ພາຍຫຼັງທີ່ ສາທາລະນະລັດ ເກົາຫຼີ ໄດ້ຕົກລົງຮັບເອົາແຮງງານຈາກລາວປີລະ 500 ຄົນ ໄດ້ເຮັດໃຫ້ແຮງງານລາວຫຼາຍຄົນໃຫ້ຄວາມສົນໃຈທີ່ຈະສະໝັກໄປອອກແຮງງານດັ່ງກ່າວ ເນື່ອງຈາກການຮັບດັ່ງກ່າວນັ້ນ ບໍ່ຈຳເປັນຕ້ອງຈົບວິຊາຊີບໃດໆ ຫຼືຕ້ອງມີລະດັບການສຶກສາທີ່ສູງ ຂໍພຽງຮູ້ພາສາເກົາຫຼີໃນລະດັບພື້ນຖານສາມາດ ໂອ້ລົມສື່ສານກັນໄດ້ເທົ່ານັ້ນ, ແຕ່ບັນຫາຄືແຮງງານລາວຍັງບໍ່ມີບ່ອນຮຽນພາສາເກົາຫຼີທີ່ເປີດກວ້າງເທື່ອ.
ດັ່ງນັ້ນ, ທາງໂຮງຮຽນພັດທະນາອາຊີບຈັງຫວັດອຸດອນທານີ ເຫັນໄດ້ຄວາມຮຽກຮ້ອງຕ້ອງການຂອງແຮງງານລາວ ຈຶ່ງໄດ້ເປີດໂອກາດໃຫ້ແກ່ແຮງງານລາວ ໂດຍເປີດໃຫ້ຄົນລາວສາມາດໄປສະໝັກເຂົ້າໂຮງຮຽນດັ່ງກ່າວໄດ້ ເຊັ່ນກັນກັບແຮງງານໄທທຸກປະການ ໂດຍທາງໂຮງຮຽນດັ່ງກ່າວຈະອຳນວຍຄວາມສະດວກເຕັມທີ່ ຄື ບໍລິການອາຫານ, ທີ່ພັກ, ອຸປະກອນການສຶກສາ, ຊຸດນັກຮຽນ ແລະຄ່າປິ່ນປົວສຸຂະພາບໃຫ້ຟຣີ ຕະຫຼອດການຮຽນ ໂດຍການຈ່າຍຄ່າຮຽນພຽງຄັ້ງດຽວ ຮຽນຈົນໄດ້ ດ້ວຍລາຄາທີ່ຖືກ. ນອກຈາກນັ້ນ, ທາງໂຮງຮຽນຍັງໃຫ້ສິດທິພິເສດແກ່ນັກຮຽນຄື ກ່ອນຈະເສັງໄປເຮັດວຽກຢູ່ເກົາຫຼີ ທາງໂຮງຮຽນຈະໃຫ້ນັກຮຽນເຂົ້າໄປຮຽນອີກ 2 ອາທິດ ຟຣີທຸກປະການ ເພື່ອເຝິກຊ້ອມໃຫ້ນັກຮຽນມີຄວາມພ້ອມໃນການສອບເສັງ.
ສຳລັບນ້ອງແຮງງານຄົນລາວ ທີ່ສົນໃຈຈະຮຽນພາສາເກົາຫຼີ ເພື່ອກຽມເສັງໄປເຮັດວຽກຢູ່ປະເທດເກົາຫຼີ ໃນລະບົບ EPS ຈັດສົ່ງໂດຍລັດຖະບານ ສາມາດເຂົ້າສະໝັກຮຽນໄດ້ເລີຍທີ່ ” ໂຮງຮຽນພັດທະນາອາຊີບ ຈັງຫວັດອຸດອນທານີ” ເຊິ່ງຕ້ອງມີຄຸນສົມບັດຂອງຜູ້ທີ່ຈະສະໝັກຮຽນມີດັ່ງນີ້:
1. ຈະເປັນຍິງ ຫຼື ຊາຍກໍໄດ້.
2. ອາຍຸຕັ້ງແຕ່ 18 – 39 ປີ.
3. ບໍ່ຈຳກັດລະດັບການສຶກສາ ພຽງແຕ່ຟັງພາສາໄທເຂົ້າໃຈ
ໂຮງຮຽນພັດທະນາອາຊີບ ຈັງຫວັດອຸດອນທານີ ເປີດມາແລ້ວຫຼາຍກວ່າ 20 ປີ, ຜະລິດແຮງງານໄທໃຫ້ເສັງຜ່ານໄປເຮັດວຽກຢູ່ປະເທດເກົາຫຼີມາແລ້ວຫຼາຍໝື່ນຄົນ, ສອນດ້ວຍຄູຄົນໄທແລະເກົາຫຼີ ທີ່ມີປະສົບການໃນການສອນມາຫຼາຍ ໂດຍສະເພາະແມ່ນປະສົບການໃນການສອນແຮງງານທີ່ຈະເສັງໄປເຮັດວຽກຢູ່ປະເທດເກົາຫຼີ.
ສົນໃຈຕິດຕໍ່ສະໝັກຮຽນໄດ້ທີ່ ໂຮງຮຽນພັດທະນາອາຊີບອຸດອນທານີ
ຫຼືໂທປຶກສາກ່ອນທີ່ 020 2202 8220 ເບີໄທ 087-7755111, 087-7754111, 081-7170300