ຈີນປະສົບບັນຫາມົນພາວະເປັນພິດ ສັ່ງປິດໂຮງງານກວ່າ 700 ແຫ່ງ ກຽມແພດໝໍຮອງຮັບຜູ້ເຈັບປ່ວຍຈາກການໄດ້ຮັບມົນລະພິດ.

ອີງຕາມສໍານັກຂ່າວຕ່າງປະເທດລາຍງານວັນທີ 19 ທັນວາທີ່ຜ່ານມານີ້ວ່າ: ຫຼາຍເມືອງຂອງຈີນ ຫຼຸດປະລິມານລົດແລ່ນຕາມທ້ອງຖະໜົນ ແລະສັ່ງປິດໂຮງງານຫຼາຍແຫ່ງ ຊົ່ວຄາວທ່າມກາງປະກາດເຕືອນມົນພາວະລະດັບສີແດງ ໂດຍໃນປັກກິ່ງເມືອງຫຼວງຂອງຈີນ ມີການສັ່ງປິດໂຮງງານກວ່າ 700 ແຫ່ງ ແລະຕໍາຫຼວດຈະລາຈອນຍັງສັ່ງຫ້າມຜູ້ຂັບຂີ່ຍານພາຫານະຕາມທ້ອງຖະໜົນ ດ້ວຍການຕິດຕາມຈາກປ້າຍທະບຽນຂອງພວກເຂົາດ້ວຍ ນອກຈາກນີ້ ຫຼາຍເມືອງຍັງສັ່ງປິດໂຮງຮຽນ ແລະປ່ອຍມາດຕະການເຕືອນ ຫຼັງຫຼາຍເມືອງທາງເໜືອນຂອງຈີນ ໄດ້ມີປະກາດເຕືອນລະດັບສີແດງ ຕັ້ງແຕ່ຄືນວັນທີ 16 ທັນວາທີ່ຜ່ານມາ ແລະໄປເຖິງວັນທີ 21 ທັນວາທີຈະມາເຖິງນີ້ດ້ວຍ ທັງນີ້ ທາງການເຫີເປ່ຍ ມົນທົນທາງເໜືອ ສັ່ງໃຫ້ໂຮງງານຖ່ານຫີນ ແລະຊີເມນຕ໌ ໃຫ້ຢຸດເຮັດການຊົ່ວຄາວ.

ສໍາຫຼັບມາດຕະການອື່ນໆ ທາງການຈີນ ໄດ້ກຽມຄະນະແພດໝໍສໍາຫຼັບຊ່ວຍເຫຼືອຜູ້ທີ່ເຈັບປ່ວຍທີ່ມີອາການໜັກມາຈາກສະພາວະມົນລະພິດນີ້ດ້ວຍ.