ສຳນັກຂ່າວຕ່າງປະເທດ ລາຍງານໃນວັນທີ 16 ທັນວານີ້ວ່າ ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ແລະ ທ່ານ ຊິນໂສະ ອາເບະ ນາຍົກລັດຖະມົນຕີຍີ່ປຸ່ນ ໄດ້ເຫັນດີຮ່ວມກັນຢູ່ກອງປະຊຸມມື້ວານນີ້ (15 ທັນວາ) ທີ່ລີສອດແຫ່ງໜຶ່ງ ທາງພາກຕາເວັນຕົກສຽງໃຕ້ຂອງຍີ່ປຸ່ນວ່າ ທັງສອງຝ່າຍຈະຟື້ນຟູການເຈລະຈາດ້ານຄວາມໝັ້ນຄົງ ແລະ ເລີ່ມຫາລືກ່ຽວກັບການຮ່ວມມືທາງເສດຖະກິດ ເທິງເກາະທີ່ເປັນຂໍ້ຂັດແຍ່ງດິນແດນທັງສອງປະເທດ ຈຳນວນ 4 ເກາະ ໃນພື້ນທີ່ທາງພາກຕາເວັນຕົກຂອງ ມະຫາສະໝຸດປາຊີຟິກ ຊຶ່ງຊາວຍີ່ປຸ່ນເອີ້ນວ່າ ດິນແດນຕອນເໜືອ (Northern Territories) ສ່ວນຣັດເຊຍເອີ້ນວ່າ ໝູ່ເກາະຄູຣິສໃຕ້ (Southern Kuriles) ຊຶ່ງຖືກກອງທັບແດງໂຊວຽດ ຍຶດຄອງໃນວັນສຸດທ້າຍຂອງສົງຄາມໂລກຄັ້ງທີ 2 ໂດຍຊາວຍີ່ປຸ່ນທີ່ອາໄສຢູ່ເກາະດັ່ງກ່າວ ກວ່າ 17,000 ຄົນ ໄດ້ຖືກບີບບັງຄັບໃຫ້ອົບພະຍົບອອກ.

ຕິດຕາມເຮົາທາງFacebook ກົດຖືກໃຈເລີຍ!