ອ່ານຕໍ່ຈາກສະບັບກ່ອນ…
ຮອຍຍິ້ມມຸມປາກທີ່ບາງເບົາຂອງຄົນຮັກທີ່ນັ່ງຢູ່ຕໍ່ໜ້າ ກັບກິນອາຍຫອມໆຂອງພິດຊ່າ ປະສານກັບເພງມ່ວນໆ ມັນຊ່າງເປັນຊ່ວງເວລາທີ່ເຕັມໄປດ້ວຍຄວາມສຸກ ຈົນຢາກຢຸດເວລາໄວ້ ບໍ່ຢາກໃຫ້ໂມເມັ້ນແບບນີ້ມັນຜ່ານໄປເລີຍ ນີ້ອາດເປັນບຸບເພສັນນິວາດທີ່ເຮັດໃຫ້ຄົນສອງຄົນທີ່ບໍ່ເຄີຍສົນໃຈໃນເລື່ອງຄວາມຮັກໄດ້ມາພົບກັນ ແລ້ວໄດ້ຕົກຫຼຸມຮັກກັນ ແລະ ກັນ
ນ້ຳຮູ້ສຶກຄືຕົວເບົາຄືຍອງຝ້າຍແທບຈະລອຍໄປຕາມອາກາດໄດ້ ຮູ້ສຶກເຂີນ ຮູ້ສຶກດີໃຈແບບສຸດໆ ເມື່ອໄດ້ຍິນຊາຍທີ່ພຽບພ້ອມທຸກຢ່າງມາສາລະພາບຮັກກັບນາງ, ແລ້ວຄວາມມະໂນຄິດຂອງນາງກໍ່ໄດ້ຢຸດລົງ ເມື່ອສຽງໂທລະສັບຊຽງດັງຂຶ້ນ
ສິດ (ລົມສາຍ): ຊຽງ! ຢູ່ໃສ? 4 ໂມງແລງລະໃດນິ ມາເຈິກັນຢູ່ເດີນເດີ້! ດຽວນີ້ເດີ້
ຊຽງ (ລົມສາຍ): ອີກຈັກໜ່ອຍ! ຕອນນີ້ຄາ
ສິດ (ລົມສາຍ): ຄາຫຍັງ! ມັນຈະຮອດເວລາລົງແຂ່ງແລ້ວ ຢ່າລືມ 5 ໂມງແລງລົງເດີ່ນໃດ໋!
ຊຽງ (ລົມສາຍ): ຕອນນີ້ຄາກິນອາຫານກັບແຟນຢູ່
ສິດ (ລົມສາວ ສິດຕົກໃຈເວົ້າຂຶ້ນຢ່າງແຮງ): ຫະ! ກິນອາຫານກັບແຟນ
ຊຽງ (ລົມສາວ):ອື້
ສິດ (ລົມສາວ): ໃຜ? ຟ້າວພາລາວມາແນະນຳໃຫ້ຮູ້ຈັກດ່ວນ ພາມາສະໜາມເຕະບານພ້ອມເດີ້
ຊຽງ (ລົມສາວ): ດຽວຖາມລາວເບິ່ງກ່ອນ ວ່າລາວສິໄປນຳບໍ່ (ຫັນມາຖາມນ້ຳ) ເຈົ້າສິໄປເບິ່ງຂ້ອຍເຕະບານກັບໝູ່ບໍ່
ນ້ຳ (ຍິ້ມ ແລະ ງຶກຫົວເບົາໆ): ກະໄດ້
ຊຽງ (ລົມສາວ): ອື້ດຽວສິໄປດຽວນີ້ລະ
ເມື່ອວາງສາຍຈາກສິດ ພໍດີຊຽງ ກັບ ນ້ຳກໍ່ພາກັນກິນພິດຊ່າໝົດພໍດີ ຫຼັງຈາກນັ້ນຊຽງກໍ່ຈ່າຍເງິນ ແລ້ວພານ້ຳຂັບລົດມຸ່ງໜ້າໄປທີ່ເດີ່ນເຕະບານ ທີ່ເດີ່ນກິລາເຕະບານ 7 ຄົນ (ເດີ່ນເຕະບານໃນຮົ່ມ) ທີມຂອງຊຽງ ໄດ້ຕອບຮັບຄຳຖ້າ ທີມເຕະບານຈາກພາກວິຊາ ບໍລິຫານທຸລະກິດ ພາກຄ່ຳ, ຊຽງ ແລະ ນ້ຳ ໄດ້ຍ່າງຮຽງຂ້າງກັນເຂົ້າໄປຫາພວກກຸ່ມໝູ່ໃນເດີ່ນ ເມື່ອສິດ ແລະ ໄຊ ໝູ່ຮັກຂອງຊຽງເຫັນນ້ຳຍ່າງເຂົ້າໄປໃນເດີ່ນພ້ອມຊຽງ ທຸກຄົນຈົນກັບອຶ້ງ ຜູ້ສາວທີ່ຊຽງເອີ້ນວ່າແຟນທີ່ແທ້ກໍ່ແມ່ນນ້ຳ ດາວຄະນະວິທະສາດຄອມພິວເຕີ ປີ 3 ຂັວນໃຈຂອງຊາຍໜຸ່ມຫຼາຍຄົນນັ້ນເອງ ໃນເວລາວອມຮ່າງກາຍ ສິດ ກັບ ໄຊ ໄດ້ຖາມຊຽງ ກ່ຽວກັບເລື່ອງນ້ຳ
ໄຊ: ຊຽງ ຈົບລາຍການນີ້ເຮົາຕ້ອງລົມກັນຍາວແລ້ວໃດ
ຊຽງ: ມີຫຍັງຕ້ອງລົມອີກ
ສິດ: ອ້າວ! ເລື່ອງນ້ຳຫັ້ນເດະ! ໂຕໄປລໍ້ລວງລາວມາເປັນແຟນໂຕໄດ້ຈັ່ງໃດ? ເປັນແຟນກັນຕັ້ງແຕ່ເມື່ອໃດ
ຊຽງ: ແລ້ວເປັນຫຍັງເຮົາຕ້ອງຕອບຄຳຖາມເຫຼົ່ານີ້ ກັບພວກໂຕນຳ! ໄປ໋ໆ ລົງສະໜາມກັນດີກວ່າ
ໄຊ (ກອດຄໍສິດ): ໝໍນີ້ມັກດຶກໃນອີຫຼີເວີ້ຍ!
ກ່ອນຈະລົງສະໜາມ ຊຽງໄດ້ຫັນໜ້າມາສົ່ງຍິ້ມໃຫ້ນ້ຳທີ່ນັ່ງເຊຍຢູ່ຂ້າງສະໜາມ ເພື່ອເພີ່ມກຳລັງໃຈ ນ້ຳເອົາໃຈລຸ້ນເຊຍທີມຂອງຊຽງເຕັມທີ່ ຊຽງທີ່ແລ່ນຢູ່ໃນສະໜາມກໍ່ໝັ່ນສົ່ງຍິ້ມມາໃຫ້ນ້ຳເປັນໄລຍະໄລຍະ ບາງເທື່ອກໍ່ຕັ້ງໃນແລ່ນກາຍມາແຕະມືນ້ຳເບົາໆໜເລັກໜ້ອຍແລ້ວແລ່ນກໍ່ເຂົ້າເດີ່ນບານຄືນ ແລະ ໃນທີ່ສຸດທີມຂອງຊຽງກໍ່ບໍ່ເຮັດໃຫ້ນ້ຳຜິດຫວັງ ໂດຍການເອົາຊະນະທີມບໍລິຫານທຸລະກິດໄປແບບວຸດວິດ 3-2 ຫຼັງຈາກທີ່ເຕະບານແລ້ວທັງສອງທີມກໍ່ພາກັນກິນຊຸມແຊວເພື່ອມິດຕະພາບ ທຸກຄົນຕ່າງພາກັນເວົ້າຢອກທັງຊຽງ ແລະ ນ້ຳ ໃນເລື່ອງທີ່ພວກເຂົາຄົບຫາກັນ ແລະ ຍັງສະແດງຄວາມຍິນດີກັບທັງຄູ່ ເມື່ອຮອດເວລາປະມານ 20:00 ໂມງ ນ້ຳກໍ່ຂໍຕົວກັບກ່ອນວົງເລີກ ເພາະເປັນຫ່ວງເກດທີ່ນອນຢູ່ຫ້ອງຄົນດຽວ ເຊິ່ງຊຽງກໍ່ຂໍຕົວກັບພ້ອມນ້ຳເລີຍ ເພາະຈະໄດ້ໄປສົ່ງນ້ຳທີ່ຫ້ອງພັກພ້ອມ ຂະນະທີ່ທັງສອງຂີ້ລົດມານຳທາງ ທັງສອງໄດ້ມິດງຽບສະນິດ ມິດຈົນຈະໄດ້ຍິນສຽງຫາຍໃຈຂອງທັງຄູ່ ຊຽງໄດ້ຫັນໜ້າມາເບິ່ງນ້ຳ
ຊຽງ: ນ້ຳ! ຄືມິດແທ້ ນັ່ງນິ້ງບໍ່ປາກບໍ່ຈາຫຍັງເລີຍ
ນ້ຳ: ຂ້ອຍກຳລັງຄິດວ່າ…ເອ໋…ນີ້ມັນແມ່ນຄວາມຈິງ ຫຼື ຄວາມຝັນກັນນໍ້ ຢູ່ດີໆຂ້ອຍກໍ່ຮູ້ສຶກວ່າຕອນນີ້ຂ້ອຍເປັນ ຊິນເດີເຣລ່າ ມີເຈົ້າຊາຍຮູບງາມມາບອກຮັກ (ເອົາມືຕົບໜ້າຕົນເອງເບົາໆ) ຝັນໄປບໍ້ເຮົາ
ຊຽງເຫັນອາການ ແລະ ໄດ້ຍິນນ້ຳເວົ້າແບບນີ້ ລາວກໍ່ຟ້າວຈອດລົດຢູ່ແຄມທາງທັນທີ (ນ້ຳແນມເບິ່ງໜ້າຊຽງ) ເພື່ອພິສູດວ່າເລື່ອງເປັນຄວາມຈິງ ຫຼື ຄວາມຝັນ ຊຽງໄດ້ຫັນຕົວໄປຫານ້ຳ ແລ້ວເອົາມືທັງສອງຂ້າງຈັບຈັບບ່າຂອງນ້ຳແລ້ວດຶງເຂົ້າມາໃກ້ຕົນເອງ ຫຼັງຈາກນັ້ນກໍ່ໃຈປາກອັນນິ້ມນວນຂອງຕົນຈູບລົງໄປທີ່ໜ້າຜາກຂອງນ້ຳເບົາໆ ເວລານັ້ນນ້ຳຮູ້ສຶກຕື່ນເຕັ້ນຈັງຫວະຫົວໃຈຂອງນາງເຕັ້ນທີ່ຮ່າງກາຍຂອງນາງຕື່ນຕົວເໝືອນກັບເຄື່ອນຈັກກຳລັງທຳງານ ຕາມົນດຳທັງສອງຂ້າງຕື່ນຂຶ້ນ ຊຽງໄດ້ຈ້ອງເບິ່ງທີ່ຕາເອົາແບ້ວໆຂອງນ້ຳແລ້ວຖາມນ້ຳວ່າ
ຊຽງ: ແບບນີ້ເຈົ້າຄິດວ່າມັນເປັນຄວາມຈິງ ຫຼື ຄວາມຝັນ! ຖ້າຍັງບໍ່ແນ່ໃຈ ເອົາອີກບາດກະໄດ້
ນ້ຳຟ້າວອ່ຽງໜ້າໄປທາງຂ້າງທັນທີ ເພື່ອຫຼົບສາຍທີ່ບາດໃຈຄູ່ນັ້ນຂອງຊຽງ ນ້ຳຮູ້ສຶກອຶ້ງກັບພຶດຕິກຳຂອງຊຽງ ເພາະນ້ຳບໍ່ເຄີຍຄິດວ່າຜູ້ຊາຍສາຍນິ້ງຢ່າງຊຽງ ຈະມີໂມເມັ້ນແບບນີ້ ຊຽງຈິ່ງຄ່ອຍໆປ່ອຍໆມືທັງສອງຂ້າງທີ່ຈັບບ່າຂອງນ້ຳລົງ ແລ້ວປ່ຽນມາຈັບພວງມະໄລລົດແທນແລ້ວກໍ່ຂັບລົດໄປສົ່ງນ້ຳຮອດຫ້ອງພັກຢ່າງປອດໄພ.
ນ້ຳຄິດໃນໃຈດ້ວຍຄວາມດີໃຈ: ລາວຈູບເຮົາ! ໂຫ້… ນີ້ມັນແມ່ນຄວາມຈິງທີ່ວິເສດສຸດໆໄປເລີຍ! ອິອິອິ
ອ່ານຕໍ່ສະບັບໜ້າ…
ແຕ່ງໂດຍ: ແອັດມິນ ປັອກເລັກ ລາວໂພສຕ໌
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!