ຣັດເຊຍກ່າວວ່າ ສະຫະລັດ ຫຼຸດເງື່ອນໄຂໜຸນອາວຸດໃຫ້ຊີເລຍ ສ່ຽງເພີ່ມອັນຕະລາຍແກ່ກອງທັບຣັດເຊຍ ເຢຍລະມັນ ເສີມອາວຸດອາດເຖິງມືຜູ້ກໍ່ການຮ້າຍ.
ອີງຕາມສໍານັກຂ່າວຕ່າງປະເທດລາຍງານວັນທີ 27 ທັນວາ ທີ່ຜ່ານມາວ່າ: ລັດຖະມົນຕີຕ່າງປະເທດຣັດເຊຍກ່າວໃນວັນທີ 27 ທັນວາ ທີ່ຜ່ານມາວ່າ ທີ່ສະຫະລັດ ພິຈາລະນາຜ່ອນຄາຍເງື່ອນໄຂສະໜັບສະໜູນອາວຸດໃຫ້ແກ່ກຸ່ມກະບົດຊີເຣຍ ທຽບເທົ່າການກະທໍາທີ່ບໍ່ເປັນມິດ ທີ່ເປັນໄພຄຸກຄາມເຮືອບິນຂອງຣັດເຊຍ ແລະບຸກຄະລາກອນຂອງກອງທັບ ທັງນີ້ ສື່ທ້ອງຖິ່ນຂອງຣັດເຊຍ ກ່າວວ່າ ເຈົ້າໜ້າທີ່ພາຍໃຕ້ການບໍລິຫານຂອງ ບາລັກ ໂອບາມາ ພະຍາຍາມທີ່ຈະເຮັດໃຫ້ສະຖານະການໂລກຊັບຊ້ອນກ່ອນ ໂດນັນ ທຣັມ ຂຶ້ນເຮັດວຽກໃນເດືອນມັງກອນປີ 2017.
ທັງນີ້ ໂອບາມາ ຫາກໍຍົກເລີກຂໍ້ຈໍາກັດການສົ່ງມອບອາວຸດບາງຢ່າງໄປຍັງຊີເຣຍ ເມື່ອຕົ້ນເດືອນກ່ອນ ຂະນະທີ່ເຢຍລະມັນທີ່ສະໜັບສະໜູນລັດຖະບານຂອງ ບາຣ໌ຊາ ອັລ ອັດຊາດ ປະທານາທິບໍດີຊີເລຍກ່າວວ່າ ການເຄື່ອນຍ້າຍອາວຸດມີຄວາມສ່ຽງທີ່ຈະເຮັດໃຫ້ອາວຸດຕົກໄປສູ່ມືຜູ້ກໍ່ການຮ້າຍໄດ້