ເປັນທີ່ຮູ້ຈັກນຳກັນດີແລ້ວວ່າ ອາຫານທີ່ແມ່ຍິງຖືພາກິນ ຈະສົ່ງຜົນຕໍ່ລູກໃນທ້ອງໄດ້, ດັ່ງນັ້ນ ການເລືອກກິນອາຫານສຳລັບຄົນຖືພາ ຈຶ່ງເປັນທາງເລືອກທີ່ດີທີ່ສຸດ ທີ່ຈະເຮັດໃຫ້ສຸຂະພາບຂອງລູກໃນທ້ອງແຂງແຮງ, ສຳລັບອາຫານທີ່ມີປະໂຫຍດຕໍ່ລູກນັ້ນມີຫຼາຍດັ່ງນີ້:
- ມັນດ້າງ: ເພາະເປັນພືດທີ່ໃຫ້ຄຸນຄ່າທາງອາຫານຫຼາຍ ແລະອຸດົມດ້ວຍໄຟເບີ, ໂພແທັສຊຽມ, ທາດເຫຼັກ, ວິຕາມິນບີ 6 ແລະວິຕາມິນຊີ ເຊິ່ງມີຄຸນປະໂຫຍດຕໍ່ລູກໃນທ້ອງ
- ຊີ້ນສັດບໍ່ຕິດມັນເຊັ່ນ: ຊີ້ນໄກ່, ຊີ້ນໝູ ທີ່ມີໂປຣຕີນ ທີ່ຊ່ວຍເສີມສ້າງລະບົບເຊວ ແລະເລືອດຂອງເດັກໃນທ້ອງໄດ້ດີ
- ປາເຊວມອນ: ມີກົດໄຂມັນດີ, ມີໂອເມກ້າ 3 ເຊິ່ງດີຕໍ່ການພັດທະນາລະບົບປະສາດ ແລະສະໝອງ ແລະຄວນເລືອກກິນປາທີ່ມາຈາກທຳມະຊາດຈະດີທີ່ສຸດ
- ຜັກສີຂຽວ: ທີ່ມີໄຟເບີ, ແຄວຊຽມ, ແຮ່ທາດ, ວິຕາມິນຕ່າງໆ ເຊິ່ງສານອາຫານເຫຼົ່ານັ້ນ ຊ່ວຍພັດທະນາການຂອງເດັກໃນທ້ອງໄດ້ດີ
- ໂຢເກິດ: ເປັນອາຫານວ່າງທີ່ມີປະໂຫຍດ ທີ່ບໍ່ເຮັດໃຫ້ຕຸ້ຍ ແລະຍັງມີວິຕາມິນບີ, ໂປຣຕີນ, ແຄວຊຽມ ແລະສັງກະສີໃນປະລິມານຫຼາຍ ແລະຊ່ວຍໃຫ້ລູກໃນທ້ອງມີກະດູກ ແລະແຂ້ວແຂງແຮງ ແລະຊ່ວຍຫຼຸດຄວາມສ່ຽງເກີດກ່ອນກຳນົດອີກດ້ວຍ
- ໄຂ່: ເປັນອາຫານທີ່ມີປະໂຫຍດຫຼາຍ ແລະມີໂປຣຕີນດີ, ມີໂຟເທັກສູງ ທີ່ເໝາະກັບການບຳລຸງລູກນ້ອຍໄດ້ດີ
- ເຂົ້າໂອ້ດ: ເປັນອາຫານທີ່ມີຄຸນຄ່າທາງອາຫານຫຼາຍ, ມີວິຕາມິນບີ6 ຊ່ວຍໃຫ້ລູກມີພັດທະນາການດີຂຶ້ນ ແລະຊ່ວຍໃຫ້ແມ່ຮູ້ສຶກສົດຊື່ນ
- ນໍ້າໝາກກ້ຽງຄັ້ນສົດ: ມີວິຕາມິນຊີ, ໂຟເລທ, ໂພແທັສຊຽມ ເຊິ່ງໂພເລທ ທີ່ດື່ມນັ້ນ ຈະຊ່ວຍຫຼຸດຄວາມສ່ຽງຄວາມພິການໃນເດັກໃນທ້ອງ ແລະໂພແທັສຊຽມ ຊ່ວຍພັດທະນາການເຮັດວຽກຂອງກ້າມເນື້ອໃຫ້ເດັກນ້ອຍໃນທ້ອງໄດ້
- ຖົ່ວ: ເປັນແຫຼ່ງໂປຣຕີນ ແລະແມັກນີຊຽມ ເຊິ່ງຊ່ວຍຫຼຸດຄວາມສ່ຽງການເກີດກ່ອນກຳນົດໄດ້
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ