- ເຮັດໃຫ້ກິນອາຫານໄດ້ໜ້ອຍລົງ ເພາະເກີດຄວາມຮູ້ສຶກອິ່ມ ແຕ່ບໍ່ໄດ້ໝາຍຄວາມວ່າຈະເຮັດໃຫ້ຈ່ອຍລົງ ເພາະນໍ້າອັດລົມມີນໍ້າຕານທີ່ໃຫ້ພະລັງງານສູງຢູ່
- ເກີດພາວະຂາດສານອາຫານ ໂດຍສະເພາະເດັກນ້ອຍທີ່ມັກດື່ມນໍ້າອັດລົມ ເຮັດໃຫ້ບໍ່ກິນອາຫານທີ່ມີຄຸນຄ່າຢ່າງອື່ນ ມີຜົນຕໍ່ການຈະເລີນເຕີບໂຕ
- ເຮັດໃຫ້ແຂ້ວເປັນແມງ ແລະພ່ອຍ ເພາະຄວາມຫວານໃນນໍ້າຕານ ເປັນຕົວການທີ່ກໍໃຫ້ເກີດພະຍາດແຂ້ວແມງ ແລະກົດຄາຣ໌ໂບນິກ ຍັງໄປທໍາລາຍສານເຄືອບແຂ້ວ ນໍ້າອັດລົມຈະມີຄ່າຄວາມເປັນກົດດ່າງທີ່ປະມານ 3.4 ຄົນທີ່ມີອາຍຸເກີນ 30 ປີ ກະດູກຈະພ່ອຍລົງ 8-18% ຂຶ້ນຢູ່ກັບການກິນອາຫານທີ່ເປັນກົດເຂົ້າໄປ
- ນໍ້າອັດລົມມີແກ໊ສ ເຮັດໃຫ້ເກີດມີອາການທ້ອງອືດ ທີ່ສໍາຄັນຄົນທີ່ເປັນພະຍາດກະເພາະອາຫານ ເມື່ອດື່ມນໍ້າອັດລົມເຂົ້າໄປ ກໍຈະມີອາການເຈັບທ້ອງ ເພາະສະພາບຄວາມເປັນກົດຂອງຕົວເຄື່ອງດື່ມນັ້ນ
- ດື່ມນໍ້າອັດລົມຕະຫຼອດເຮັດໃຫ້ເປັນພະຍາດອ້ວນ, ເບົາຫວານ ເພາະຮ່າງກາຍຈະຮັບນໍ້າຕານຫຼາຍເກີນຄວາມຈໍາເປັນ
- ຄົນທີ່ດື່ມນໍ້າອັດລົມຫຼາຍ ຈະນອນບໍ່ຫຼັບ ເພາະໃນນໍ້າອັດລົມມີການຄາເຟອິນ ຄົນທີ່ມີຮ່າງກາຍທີ່ໄວຕໍ່ຄາເຟອິນ ຈະຮູ້ສຶກໃຈສັ່ນ ແລະເຈັບຫົວ ເພາະຄາເຟອິນໃນນໍ້າອັດລົມຈະມີລິດກະຕຸ້ນສະໝອງ
- ອາຫານບໍ່ຍ່ອຍ ເພາະນໍ້າອັດລົມທີ່ມີອຸນຫະພູມຄວາມເຢັນທີ່ຕໍ່າກວ່າ ອຸນຫະພູມຂອງຮ່າງກາຍ ລົງໄປໃນກະເພາະອາຫານ ເປັນການລົບກວນການທໍາງານຂອງລະບົບຍ່ອຍອາຫານ ຈະຮູ້ສຶກວ່າທ້ອງອືດ, ອາຫານບໍ່ຍ່ອຍ ບໍ່ສະບາຍໂຕ ເກີດລົມໃນກະເພາະ