ອີງຕາມສໍານັກຂ່າວຕ່າງປະເທດລາຍງານວັນທີ 20 ທັນວານີ້ວ່າ: ເຫດສະເທືອນຂວັນຄົນຮ້າຍຂັບລົດບັນທຸກພຸ່ງຕໍາປະຊາຊົນໃນຍ່ານການຄ້າຕະຫຼາດຄຣິດສະມາດຕ໌ ກາງນະຄອນເບີລິນ ປະເທດເຢຍລະມັນ ເຮັດໃຫ້ມີຜູ້ເສຍຊີວິດແລ້ວ 12 ຄົນ ແລະບາດເຈັບ 48 ຄົນ ຫຼັງເກີດເຫດຄົນຂັບລົດບັນທຸກພະຍາຍາມຫຼົບໜີ ແຕ່ຖືກເຈົ້າໜ້າທີ່ຕໍາຫຼວດຈັບກຸມໂຕໄວ້ໄດ້ ຜູ້ເຫັນເຫດການເລົ່າວ່າ ລົດບັນທຸກຄັນນີ້ຂັບມາດ້ວຍຄວາມໄວ ໂດຍບໍ່ມີທີທ່າຈະຢຸດ ຫຼືລໍແຕ່ຢ່າງໃດ ກ່ອນພຸ່ງຕໍາຈົນມີຜູ້ເສຍຊີວິດ ແລະບາດເຈັບ ພາຍຫຼັງພົບຫຼັກຖານວ່າຜູ້ກໍ່ເຫດ ເດີນທາງມາຈາກປາກີສະຖານ ເຂົ້າມາຢູ່ໃນເຢຍລະມັນໃນຖານະຜູ້ລີ້ໄພ.
