ທ່ອງທ່ຽວ ກັບ ລາວໂພສ໌ ມື້ນີ້ເຮົາພາກັນຂຶນເໜືອທ້າລົມໜາວ ໄປທີ່ແຂວງ ອຸດົມໄຊ ໄປຊົມທຳມະຊາດນໍ້າຕົກຕາດຫົວນໍ້າກັດຊົມວັດທະນະທຳຊົນເຜົ່າໄຫວ້ພຣະເຈົ້າສິງຄຳ ດື່ມນໍ້າຊາພັນປີ ຂີ່ເຮືອທ່ອງທ່ຽວຊົມທຳມະຊາດແຄມຂອງ ເປັນຄຳຂັວນປະຈຳແຂວງອຸດົມໄຊ ທີ່ມີປະຫວັດຄວາມເປັນມາອັນຍາວນານ.
ແຂວງອຸດົມໄຊໄດ້ແຍກຕົວອອກມາຈາກແຂວງຫລວງພຣະບາງໃນປີ ຄ.ສ 1963 ໂດຍໃສ່ຊື່ວ່າແຂວງລ້ານຊ້າງ, ຕໍ່ມາໃນປີ 1965 ປຽນເປັນແຂວງເມືອງໄຊ ແລະ ສຸດທ້າຍກໍປ່ຽນມາເປັນແຂວງອຸດົມໄຊໃນປີ 1969 ຈົນມາຮອດປັດຈຸບັນ. ແຂວງອຸດົມໄຊຕັ້ງ ຢູ່ທາງທິດຕາເວັນຕົກສຽງເໜືອຂອງປະເທດລາວ, ມີເນື້ອທີ່ທັງໝົດກວ່າ 15,000 ກິໂລຕາແມັດແລະ ມີພົນລະເມືອງຈາກຫຼາກຫຼາຍຊົນເຜົ່າອາໃສຢູ່ເກືອບ 2ແສນຄົນ.
ແຂວງ ອຸດົມໄຊ ປະກອບມີ 7 ຕົວເມືອງຄື: ເມືອງໄຊ, ເມືອງຫຼາ, ເມືອງນາໝໍ້, ເມືອງງາ, ເມືອງແບງ, ເມືອງຮຸນ ແລະ ເມືອງປາກແບງ. ຈຸດພິເສດຂອງແຂວງອຸດົມໄຊກໍແມ່ນທີ່ຕັ້ງພູມສັນຖານ ໂດຍທິດເໜືອ ຕິດກັບຫຼວງນໍ້າທາ ແລະ ສ.ປ ຈີນ, ທິດຕາເວັນອອກຕິດກັບແຂວງຜົ້ງສາລີ, ທິດໃຕ້ຕິດກັບແຂວງຫຼວງພຣະບາງ ແລະ ທິດຕາເວັນຕົກຕິດກັບແຂວງບໍ່ແກ້ວ, ຈຶ່ງເຮັດໃຫ້ອຸດົມໄຊເປັນຈຸດສູນກາງ ແລະ ເປັນທາງຜ່ານໄປມາຂອງຄົນຈຳນວນຫຼາຍ ກາຍເປັນທ່າແຮງບົ່ມຊ້ອນໜຶ່ງໃຫ້ແກ່ການທ່ອງທ່ຽວພາຍໃນແຂວງທີ່ກຳລັງຈະເລີນເຕີບໂຕ.
ອຸດົມໄຊມີອາຫານຂຶ້ນຊື່ແຊບໆຫຼາຍຢ່າງ ບໍ່ວ່າຈະເປັນເອາະໂອໂລດ, ລາບເພ້ຍອຸດົມໄຊ, ເອາະຫຼາມ ແລະ ຊຸບຜັກແກບ.
ຂໍຂອບໃຈຂໍ້ມູນຈາກ: ທ່ຽວທົ່ວລາວ
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!