ສຳນັກຂ່າວຕ່າງປະເທດ ລາຍງານໃນວັນທີ 15 ທັນວານີ້ວ່າ ລັດຖະບານມາເລເຊຍ ແລະ ສິງກະໂປ ໄດ້ຮ່ວມກັນລົງນາມຂໍ້ຕົກລົງ ກໍ່ສ້າງທາງລົດໄຟຄວາມໄວສູງ ເພື່ອເຊື່ອມຕໍ່ລະຫວ່າງສິງກະໂປ ກັບນະຄອນຫລວງກົວລາລຳເປີ ປະເທດມາເລເຊຍ ໂດຍແຕ່ລະຝ່າຍຈະເປັນຜູ້ຮັບຜິດຊອບກໍ່ສ້າງ ແລະ ບໍລິຫານສະຖານີ ທີ່ຢູ່ພາຍໃນດິນແດນຂອງຕົນເອງ, ພິທີລົງນາມດັ່ງກ່າວ ໄດ້ມີຂຶ້ນໃນວັນທີ 13 ທັນວາ 2016 ຜ່ານມານີ້ ທີ່ເມືອງປຸຕຣາຈາຢາ ປະເທດມາເລເຊຍ ໂດຍມີ ທ່ານ ນາຈິບ ຣາຊັກ ນາຍົກລັດຖະມົນຕີມາເລເຊຍ ແລະ ທ່ານ ລີຊຽນລຸງ ນາຍົກລັດຖະມົນຕີສິງກະໂປ ເຂົ້າຮ່ວມເປັນສັກຂີພິຍານ.
ໂຄງການກໍ່ສ້າງດັ່ງກ່າວນີ້ ຈະເລີ່ມກໍ່ສ້າງໃນປີ 2018 ແລະ ຫາກກໍ່ສ້າງສຳເລັດຕາມກຳນົດໃນປີ 2028 ຫລື ອີກ 10 ປີຂ້າງໜ້ານີ້ ຈະເຮັດໃຫ້ການເດີນທາງເຊື່ອມຕໍ່ ລະຫວ່າງເມືອງຫລວງສອງປະເທດ ເຫລືອພຽງ 90 ນາທີ ຈາກເມື່ອກ່ອນທີ່ຕ້ອງນັ່ງລົດເດີນທາງ ບໍ່ຕໍ່າກວ່າ 4 ຊົ່ວໂມງ.
ຕິດຕາມເຮົາທາງFacebook ກົດຖືກໃຈເລີຍ!