Startup ຈາກເມືອງຈີນໃນຊື່ NextEV ໄດ້ສ້າງຄວາມຮືຮາໃຫ້ກັບອຸດສາຫະກຳລົດຍົນໃນຊ່ວງໄລຍະປາຍເດືອນທີ່ຜ່ານມາ ກັບການເຜີຍລາຍລະອຽດຂອງລົດໄຟຟ້າ Supercar ຕົວຕົ້ນແບບໃນຊື່ລຸ້ນ EP9 ທີ່ຕ້ອງບອກວ່າບໍ່ທຳມະດາເລີຍ ເພາະລົດ EP9 ໄດ້ທຳລາຍສະຖິຕິການທົດສອບໃນຫຼາຍລາຍການໃນສະໜາມແຂ່ງລົດ Nürburgring ໃນປະເທດເຢຍລະມັນ ແລະ ໃນຊ່ວງເວລານີ້ ທາງບໍລິສັດໄດ້ວາງແຜນນຳລົດຕົ້ນແບບມາຜະລິດ
ຄາດວ່າລົດໄຟຟ້າລະດັບພຣີມຽມຈາກແດນມັງກອນ ຈະເຮັດຕະຫຼາດພາຍໃນແບຣນ Nio ແລະ ວາງເປົ້າໝາຍຢ່າງຊັດເຈນວ່າຈະເປັນຄູ່ແຂ່ງກັບລົດຮຸ້ນ Tesla Model X ໂດຍມັນໄດ້ເລືອກໃຊ້ແບັດເຕີຣີຂະໜາດກຳລັງ 70 kWh ໃຫ້ໄລຍະການເດີນທາງ 330 ໄມລຕໍ່ຮອບການຊາຣແບັດ (ປະມານ 530 ກິໂລແມັດ)
NextEV ຄາດວ່າລົດໄຟຟ້າຂອງເຂົາຈະຮັບມືກັບຄູ່ແຂ່ງໃນຕະຫຼາດໄດ້ຢ່າງສະບາຍ ໃນເລື່ອງຂອງລາຄາ ເຊິ່ງເຂົາໄດ້ວາງຕຳແໜ່ງຂອງແບຣນໄວ້ໃກ້ຄຽງກັບລົດຢຸໂຣບຢ່າງ BMW ຫຼື Audi ເລີຍ ໂດຍໜຶ່ງໃນຜູ້ກໍ່ຕັ້ງ NextEV ທ່ານ Jack Cheng ໄດ້ບອກໄບ້ກ່ຽວກັບເລື່ອງລາຄາໄວ້ວ່າ ຈະຢູ່ໃນລະດັບດຽວກັບລົດແບຣນດັງຂອງຍີ່ປຸ່ນຢ່າງ Toyota ແຕ່ກໍ່ບໍ່ໄດ້ບອກຊັດເຈນວ່າຈະຢູ່ໃນລາຄາລົດຮຸ້ນໃດຂອງແບຣນ Toyota
https://youtu.be/ZuN16cTtmUU
ທີ່ມາຈາກ: http://news.thaiware.com/9175.html
ຕິດຕາມນານາສາລະ ກົດໄລຄ໌ເລີຍ!