ໃນຄໍລຳ ແມ່ ແລະ ລູກ ມື້ນີ້ເຮົາຈະມາຮູ້ຈັກສາເຫດທີ່ລູກນ້ອຍມັກນອນຕື່ນຂຶ້ນມາຕອນເດິກແລ້ວຮ້ອງໄຫ້ ເຊິ່ງເລື່ອງແບບນີ້ພໍ່ແມ່ຄົງຈະໄດ້ພົບເປັນປະຈຳສຳລັບລູກທີ່ຍັງອາຍຸແຕ່ 1 ເດືອນ – 4 ເດືອນ ເຊິ່ງການທີ່ລູກຕື່ນນອນຂຶ້ນມາແລ້ວຮ້ອງໄຫ້ຕອນເດິກນັ້ນ ຈະມີສາເຫດມາຈາກຫຍັງ ເຮົາມາຮູ້ຈັກນຳກັນເລີຍ
ການນອນກໍ່ເປັນສ່ວນໜຶ່ງຂອງພັດທະນາການຂອງເດັກນ້ອຍ ຈາກຜົນການວິໄຈພົບວ່າ ເດັກນ້ອຍຈະໃຊ້ເວລານອນທັງໝົດ 16 ຊົ່ວໂມງ ໂດຍມັກຕື່ນນອນທຸກໆ 3-4 ຊົ່ວໂມງ ເຊິ່ງມີຄວາມສຳພັນກັບຄວາມຫິວ ເນື່ອງຈາກເດັກເກີດໃໝ່ຕ້ອງກນດື່ມນົມທຸກໆ 3-4 ຊົ່ວໂມງນັ້ນເອງ ດັ່ງນັ້ນຈິ່ງບໍ່ແມ່ນເລື່ອງແປກທີ່ລູກນ້ອຍຈະຕື່ນທຸກໆ 3-4 ຊົ່ວໂມງ ເຊິ່ງໃນໄລຍະລູກຍັງນ້ອຍພໍ່ແມ່ຕ້ອງອົດທົນກັນແນ່່ຈັກໜ້ອຍເມື່ອເວລາລູກຕື່ນຕອນເດິກ ແຕ່ພໍລູກມີອາຍຸໃຫຍ່ຂຶ້ນກໍ່ຈະນອນຫຼັບຕອນກາງຄືນເປັນເວລາຍາວນານຂຶ້ນ
ຄຳແນະນຳເພີ່ມເຕີມ
- ກ່ອມລູກໃຫ້ນອນຫຼັບເທິງຕຽງ ຫຼື ເບາະນອນສະເໝີ ບໍ່ຈຳເປັນຕ້ອງອຸ້ມລູກ ຫຼື ກ່ອມລູກນອນຄາເອິກ ເພາະມັນຈະເຮັດໃຫ້ລູກຕິດ ຖ້າມື້ໃດພໍ່ແມ່ບໍ່ເຮັດແບບນີ້ລູກກໍ່ຈະນອນຫຼັບຍາກ
- ຈັດສະພາບແວວລ້ອມຂອງຫ້ອງທີ່ລູກນອນໃຫ້ເໝາະກັບການນອນຫຼັບຂອງລູກເຊັ່ນ: ຄວາມມິດງຽບ, ອາກາດທີ່ສະບາຍກັບລູກ, ບ່ອນນອນທີ່ສະບາຍບໍ່ຄັນຄາຍ ແລະ ປິດໄຟນອນ
- ກ່ອນລູກຈະເຂົ້ານອນພໍ່ແມ່ບໍ່ຄວນກະຕຸ້ນຈົນເຮັດໃຫ້ລູກນ້ອຍຮູ້ສຶກຕື່ນເຕັ້ນຫຼາຍເກີນໄປ ເຊັ່ນ: ການຫຼິ້ນກັບລູກຫຼາຍເກີນໄປກ່ອນເວລາເຂົ້ານອນ ເພາະອາດສົ່ງຜົນຕໍ່ການນອນຫຼັບຂອງລູກ
ຂໍ້ມູນຈາກ: http://motherandchild.in.th/content/view/48/1/
ຕິດຕາມນານາສາລະ ກົດໄລຄ໌ເລີຍ!