ນໍ້າແຄລ໋ອດ ມີວິຕາມິນເອສູງ ແລະຍັງມີວິຕາມິນບີ 1, ບີ 2, ວິຕາມິນຊີ, ຄາຣໂບໄຮເດຣດ, ແຄວຊຽມ, ໂປຣຕີນ, ຟົດສະຟໍຣິກ, ເສັ້ນໃບ, ທາດເຫຼັກ ນອກນີ້ ຍັງມີສານຕ້ານການເກີດມະເຮັງໃນກະເພາະອາຫານ ແລະລໍາໄສ້.

1. ດື່ມສົດ: ປອກເປືອກແຄລ໋ອດອອກ ແລະຕັດເປັນຕ່ອນນ້ອຍແລ້ວປັ່ນ ດື່ມສະເພາະນໍ້າແຄລ໋ອດເທົ່ານັ້ນ ດື່ມວັນລະ 1 ຈອກ ນອກຈາກຊ່ວຍສ້າງພູມຕ້ານທານແລ້ວ ຍັງຊ່ວຍໃຫ້ນອນຫຼັບດີ.
2. ດື່ມໃນຮູບແບບນໍ້າແຄລ໋ອດປັ່ນ

• ສ່ວນປະສົມ

1. ແຄລ໋ອດຕັດເປັນຕ່ອນໜ້ອຍ 1 ຖ້ວຍ
2. ນໍ້າຕານເຊື່ອມ 1 ຖ້ວຍນ້ອຍ
3. ນໍ້າຕົ້ນສຸກ 4 ຖ້ວຍນ້ອຍ
4. ນໍ້າໝາກນາວ 2 ບ່ວງ
5. ເກືອ 2 ບ່ວງຊາ

• ວິທີເຮັດ

1. ລ້າງແຄລ໋ອດໃຫ້ສະອາດ ປອກເປືອກອອກ ແລະຕັດເປັນຕ່ອນນ້ອຍ
2. ເອົາໃສ່ເຄື່ອງປັ່ນໝາກໄມ້ ໃສ່ນໍ້າຕານເຊື່ອມ, ນໍ້າຕົ້ນສຸກ, ນໍ້າໝາກນາວ ແລະເກືອ
3. ປັ່ນໃຫ້ນຽນລະອຽດ ແລ້ວດື່ມ