ສຳນັກຂ່າວບີບີຊີ ຂອງອັງກິດລາຍງານວ່າ “ຣາຊັນຊຸດຂາວ” ເຣອັລ ມາລລິດ ໄດ້ຮັບຂໍ້ສະເໜີມູນຄ່າມະຫາສານເຖິງ 300 ລ້ານຢູໂຣ ຈາກສະໂມສອນໜຶ່ງໃນໄຊນີສ ຊຸບເປີລີກຂອງຈີນ ເພື່ອຂໍຊື້ຕົວ ຄຣິສເຕຍໂນ ໂຣນັລໂດ ຊຸບເປີສະຕາທີມຊາດ ປ໋ອກຕຸຍການ ຈາກການເປີດເຜີຍຂອງ ຈອນ ເມນເດສ ຫົວໜ້າ ແລະ ຕົວແທນຂອງ ຄຣິສເຕຍໂນ ໂຣນັລໂດ
ຈອນ ເມນເດສ ອ້າງວ່າມີທີມຈາກເມືອງຈີນຍື່ນຂໍ້ສະເໜີມູນສູງເຖິງ 300 ລ້ານຢູໂຣ ແລະ ຄ່າເມື່ອຍອີກປີລະ 100 ລ້ານຢູໂຣ ເພື່ອແລກກັບການໄດ້ຕົວ ດາວເຕະປ໋ອກຕຸຍການ ຢ່າງ ໂຣນັລໂດ ມາຫຼິ້ນໃນຈີນ ແຕ່ກໍ່ຖືກ ໂຣນັລໂດ ປະຕິເສດ ຍ້ອນບໍ່ຢາກຖິ້ມທີມໃນດວງໃຈຢ່າງ ເຣອັລ ມາລລິດ ໄປຫຼິ້ນຢູ່ທີມໃດ.
ເມນເດສ ກ່າວເສີມອີກວ່າ ຕະຫຼາດນັກເຕະບານໃນຈີນ ເປັນຕະຫຼາດໃໝ່ທີ່ກຳລັງມາແຮງ ທີມໃນລີກ ຊື້ນັກເຕະດັງໆຫຼາຍຄົນຈາກທົ່ວໂລກ ແຕ່ຕອນນີ້ຍັງເປັນໄປບໍ່ໄດ້ທີ່ ທີມຈາກຈີນຈະໄດ້ຕົວ ຄຣິສເຕຍໂນ ໂຣນັລໂດ ນັກເຕະທີ່ດີທີ່ສຸດໃນໂລກໄປຮ່ວມທີມ
ແຫລ່ງຂ່າວຈາກ: http://news.voicetv.co.th/sport/447084.html
ຕິດຕາມຂ່າວເສດຖະກິດລາວ ກົດໄລຄ໌ເລີຍ!