ໝາກທຸລຽນ ເປັນໝາກໄມ້ທີ່ຫຼາຍຄົນມັກກິນ ແລະໄດ້ຂຶ້ນຊື່ວ່າເປັນໝາກໄມ້ທີ່ມີປະໂຫຍດຫຼາຍ ເພາະຄວາມຫອມຫວານ ແລະກິ່ນທີ່ຊວນກິນນັ້ນ ຈຶ່ງເປັນຈຸດດຶງດູດທີ່ດີ ແຕ່ຫາກກິນແບບບໍ່ຄຳນຶງເຖິງສຸຂະພາບ ອາດສ່ຽງຕໍ່ສຸຂະພາບໄດ້ ຈຶ່ງໄດ້ນຳຂໍ້ທີ່ຄວນຮູ້ກ່ຽວກັບທຸລຽນມາຮູ້ນຳກັນ
ທຸລຽນເປັນແຫຼ່ງສານອາຫານປະເພດຄາໂບໄຮເດດ ຫາກຢາກກິນເພື່ອໃຫ້ໄດ້ສານອາຫານ ຕ້ອງກິນໃນທຸລຽນບໍ່ເກີນ 2 ອັນ, ຫາກກິນຫຼາຍກວ່ານັ້ນ ຈະເປັນການທໍາຮ້າຍຮ່າງກາຍໄດ້ ເພາະໄດ້ຮັບສານອາຫານຫຼາຍເກີນໄປ ທີ່ຮ່າງກາຍຈະຮັບໄດ້
ທຸລຽນມີປະລິມານໄຂມັນຫຼາຍ ແລະຄາໂບໄຮເດດສູງ ຫາກກິນຫຼາຍ ຫຼືກິນຕະຫຼອດ ຈະສົ່ງຜົນຕໍ່ປະລິມານນໍ້າຕານ ແລະໄຂໄມໃນເລືອດເພີ່ມສູງຂຶ້ນ
ຫ້າມກິນທຸລຽນ ກັບເຄື່ອງດື່ມທີ່ມີທາດແອວກໍຮໍເດັດຂາດ ເພາະຈະເຮັດໃຫ້ຮ້ອນຕົນໂຕ ຈົນບໍ່ສະບາຍໄດ້ ແລະຈະເຮັດໃຫ້ການຢາກນໍ້າຢ່າງແຮງ ຫຼືອາດເຮັດໃຫ້ຮ້ອນໃນຢ່າງແຮງ ອາດເຖິງຂັ້ນເສຍຊີວິດລົງໄດ້ ແລະຫ້າມໃຫ້ຜູ້ທີ່ເປັນເບົາຫວານ, ພະຍາດຫົວໃຈ ແລະພະຍາດຄວາມດັນເລືອດສູງກິນທຸລຽນເດັດຂາດ ຫຼືຖ້າຫາກຢາກກິນແຮງ ກໍຄວນກິນໃນປະລິມານໜ້ອຍກວ່າຄົນປົກກະຕິ
ການກິນທຸລຽນ ຫາກກິນແບບບໍ່ຄຳນຶງ ກໍຈະສົ່ງຜົນເສຍຕໍ່ຮ່າງກາຍ ຫຼືອາດເຖິງຂັ້ນເສຍຊີວິດໄດ້ ແລະກໍຄວນກິນໃນປະລິມານທີ່ພໍດີ ບໍ່ຄວນກິນຫຼາຍເກີນໄປ
ຕິດຕາມນານາສາລະ ກົດໄລຄ໌ເລີຍ!