ສຳນັກຂ່າວຕ່າງປະເທດລາຍງານ (ບໍ່ໄດ້ລະບຸວັນທີເດືອນປີເອົາໄວ້) ກ່າວວ່າ ປູ່ເຖົ້າເຝິງອາຍຸ 92 ປີ ເຂົ້າຮັບການປິ່ນປົວໃນໂຮງໝໍອິນໂຈວ ເມືອງໜິງໂປ ມົນທົນເຈີ້ຈຽງ ຍ້ອນການເຮັດວຽກຂອງອະໄວຍະວະພາຍໃນຮ່າງກາຍຫຼາຍຢ່າງລົ້ມແຫຼວ ເຊິ່ງຫຼັງຈາກປິ່ນປົວຢູ່ໃນຫ້ອງ ມໍລະສຸມ ເປັນເວລາດົນ ທາງກະໂຕປູ່ເຝິງເອງແລະຄົນໃນຄອບຄົວ ຕັດສິນໃຈຮ່ວມກັນວ່າຈະບໍ່ຂໍຮັບການປິ່ນປົວຕໍ່ອີກ ແລະຖ້າຈະຕ້ອງຈາກໂລກນີ້ໄປກໍຂໍຈາກໄປຢ່າງສະຫງົບຢູ່ເຮືອນ ແຕ່ໃນຂະນະທີ່ປູ່ເຝິງຢູ່ໂຮງໝໍບໍ່ໄດ້ພົບຍ່າ ຄູ່ທຸກຄູ່ຍາກເລີຍ ເນື່ອງຈາກວ່າເຝິງກໍເຖົ້າແຮງແລ້ວ ແລະເຂົ້າປິ່ນປົວຢູ່ໂຮງໝໍແຫ່ງນີ້ເຊັ່ນດຽວກັນເນື່ອງຈາກກະດູກຫັກ.
ກ່ອນທີ່ຈະອອກຈາກ ຫ້ອງມໍລະສຸມ ແລະກັບໄປເຮືອນ ປູ່ເຝິກໄດ້ຂໍຮ້ອງທ່ານໝໍແລະຄົນໃນຄອບຄົວເປັນເທື່ອສຸດທ້າຍວ່າ ຕ້ອງການພົບໜ້າຍ່າ ຄົນທີ່ປູ່ຮັກແລະຫ່ວງທີ່ສຸດ ເຈົ້າໜ້າທີ່ໂຮງໝໍຈຶ່ງໄດ້ຍູ້ຕຽງຍ່າເຝິງມາພົບກັບປູ່ເຝິງ ເມື່ອທັງສອງພົບກັນ ຕ່າງກໍຈັບມືກັນແລະກັນ ແລະຍ່າເຝິງໄດ້ເວົ້າວ່າ “ບໍ່ຕ້ອງຫ່ວງເດີ ຂ້ອຍເບິ່ງແຍງໂຕເອງໄດ້ ຖ້າຂ້ອຍກ່ອນເດີ ອີກບໍ່ດົນຈັກໜ້ອຍຂ້ອຍກໍຈະນຳໄປ”.
ເມື່ອເລື່ອງນີ້ຖືກເຜີຍແພ່ອອກໄປສູ່ສັງຄົມອອນລາຍ ຊາວຈີນຕ່າງແຊເລື່ອງລາວນີ້ແລະຕ່າງບອກວ່າ ເປັນເລື່ອງທີ່ຊຶ້ງທີ່ສຸດ ຄວາມຮັກຄືສິ່ງທີ່ບໍລິສຸດແທ້ໆ.
