີ ເຊິ່ງ Kim ນັ້ນໂດ່ງດັງໃນຖານະຜູ້ຫຼິ້ນເກມ Starcraft 2 ໂດຍຝີມືການຫຼິ້ນຝ່າຍ Terran ຂອງນາງໄດ້ຮັບການຍອມຮັບວ່າໂຫດເອົາເລື່ອງເລີຍ, ໂດຍລະດັບ Rank ຂອງນາງຢູ່ໃນຊັ້ນ Grandmaster League ເລີຍ, ທັງງາມ ແລະຝີມືເທບຂະໜາດນີ້ຖືເປັນສ່ວນປະສົມທີ່ລະລາຍຫົວໃຈເກມເກມເມີ້ໜຸ່ມແນ່ນອນ.
————————————————————————————–
Vanessa Arteaga
Vanessa ເປັນເກມເມີ້ມືອາຊີບອີກຄົນທີ່ແຟນໆສາມາດຕິດຕາມນາງໄດ້ຜ່ານເວັບ Twitch, ໂດຍເກມແນວທີ່ມັກຂອງນາງແມ່ນ Fighting ແລະງານອະດິເລກອີກຢ່າງຂອງ Vanessa ນອກຈາກການຫຼິ້ນເກມແລ້ວກໍຄືການອອກກຳລັງກາຍ.
————————————————————————————–
Rachel “Seltzer” Quirico
ອີກໜຶ່ງສາວງາມຜູ້ປ່ຽນຄວາມຮັກຄວາມມັກທີ່ນາງມີຕໍ່ວີດີໂອເກມໃຫ້ກາຍເປັນອາຊີບແທ້ໆ. ນອກຈາກການຖ່າຍທອດສົດການຫຼິ້ນເກມຂອງນາງແລ້ວ Rachel ຍັງພັດທະນາຕໍ່ຍອດໄປສູ່ຜູ້ດຳເນີນລາຍການແຂ່ງຂັນ E-Sports ທັງພາກ ແລະສຳພາດເຫຼົ່ານັກກິລາຕ່າງໆ. ເຊິ່ງໃນປັດຈຸບັນນີ້ Rachel ກຳລັງມຸ່ງໝັ້ນໃນເສັ້ນທາງຂອງເກມ Overwatch.
ທາງດ້ານຝີມືຂອງ Rachel ແມ່ນເປີດໂຕໃນຖານະຜູ້ຫຼິ້ນມືອາຊີບເກມ Team Fortress 2 ຂອງທີມ PMS Clan ໂດຍໃນລະຫວ່າງຮຽນມະຫາວິທະຍາໄລນາງກໍເຂົ້າແຂ່ງຂັນໃນຫຼາຍລາຍການ ກ່ອນທີ່ໃນປັດຈຸບັນນາງຈະຜັນໂຕອອກຈາກການເປັນຜູ້ຫຼິ້ນມາເຮັດວຽກເບື້ອງຫຼັງແທນ.
————————————————————————————–
Kaitlyn Richelle
ອີກໜຶ່ງຜູ້ຫຼິ້ນມືອາຊີບຈາກເກມ Starcraft 2 ນາມວ່າ: Kaitlyn ທີ່ເລີ່ມໂດ່ງດັງຕັ້ງແຕ່ນາງຍັງຮຽນຊັ້ນມັດທະຍົມໃນຊ່ວງ Starcraft Brood War ແລະຝ່າຍທີ່ນາງມັກກໍຄື: Protoss.
————————————————————————————–
Lee Yu Ra
Lee Yu Ra ສ້າງຊື່ສຽງໂດ່ງດັງໄຕ່ອັນດັບໃນຖານະຜູ້ຫຼິ້ນເກມ Starcraft 2 ໃນເກົາຫຼີ, ນອກຈາກຝີມືອັນດັບສຸດຍອດຂອງ Lee Yu Ra ແລ້ວ ນາງຍັງມາພ້ອມໜ້າຕາສຸດໜ້າຮັກຈຶ່ງສົ່ງຜົນໃຫ້ມີແຟນໆຈຳນວນຫຼາຍຄອຍຕິດຕາມ ແລະກ່ອນທີ່ຈະຜັນໂຕມາເປັນນັກຫຼິ້ນເກມມືອາຊີບນັ້ນ Lee Yu Ra ເຄີຍເຮັດວຽກເປັນແອຣ໌ໂຮສເຕສມາກ່ອນ.
————————————————————————————–
Olivia Munn
ປັດຈຸບັນ Olivia Munn ນັບເປັນໜຶ່ງໃນດາລາດັງຂອງ Hollywood ກັບບົດບາດ Psylocke ໃນ Xmen: Apocalypse ແຕ່ວ່າກ່ອນໜ້ານັ້ນ Olivia ໂດ່ງດັງຂຶ້ນມາໃນຖານະຜູ້ດຳເນີນລາຍການເກມ Attack of the Show! ກໍຢ່າແປກໃຈກັນເດີ້ຖ້ານາງຈະຫຼິ້ນເກມເກັ່ງພວກເຮົາ.
————————————————————————————–
Kat “Mystik” Gunn
ອີກໜຶ່ງເກມເມີ້ສາວທີ່ເຮົາສາມາດຕິດຕາມໄດ້ໃນຊ່ອງທາງເວັບ Twitch ເຊິ່ງນາງມັກໃນການຫຼິ້ນເກມ FPS ແລະເກມ Fighting ເປັນຫຼັກ. ໂດຍ Kat ເປັນນັກຫຼິ້ນເກມມືອາຊີບມາຫຼາຍປີແລ້ວ, ອີກທັງຍັງເປັນຜູ້ຊະນະໃນ Season ທີສອງຂອງລາຍການ Reality Show “The Ultimate Gamer” ອີກນຳ. ເຊິ່ງສິ່ງທີ່ໜ້າສົນໃຈທີ່ສຸດກໍຄື Kat ຍັງເປັນເຈົ້າຂອງຕຳແໜ່ງ ນັກຫຼິ້ນເກມຜູ້ຍິງມືອາຊີບທີ່ມີລາຍຮັບຫຼາຍທີ່ສຸດ ຈາກທາງ Guinness World Record ເວົ້າໄດ້ວ່າຫຼິ້ນເກມເກັ່ງຈົນລວຍແຖມດ້ວຍຕຳແໜ່ງສະຖິຕິໂລກອີກພຸ້ນນະ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station