spot_img
Homeວັນນະກຳເລື່ອງສັ້ນຄົນດີ...ທີ່ຮັກ ຕອນທີ 2

ຄົນດີ…ທີ່ຮັກ ຕອນທີ 2

Published on

ແມ່ນຫຍັງທີ່ເຮັດໃຫ້ຜູ້ຊາຍຄົນໜຶ່ງຕົກຫຼຸມຮັກຍິງສາວຄົນໜຶ່ງໄດ້ຕັ້ງແຕ່ເຫັນຄັ້ງທຳອິດ… ຮູບຮ່າງໜ້າຕາ? ຖານະ? ຫຼື…? ສຳລັບຜູ້ຊາຍສາຍນິ້ງ ຫຍິງເລັກໜ້ອຍຢ່າງ ຊຽງ ຜູ້ຊາຍທີ່ພຽບພ້ອມດັ່ງເຈົ້າຊາຍທີ່ລຸດອອກມາຈາກໜັງສືນິຍາຍຄົນນີ້ ເມື່ອເຂົາໄດ້ພົບກັບ ນ້ຳ ສິ່ງທຳອິດທີ່ເຮັດໃຫ້ເຂົາຕົກຫຼຸມຮັກນາງຄືແວວຕາອັນໃສຊື່ຂອງນາງນັ້ນເອງ

ຊຽງ ໄດ້ນັ່ງເບິ່ງນ້ຳຈາກທາງຫຼັງ ຊຽງຈ້ອງສາຍຕາຈົດຈໍ່ໄປທີ່ນິ້ວມື້ຂອງນ້ຳທີ່ກຳລັງລົວ ແປ້ນພິມໂນ໊ດບຸກຢ່າງລື່ນໄຫລ.​ສຽງກິ໊ງຂອງໂຮງຮຽນໄດ້ດັງຂຶ້ນສົ່ງສັນຍານບອກວ່າຮອດເວລາເຂົ້າຫ້ອງຮຽນແລ້ວ ຊຽງຈິ່ງລຸກຈາກຕັ່ງທີ່ນັ່ງຍ່າງອອກໄປນອກຫ້ອງສະໝຸດ ເພື່ອໄປເຂົ້າຫ້ອງຮຽນ

ຕອນຄ່ຳທີ່ຫ້ອງນອນຂອງຊຽງ ໃນຂະນະທີ່ລາວກຳລັງຄົ້ນຄ້ວາບົດຮຽນຢູ່ດີໆ ໃນສະໝອງຂອງລາວກໍ່ເກີດເຫັນພາບຂອງນ້ຳທີ່ກຳລັງຕັ້ງໃຈຄົ້ນຄ້ວາບົດຮຽນໃນຫ້ອງສະໝຸດຂຶ້ນມາທັນທີ ຊຽງ ເກີນທີ່ຈະຄວບຄຸມຄວາມຮູ້ສຶກໄດ້ ລາວຕ້ອງການຢາກຮູ້ຈັກ ນ້ຳຫຼາຍຂຶ້ນ ດ້ວຍການຊອກຫາຂໍ້ມູນຂອງນາງຜ່ານເຟສບຸກ ຊຽງໄດ້ເປີດເຂົ້າໄປທີ່ເຟສບຸກ ແລ້ວກໍ່ເຂົ້າໄປຄົ້ນຫາຊື່ ໃນທີ່ສຸດລາວກໍ່ເຫັນເຟສຂອງນ້ຳ ຈາກນັ້ນລາວກໍ່ບໍ່ລັງເລທີ່ຈະສົ່ງຄຳຂໍເປັນເພື່ອນກັບ ນ້ຳ ທັນທີ

ທີ່ຫ້ອງຂອງນ້ຳ ໃນຂະນະທີ່ນ້ຳກຳລັງແຊທ ກັບເພື່ອນໃນເຟສບຸກ ສຽງເຕືອນໃນເຟສບຸກກໍ່ດັງຂຶ້ນ ນ້ຳໄດ້ກົດເຂົ້າໄປເບິ່ງ ປະກົດວ່າ ເປັນ ຊຽງ ທີ່ສົ່ງຄຳຂໍມາເປັນເພື່ອນກັບນາງທາງເຟສບຸກ ແລະ ນັ່ງຖ້າຄຳຕອບຈາກນາງດ້ວຍໃຈຈົດຈໍ່.

ນ້ຳ: (ຕື່ນ ເຮັດຕາໃຫຍ່ຂຶ້ນ ແລ້ວຈົ່ມພຶມພຳໃນໃຈ) ຫະ! ອ້າຍຊຽງສົ່ງຄຳຂໍເປັນເພື່ອນກັບເຮົາ! ເຮີ້ຍ ເຮົາບໍ່ໄດ້ຕາຟາດໄປຕິນິ (ດີໃຈຕື່ນເຕັ້ນ) ເປັນຫຍັງເຮົາຕ້ອງຮູ້ສຶກດີໃຈຂະໜາດນີ້, ຈະຮັບ ຫຼື ປະຕິເສດດີນໍ້… ອຶມມມມ! ຮັບດີກວ່າ ຢ່າງນ້ອຍ ເຟສບຸກເຮົາກໍ່ມີຄົນຫລໍ່ໃນກຸ່ມເພື່ອນ! ອິອິອິ ( ນ້ຳກົດຍອມ ຮັບ)

ສຽງເຕືອນເຟສບຸກໄດ້ດັງຂຶ້ນ ສຽງຟ້າວກົດເບິ່ງ ກໍ່ເຫັນວ່າ ນ້ຳໄດ້ກົດຍອມຮັບຕົນເອງເປັນເພື່ອນໃນເຟສບຸກຂອງນາງແລ້ວ ຊຽງຮູ້ສຶກດີໃຈກັບການຍອມຮັບຂອງນາງ ຈາກນັ້ນຊຽງກໍ່ບໍ່ລໍຊ້າທີ່ຈະສົ່ງຂໍ້ຄວາມໄປທັກທາຍນາງກ່ອນ

ຊຽງ (ເຟສບຸກ):  ສະບາຍດີ! ຂອບໃຈທີ່ຕອບຮັບ

ນ້ຳ (ເຟສບຸກ): ສະບາຍດີ! ຍິນດີ ແລະ ກໍ່ຂອບໃຈທີ່ແອັດມາຫາ

ຊຽງ (ເຟສບຸກ): ກຳລັງຫຍຸ້ງຢູ່ບໍ່

ນ້ຳ (ເຟສບຸກ): ບໍ່! ມີຫຍັງ?

ຊຽງ (ເຟສບຸກ): ບໍ່ມີຫຍັງຫຼາຍ ພຽງຢາກລົມນຳ

ນ້ຳ “ຄິດດີໃຈ” ອິອິອິ ອ້າຍຊຽງຍາກລົມກັບເຮົາ ໂອ້ພະສົງ ເປັນຫຍັງເຮົາຕ້ອງຮູ້ສຶກດີປານນີ້

ນ້ຳ (ເຟສບຸກ): ໄດ້!

ຊຽງ (ເຟສບຸກ): ມື້ນີ້ຮຽນເປັນແນວໃດ

ນ້ຳ (ເຟສບຸກ): ດີ! ບໍ່ມີບັນຫາຫຍັງ

ຊຽງ (ເຟສບຸກ): ດີ! ແຕ່ຖ້າມື້ໃດມີບັນຫາກ່ຽວກັບເລື່ອງຮຽນຖ້າບໍ່ເຂົ້າໃຈຫຍັງ ປຶກສາຂ້ອຍໄດ້ຕະຫຼອດເວລາ

ນ້ຳ ດີໃຈ (ເຟສບຸກ): ຮຶ! ແນ່ໃຈວ່າປຶກສາໄດ້ຕະຫຼອດເວລາ

ຊຽງ (ເຟສບຸກ): ແນ່ນອນ

ຊຽງ ເລີ່ມສານສຳພັນກັບ ນ້ຳ ຜ່ານເຟສບຸກທຸກມື້ ທັງສອງຍິ່ງລົມກັນກໍ່ຍິ່ງຮູ້ສຶກຖືກຊະຕາກັນຫຼາຍຂຶ້ນ ຈົນເຮັດໃຫ້ຄວາມຮູ້ສຶກຂອງນ້ຳປ່ຽນໄປຈາກເມື່ອກ່ອນທີ່ເຄີຍຮູ້ສຶກຊື່ນຊົມ ຊຽງ ກໍ່ກາຍເປັນຕົກຫຼຸມຊຽງ ໂດຍບໍ່ຮູ້ຕົວ ເຖິງຂັ້ນເວລານັ່ງຮຽນໃນຫ້ອງ ນາງຍັງຄິດເຫັນຄຳເວົ້າທີ່ລົມກັນກັບຊຽງໃນເຟສບຸກ ແລ້ວຍິ່ມເຂີນຄົນດຽວ ຈົນບາງຄັ້ງເກດໄດ້ຈວບເອົາ

ເກດ: ອັນແນະ! ເບິ່ງທ່າທາງຄືມີຄວາມສຸກແທ້ ຍິ້ມນ້ອຍຍິ້ມໃຫຍ່ຄົນດຽວ (ເອົານິ້ວຊີ້ໜ້ານ້ຳ) ກຳລັງມີຄວາມຮັກແມ່ນບໍ່

ນ້ຳ: (ເອົາມືບັດມືເກດອອກ ແລ້ວຕອບໄປດ້ວຍທ່ານສຽງສູງວ່າ) ບໍ່ມີ….

ເກດ: ນັ້ນແນະ! ສຽງສູງແບບນີ້ແປວ່າກຳລັງມີຄວາມຮັກຢູ່ແທ້ໆ! (ຕາຈຶ້ງໃສນ້ຳ) ບອກມາຊາຍຄົນນັ້ນເປັນໃຜ

ນ້ຳ (ຟ້າວຈັບເອົາປື້ມທີ່ໜ້າໂຕະແລ້ວແລ່ນອອກໄປຈາກຫ້ອງ): ບໍ່ບອກດອກປ່ອຍໃຫ້ງົງ

ເກດກໍ່ຟ້າວແລ່ນນຳໄປ ເພາະຢາກຮູ້ວ່າຕອນນີ້ເພື່ອນຮັກຂອງຕົນກຳລັງມີຄວາມຮັກກັບຊາຍຄົນໃດ ທັງສອງໄດ້ຍ່າງຢອກກັນ ຈົນໄປຮອດທາງລົງຂັນໄດ ແຕ່ນ້ຳ ແລະ ເກດ ກໍ່ຕ້ອງຢຸດນິ້ງ ເພື່ອເຫັນຊາຍໜຸ່ມຮູບງາມຢືນດັກຢູ່ແຈຝາຂ້າງທາງລົງຂັນໄດ້ ແລ້ວສົ່ງຍິ້ມມາໃຫ້ນ້ຳ ທັງເກດ ແລະ ນ້ຳຮູ້ສຶກດີໃຈ ສ່ວນນ້ຳຮູ້ສຶກຕື່ນເຕັ້ນ ແລະ ເຂີນຈົນບອກບໍ່ຖືກດ້ວຍຄວາມອາຍນາງຈິ່ງແລ່ນລົງຂັນໄດໄປ ເຊິ່ງຊຽງເອງກໍ່ຮູ້ສຶກຕະລົກກັບການກະທຳຂອງນ້ຳໃນມື້ນີ້

ອ່ານຕໍ່ສະບັບໜ້າ…

ແຕ່ງໂດຍ: ແອັດມິນ ປັອກເລັກ ລາວໂພສຕ໌
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...