spot_img
Homeຂ່າວທ້ອງຖິ່ນຫົວພັນ ເກັບລາຍຮັບລື່ນແຜນທີ່ວາງໄວ້

ຫົວພັນ ເກັບລາຍຮັບລື່ນແຜນທີ່ວາງໄວ້

Published on

ຫົວພັນ ເປັນໜຶ່ງໃນແຂວງຂອງລາວ ທີ່ມີໂຄງປະກອບເສດຖະກິດຫັນປ່ຽນໄປໃນທ່າອ່ຽງທີ່ດີຂຶ້ນ ສະເລ່ຍອັດຕາການຂະຫຍາຍຕົວຢູ່ລະດັບ 9,97% ການຈັດຕັ້ງປະຕິບັດເກັບລາຍຮັບ ເຂົ້າງົບປະມານກໍດຳເນີນໄປຢ່າງມີຜົນຜະລິດ ແລະໄດ້ຮັບໝາກຜົນເປັນຢ່າງດີ ສະເພາະໃນສົກແລ້ວນີ້ ຕົວເລກລື່ນແຜນເຖິງ 45,52%

ອີງຕາມຂໍ້ມູນບົດສະຫຼຸບຈາກຜະແນກແຜນການ ແລະການລົງທຶນແຂວງຫົວພັນໃຫ້ຮູ້ວ່າ: ໃນສົກປີ 2015-2016 ທີ່ຜ່ານມາທົ່ວແຂວງສາມາດຈັດເກັບລາຍຮັບພາຍໃນໄດ້ທັງໝົດ 90,42 ຕື້ກີບ ທຽບໃສ່ແຜນການປີລື່ນຄາດໝາຍ 45,52% ໃນນັ້ນລາຍຮັບຈາກສ່ວຍສາອາກອນໄດ້ 81,58 ຕື້ກີບ ຮັບຈາກພູດພາສີ 3,39 ຕື້ກີບ ແລະຮັບຈາກຊັບສິນ 5,44 ຕື້ກີບ

ສ່ວນການຄຸ້ມຄອງລາຍຈ່າຍງົບປະມານທາງແຂວງປະຕິບັດໄດ້ 354,35 ຕື້ກີບ ທຽບໃສ່ແຜນການປີ ປະຕິບັດໄດ້ 98,30% ໃນນັ້ນຈ່າຍເງິນເດືອນພື້ນຖານ 287.04 ຕື້ກີບ ທຽບໃສ່ແຜນການປີປະຕິບັດໄດ້ 97,95% ຈ່າຍເງິນນະໂຍບາຍຊ່ວຍໝູນຕ່າງໆ 21,37 ຕື້ກີບ ປະຕິບັດໄດ້ 89,46% ຈ່າຍຮັບໃຊ້ບໍລິຫານປົກກະຕິ 28,01 ຕື້ກີບ ປະຕິບັດໄດ້ 99,97%, ຊື້ຊັບສົມບັດທີ່ຮັບໃຊ້ບໍລິຫານ 2,68 ຕື້ກີບ ປະຕິບັດໄດ້ຕາມແຜນ, ຈ່າຍດັດສົມ, ສົ່ງເສີມ ແລະບຳລຸງ 13,16 ຕື້ກີບ, ເງິນແຮ 34,48 ຕື້ກີບ ແລະຈ່າຍການລົງທຶນຂອງລັດ 104,86 ຕື້ກີບ, ໂດຍຕົວເລກການຂາດດູນງົບປະມານທຽບໃສ່ລາຍຮັບພາຍໃນ ແຂວງສະເລ່ຍຢູ່ປະມານ 263,93 ຕື້ກີບ

ສຳລັບປີ 2017 ນີ້ແຂວງຫົວພັນ ຍັງຄາດຄະເນ ຈະສູ້ຊົນສ້າງລາຍຮັບ ສະເພາະພາຍໃນຂອງແຂວງໃຫ້ໄດ້ 103,92 ຕື້ກີບ, ລາຍຮັບຈາກສ່ວຍສາອາກອນໃຫ້ໄດ້ 96.39 ຕື້ກີບ, ຮັບຈາກພູດພາສີໃຫ້ໄດ້ 2,24 ຕື້ກີບ ແລະຮັບຈາກຊັບສິນໃຫ້ໄດ້ 5,29 ຕື້ກີບ

ສ່ວນລາຍຈ່າຍເອົາໃຈໃສ່ຄຸ້ມຄອງບໍ່ໃຫ້ເກີນ 395,40 ຕື້ກີບ ໃນນັ້ນຈ່າຍເງິນເດືອນພື້ນຖານ 325,99 ຕື້ກີບ, ຈ່າຍເງິນນະໂຍບາຍຊ່ວຍໜຸນຕ່າງໆ 21,99 ຕື້ກີບ, ຈ່າຍຮັບໃຊ້ບໍລິຫານປົກກະຕິ 29,91 ຕື້ກີບ, ຊື້ຊັບສົມບັດຄົງທີ່ຮັບໃຊ້ບໍລິຫານ 1,19 ຕື້ກີບ,​ຈ່າຍດັດສົມ, ສົ່ງເສີມ ແລະບຳລຸງ 1,73 ຕື້ກີບ, ເງິນແຮ 1,73 ຕື້ກີບ, ນອກຈາກນີ້ຄາດວ່າຍັງຈະຂາດດູນງົບປະມານອີກ 291,48 ຕື້ກີບ

ຂ່າວ: ເສດຖະກິດ-ສັງຄົມ

ບົດຄວາມຫຼ້າສຸດ

ຄະນະກຳມະການຮ່ວມມືທະວິພາຄີ ສອງລັດຖະບານ ລາວ-ຫວຽດນາມ ຈັດກອງປະຊຸມ ຄັ້ງທີ 47

ກອງປະຊຸມ ຄັ້ງທີ 47 ຂອງຄະນະກຳມະການຮ່ວມມືທະວິພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ...

ພຣະທາດຫຼວງ ຫໍພະແກ້ວ ແລະ ວັດສີສະເກດ ສ້າງລາຍຮັບ ກວ່າ 9 ຕື້ກີບ ໃນປີ 2024

ທ່ານ ນາງ ຄໍາເປື່ອງ ວົງຈັນດີ ຮອງຜູ້ອໍານວຍການກອງວິຊາ ການຄຸ້ມຄອງມໍລະດົກພະທາດຫຼວງ ແລະ ຫໍພິພິທະພັນ ສະຖານບູຮານ ນວ ໃຫ້ສຳພາດວັນທີ 8 ມັງກອນ 2025...

ເຈົ້າໜ້າທີ່ຕຳຫຼວດໄທ ເດີນທາງມາຮັບ 2 ຜູ້ຖືກຫາຄະດີສຳຄັນ ທີ່ຫຼົບໜີຂ້າມມາທີ່ປະເທດລາວ

ຜູ້ບັງຄັງບັນຊາຕຳຫຼວດພູທອນໜອງຄາຍ ພ້ອມກັບໜ່ວຍງານທີ່ກ່ຽວຂ້ອງ ເດີນທາງມາຮັບມອບ 2 ຜູ້ຖືກຫາຄົນໄທຄະດີສຳຄັນ 2 ຄະດີ ທີ່ຫຼົບໜີຂ້າມມາທີ່ປະເທດລາວ ຈາກກອງບັນຊາການປ້ອງກັນຄວາມສະຫງົບນະຄອນຫຼວງວຽງຈັນ ຖືເປັນຄວາມຮ່ວມມືອັນດີລະຫວ່າງກັນ ພາຍໃຕ້ຍຸດທະການໄລ່ລ່າແກັງຄ້າຢາຂ້າມປະເທດ. ເມື່ອເວລາ 10:20 ໂມງ ຂອງວັນທີ...

ປກສ ເມືອງຈັນທະບູລີ ສຶກສາອົບຮົມກຸ່ມມົ້ວສຸມນໍ້າກະທ່ອມ ແລະ ຢາສູບໄຟຟ້າ 100 ກວ່າຄົນ

ເຈົ້າໜ້າທີ່ ປກສ ເມືອງຈັນທະບູລີ ນະຄອນຫຼວງວຽງຈັນ (ນວ) ໄດ້ສົມທົບກັບ ປກສ ກຸ່ມ 5 ໜອງທາ ແລະ ອໍານາດການປົກຄອງບ້ານຫ້ວຍຫົງ ເມືອງຈັນທະບູລີ ນວ...