ເຖິງແມ່ນວ່າຈະທຳຄວາມສະອາດເຮືອນພຽງໃດ ແຕ່ກໍຍັງມີແມງວັນມາຕອມຕະຫຼອດສົ່ງສຽງລົບກວນເບົາໆ ເຮັດໃຫ້ຮູ້ສຶກລຳຄານໃຈ, ແຖມຍັງໄລ່ແລ້ວໄລ່ອີກກໍບໍ່ຍອມບິນໜີອອກຈາກເຮືອນງ່າຍໆ, ມື້ນີ້ ແອັດມິນມີວິທີໄລ່ແມງວັນ ມາຊ່ວຍແກ້ບັນຫາ ໃຫ້ຄົນທີ່ກຳລັງມີບັນຫາກັບແມງວັນ

1. ນໍ້າຢາລ້າງຈານປະສົມນໍ້າ: ພຽງແຕ່ເອົານໍ້າຢາລ້າງຈານ ປະສົມກັບນໍ້າ ໃນປະລິມານທີ່ເທົ່າກັນ ອັດຕາສ່ວນ 1/1 ຈາກນັ້ນກໍເອົາສ່ວນປະສົມທີ່ໄດ້ໄປໃສ່ໃນກະບອກສີດນໍ້າ ແລ້ວເອົາໄປພົ່ນໃສ່ແມງວັນ ຈະເຮັດໃຫ້ແມງວັນຫາຍໃຈບໍ່ອອກ ດ້ວຍການພົ່ນເປັນລະອອງຄ່ອຍໆ ແລ້ວແມງວັນກໍຈະໜີອອກໄປ
2. ພິກໄທປົ່ນປະສົມນໍ້າຕານ: ດ້ວຍການເອົາທັງສອງຢ່າງປະສົມກັນ ແລະເຕີມນໍ້າລົງເລັກໜ້ອຍໃຫ້ເປັນເນື້ອໜຽວ ແລ້ວເອົາໄປທາລົງເຈ້ຍ ເພື່ອເອົາໄປປະ ໃຫ້ແມງວັນມາຕອມ ຈາກນັ້ນເມື່ອແມງວັນບິນມາຕອມ ພິດເຜັດຮ້ອນຂອງພິກໄທຈະເຮັດໃຫ້ແມງວັນຕາຍທັນທີ
3. ນໍ້າເຊື່ອມນໍ້າຕານປະສົມພິກໄທ: ດ້ວຍການເອົານໍ້າເຊື່ອມທີ່ເຂັ້ມຂຸ້ນທີ່ມີຄວາມໜຽວ ປະສົມກັບພິກໄທ ຈາກນັ້ນໃສ່ພາຊະນະແລ້ວເອົາໄປຕັ້ງໄວ້ບໍລິເວນທີ່ມີແມງວັນ, ເມື່ອແມງວັນບິນມາຕອມ ກໍຈະຕິດກັບນໍ້າເຊື່ອມນັ້ນ ແລະບິນໄປໃສບໍ່ໄດ້ອີກ
4. ຢາງພາລາສົດປະສົມນໍ້າມັນພືດ: ເຮັດກາວດັກແມງວັນແບບງ່າຍໆ ດ້ວຍການໃຊ້ຢາງພາລາສົດ ປະສົມກັບນໍ້າມັນພືດ ໃຫ້ມີຄວາມມື່ນ ແລະໜຽວ, ຈາກນັ້ນໃສ່ພາຊະນະ ຫຼືຕິດລົງເຈ້ຍ ອາດຈະວາງອາຫານບູດລົງເລັກໜ້ອຍ ເມື່ອແມງວັນມາຕອມກໍຈະຕິດທັນທີ
5. ນໍ້າສົ້ມສາຍຊູປະສົມນໍ້າ: ໃຫ້ປະໂຫຍດຈາກນໍ້າສົ້ມສາຍຊູທີ່ມີຢູ່ ດ້ວຍການປະສົມກັບນໍ້າ ໂດຍເນັ້ນຄວາມເຂັ້ມຂຸ້ນຂອງນໍ້າສົ້ມສາຍຊູຫຼາຍກວ່າ, ຈາກນັ້ນໃສ່ບັ້ງສີດ ແລ້ວໄປສີດບໍລິເວນທີ່ມີແມງວັນຢູ່ ກິ່ນຂອງນໍ້າສົ້ມສຍຊູຈະເຮັດໃຫ້ແມງວັນໜີໄປບ່ອນອື່ນ
6. ກະທຽມຕົ້ມກັບນໍ້າຮ້ອນ: ປອກກະທຽມແລ້ວໄປໃສ່ໝໍ້ຕົ້ມນໍ້າໃຫ້ຮ້ອນ ຈາກນັ້ນເອົາກິ່ງໄມ້ນ້ອຍໆ ມາແຊ່ລົງໄປໃນນໍ້າກະທຽມທີ່ຕົ້ມສຸກນັ້ນ ແຊ່ປະໄວ້ຈົນແນ່ໃຈວ່າກິ່ນຈະຕິດກິ່ງໄມ້ໄດ້ດົນ ແລ້ວກໍເອົາຂຶ້ນໄປປັກໄລ່ແມງວັນໃນບ່ອນທີ່ມີແມງວັນ ກິ່ນຂອງກະທຽມຈະເຮັດໃຫ້ແມງວັນບໍ່ມາໃກ້ອີກ
7. ຈູດເປືອກໝາກກ້ຽງຕາກແຫ້ງ: ເປືອກໝາກກ້ຽງແຫ້ງສາມາດໃຊ້ເປັນອຸປະກອນໄລ່ແມງວັນໄດ້ ພຽງແຕ່ເອົາໄປຈູດໃຫ້ເກີດຄວັນ ເພື່ອໃຫ້ແມງວັນບິນໜີອອກຈາກເຮືອນ

ຕິດຕາມນານາສາລະ ກົດໄລຄ໌ເລີຍ!