ການແຂ່ງຂັນບານເຕະ Toyota Mekong Club Championship 2016 ຮອບຮອງຊະນະເລີດ ລະຫວ່າງ ສະໂມສອນ Boeung Ket Angkor ເປີດບ້ານພົບກັບ ສະໂມສອນ ລ້ານຊ້າງ ຢູໄນເຕັດ ໃນຕອນຄ່ຳຂອງມື້ນີ້ ວັນທີ 31 ທັນວາ 2016 ເວລາ 18:00 ໂມງ ທີມທີ່ຊະນະຈະຜ່ານເຂົ້າໄປ ຊີງຊະນະເລີດກັບ ສະໂມສອນ ບູຣີຣຳ ຢູໄນເຕັດ ແຊ້ມເກົ່າ ປີທີ່ຜ່ານມາ.
ສະໂມສອນ ລ້ານຊ້າງ ຢູໄນເຕັດ ໄດ້ມອບຂອງຂັວນຕ້ອນຮັບປີໃໝ່ 2017 ໃຫ້ກັບພີ່ນ້ອງຊາວລາວ ທັງປະເທດ ໂດຍການບຸກໄປຊະນະ ສະໂມສອນ Boeung Ket Angkor ຄາບ້ານ 3-0 ເຮັດໃຫ້ພວກເຂົ້າຜ່ານເຂົ້າໄປໃນຮອບຊິງຊະນະເລີດໄປພົບກັບ ແຊ້ມເກົ່າ ສະໂມສອນ ບູຣີຣຳ ຢູໄນເຕັດ
ການແຂ່ງຂັນ ນັດຊີງຊະນະເລີດ ລະຫວ່າງ ສະໂມສອນ ບູຣີຣຳ ຢູໄນເຕັດ ກັບ ສະໂມສອນ ລ້ານຊ້າງ ຢູໄນເຕັດ ຈະແຂ່ງຂັນກັນ 2 ນັດໄປ-ກັບ ໂດຍທີ່ໃນນັດທຳອິດ ສະໂມສອນ ລ້ານຊ້າງ ຢູໄນເຕັດ ຈະເປັນຝ່າຍ ເປີດບ້ານຕອນຮັບ ການບຸກມາຂອງ ແຊ້ມເກົ່າ ໃນວັນທີ 04 ມັງກອນ 2017 ສ່ວນນັດທີ 2 ສະໂມສອນ ລ້ານຊ້າງ ຢູໄນເຕັດ ຈະເປັນຝ່າຍ ບຸກອອກໄປຍາມ ສະໂມສອນ ບູຣີຣຳ ຢູໄນເຕັດ ໃນວັນທີ 08 ມັງກອນ 2017.
ຢ່າລືມແຟນບານຊາວລາວທຸກຄົນ ຢ່າລືມຮ່ວມສົ່ງແຮງໃຈໃຫ້ທັບນັກກີລາບານເຕະ ລ້ານຊ້າງ ຢູໄນເຕັດ ຕົວແທນທີມຈາກ ສປປ ລາວ ທີມທຳອິດ ທີ່ໄດ້ເຂົ້າຊິງໃນລາຍການນີ້ ໃນວັນທີ 4 ມັງກອນ 2017 ທີ່ສະໜາມເຈົ້າອານຸວົງ
ຂໍ້ມູນ ແລະ ພາບຂ່າວຈາກ: LANEXANG UNITED
ຕິດຕາມຂ່າວເສດຖະກິດລາວ ກົດໄລຄ໌ເລີຍ!