ຜູ້ຊາຍ ເປັນຄົນທີ່ເອົາໃຈຍາກ ຕ້ອງມີເທັກນິກໃນການໂນ້ມນ້າວຈິດໃຈ ຈຶ່ງລົງມືປະຕິບັດສິ່ງໃດໜຶ່ງ ທັງໆທີ່ຮູ້ວ່າສິ່ງນັ້ນດີກັບຕົວເອງ, ສະນັ້ນ ບໍ່ວ່າ ເຈົ້າຈະຢູ່ໃນບົດບາດໃດ ຈະເປັນແມ່, ຄົນຮັກ, ເອື້ອຍ ເຮົາມີວິທີດີໆມາບອກ ເພື່ອຊ່ວຍສະໜັບສະໜູນ ແລະສົ່ງເສີມໃຫ້ “ຜູ້ຊາຍທີ່ເຈົ້າຮັກ” ມີສຸຂະພາບດີຂຶ້ນ
- ກິນນໍ້າ 1 ແກ້ວຫຼັງຈາກຕື່ນນອນ: ດ້ວຍການກຽມນໍ້າ 1 ແກ້ວໄວ້ ຫຼັງຈາກຕື່ນນອນ ເພາະການດື່ມນໍ້າທັນທີຫຼັງຈາກຕື່ນນອນດີຕໍ່ສຸຂະພາບ ແລະຄວນດື່ມກ່ອນໄປຖູແຂ້ວ ເພາະນໍ້າລາຍໃນປາກມີແບັກທີເລຍທີ່ດີຕໍ່ລຳໄສ້ ຊ່ວຍເລື່ອງການຂັບຖ່າຍ ແລະຍັງຊ່ວຍຫຼຸດຄວາມສ່ຽງເລື່ອງຕ່ອມລູກໝາກອັກເສບ
- ກິນອາຫານເຊົ້າ: ກຽມອາຫານເຊົ້າທີ່ເຂົາມັກໄວ້ໃຫ້ ເພາະການກິນອາຫານເຊົ້າ ຊ່ວຍຫຼຸດຄວາມສ່ຽງເລື່ອງສຸຂະພາບໄດ້ຫຼາຍເຊັ່ນ: ຫຼຸດເສັ້ນເລືອດອຸດຕັນ, ພະຍາດຫົວໃຈ ແລະສະໝອງເສື່ອມ
- ກຽມໝາກໄມ້ໄວ້ໃຫ້ກິນງ່າຍ: ການປອກໝາກໄມ້ເປັນປ່ຽງແຊ່ໄວ້ໃນຕູ້ເຢັນ ແລະໃສ່ຈານໄວ້ຫຼັງອາຫານ ປະໄວ້ໃກ້ກັບເຂົາໃຫ້ກິນງ່າຍ ຈະຊ່ວຍໃຫ້ເຂົາກິນໝາກໄມ້ໃຫ້ຫຼາຍຂຶ້ນ ດ້ວຍການດັດແປງໝາກໄມ້ທີ່ເຂົາມັກມາເປັນອາຫານວ່າງ ຈະເຮັດໃຫ້ເຂົາກິນໝາກໄມ້ໃຫ້ຫຼາຍຂຶ້ນ
- ຊວນໄປອອກກຳລັງກາຍ: ພະຍາຍາມຊວນໜຸ່ມໆໄປອອກກຳລັງກາຍ ດ້ວຍການເລືອກກິລາທີ່ຜູ້ຊາຍມັກ ຈະເຮັດໃຫ້ຜູ້ຊາຍຢາກຫຼິ້ນຫຼາຍຂຶ້ນອາດເລີ່ມຕົ້ນດ້ວຍກິລາງ່າຍເຊັ່ນ: ແລ່ນ, ຂີ່ລົດຖີບ ຫຼືຊື້ເຄື່ອງອອກກຳລັງກາຍໃຫ້ ຈະຊ່ວຍໃຫ້ເຂົາມີຄວາມຢາກອອກກຳລັງກາຍຫຼາຍຂຶ້ນ ແຕ່ບໍ່ຄວນໃຫ້ອອກຄົນດຽວ ເພາະການມີໝູ່ຈະເຮັດໃຫ້ເຂົາມ່ວນກັບການອອກກຳລັງກາຍ
- ທາຄີມກັນແດດ: ເພາະຈະສ່ຽງເປັນພະຍາດມະເຮັງຜິວໜັງໄດ້ ດ້ວຍການຊອກຫາຄີມກັນແດດຊະນິດທີ່ບໍ່ໜຽວຫຼາຍ ຈະຊ່ວຍປ້ອງກັນອັນຕະລາຍຈາກແສງແດດໄດ້ໃນລະດັບໜຶ່ງ
- ກິນປາທຸກມື້: ເພາະປາດີຕໍ່ສຸຂະພາບ ຄົງດີຖ້າທຸກມື້ອາຫານມີເມນູປາຢ່າງໜ້ອຍໜຶ່ງເມນູ ອາດປ່ຽນຮູບແນນການກິນທີ່ແຕກຕ່າງກັນໄປ ເພາະປາກມີກົດໄຂມັນທີ່ຈຳເປັນສຳລັບຮ່າງກາຍ, ດີຕໍ່ຫຼອດເລືອດຫົວໃຈ, ລະບົບປະສາດ ແລະສຸຂະພາບຈິດໃຈ
- ນວດ ເພື່ອຜ່ອນຄາຍ: ດ້ວຍການນວດໃຫ້ເພື່ອຜ່ອນຄາຍ ເຮັດໃຫ້ເຂົາດີຈາກຄວາມອິດເມື່ອຍ ເພາະຄວາມຄຽດເຮັດໃຫ້ກ້າມເນື້ອບໍລິເວນບ່າ, ຄໍ ແລະຫົວ ມີອາການເຄັ່ງ ຫາກໄດ້ຮັບການນວດ ຈະເຮັດໃຫ້ເລືອດໄຫຼວຽນດີຂຶ້ນ
- ຂະຫຍັນໃຫ້ກຳລັງໃຈ: ຜູ້ຊາຍຈະເຮັດວຽກດ້ວຍຄວາມມຸ່ງໝັ້ນ, ບາງຄັ້ງກໍເຄັ່ງຄຽດ ຜູ້ຍິງກໍຄວນໃຫ້ກຳລັງໃຈ ເພື່ອເຮັດໃຫ້ເຂົາຜ່ອນຄາຍອາລົມ
- ຫາເວລາໄປທ່ຽວຕ່າງແຂວງ:ໄປປົດປ່ອຍພາລະໜ້າທີ່ດ້ວຍການໄປທ່ຽວຕ່າງແຂວງ ເພາະຜູ້ຊາຍຕ້ອງການໄປທ່ຽວສະຖານທີ່ທຳມະຊາດ ຈະເຮັດໃຫ້ໄດ້ພັກຜ່ອນທາງກາຍ ແລະໃຈ ທັງເຮັດໃຫ້ຄວາມສຳພັນແໜ້ນແຟ້ນຂຶ້ນ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ