ນັກວິໄຈໄດ້ພັດທະນາຢາສັກຄຸມກຳເນີດສຳລັບຜູ້ຊາຍໂດຍສະເພາະ ແລະ ກຳລັງພັດທະນາໃຫ້ໄດ້ຜົນດີຂຶ້ນ ເພື່ອຫຼຸດຜົນຂ້າງຄຽງຕ່າງໆ ເຊັ່ນ: ຄວາມຊຶມເສົ້າ ແລະ ຄວາມຜິດປົກກະຕິທາງອາລົມ ຫຼັງຈາກສັກຢາຄຸມນີ້ເຂົ້າໄປແລ້ວ ໂດຍງານວິໄຈນີ້ໄດ້ຮັບການເຜີຍແຜ່ໃນວາລະສານວິຊາການ Journal of Clinical Endocrinology & Metabolism ແລ້ວ
ມີການຄົ້ນພົບວ່າ ການໃຊ້ຢາຄຸມກຳເນີດແບບຮໍໂມນສຳລັບຜູ້ຊາຍໃຊ້ປ້ອງກັນການຖືພາໃນຄູ່ນອນຂອງຜູ້ຊາຍໄດ້ ການສຶກສາຂອງພວກເຂົາຊີ້ໃຫ້ເຫັນເຖິງປະສິດທິພາບຂອງຢາຄຸມກຳເນີດແບບນີ້ “ນາຍແພດ ມາຣິໂອ ຟິລິບ ເຣເຍສ” ແຫ່ງອົງການອານະໄມໂລກ ກໍ່ເປັນໜຶ່ງໃນນັກວິໄຈເຜີຍວ່າ
ຂັ້ນຕອນທົດສອບມີຄວາມປອດໄພ ແລະ ປະສິດທິພາບຂອງຢາຄຸມກຳເນີດແບບສັກນັ້ນ ໄດ້ທົດສອບກັບຜູ້ຊາຍຈຳນວນ 320 ຄົນ ອາຍຸລະຫວ່າງ 18-45 ປີ ທຸກຄົນມີຄູ່ຮ່ວມສົມຣົດ ອາຍຸລະຫວ່າງ 18-38 ປີ ແລະ ແຕ່ງງານກັນເປັນເວລາບໍ່ຕ່ຳກວ່າ 1 ປີ ໂດຍມີຈຳນວນສະເປີມປົກກະຕິໃນມື້ທຳອິດຂອງການສຶກສາທົດລອງ
ຫຼັງຈາກທີ່ຜູ້ຊາຍທຸກຄົນໄດ້ຮັບການສັກຢາຮໍໂມນໂປຣເຈສໂຕເຈນທີ່ຊື່ norethisterone enanthate (NET-EN) ປະລິມານ 200 ມິລລິກຣາມ ແລະ ຮໍໂມນແອນໂດຣເຈນທີ່ຊື່ testosterone undecanoate (TU) ປະລິມານ 1,000 ມິລລິກຣາມ ໂດຍມີການສັກຢາຄຸມກຳເນີດທຸກໆ 8 ອາທິດ ເປັນເວລາລວມກັນ 26 ອາທິດ ເພື່ອຫຼຸດຈຳນວນຂອງສະເປີມເພດຊາຍ ເຊິ່ງອາສາສະໝັກຈະຕ້ອງໃຫ້ຕົວຢ່າງນ້ຳອະສຸຈິເພື່ອນຳໄປທົດສອບຫຼັງຈາກຜ່ານການສັກຢາຄຸມແລ້ວ 8 ແລະ 12 ອາທິດ ຈົນກວ່າຈະຢູ່ໃນລະດັບທີ່ຈຳນວນສະເປີມຫຼຸດລົງຈົນເຖິງລະດັບທີ່ກຳນົດໄວ້
ນັກວິໄຈພົບວ່າຮໍໂມນແບບສັກນັ້ນຊ່ວຍຫຼຸດສະເປີມໃຫ້ເຫຼືອ 1 ລ້ານຕົວຕໍ່ 1 ມິລລິລິດພາຍໃນ 24 ອາທິດ ແລະ ວິທີຄຸມກຳເນີດແບບນີ້ຖືວ່າມີປະສິດທິພາບໃນກຸ່ມຄົນທີ່ໃຊ້ຢ່າງຕໍ່ເນື່ອງເຖິງ 94%
ແຫລ່ງຂໍ້ມູນຈາກ: http://www.vcharkarn.com/vnews/505901
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!