ໃນຫົວບົດ ກ່ຽວກັບຄວາມເຊື່ອ ມື້ນີ້ແອັດມິນຈະມານຳສະເໜີ ຄວາມເຊື່ອຂອງຊາວພຸດ ໃນການປິດທອງອົງພຣະ ຊາວພຸດມີຄວາມເຊື່ອວ່າແມ່ນການບຸນກຸສົນອັນຍິ່ງໃຫຍ່ ໂດຍມີຄວາມເຊື່ອທີ່ວ່າຜູ້ໃດມີໂອກາດໄດ້ປິດທອງອົງພຣະ ບໍ່ວ່າຈະເກີດຊາດໃດກໍ່ຈະມີຜິວພັນຜ່ອງໃສງົດງາມ, ມີສະຫງ່າຣາສີ ເປັນທີ່ຖືກອົກຖືກໃຈຂອງຜູ້ທີ່ພົບເຫັນ ສ່ວນອະນິສົງຜົນບຸນທີ່ໃຫ້ເຫັນໃນຊາດນີ້ ຊາວພຸດກໍ່ມີຄວາມເຊື່ອເລື່ອງການປິດທອງອົງພຣະໃນຈຸດຕ່າງໆຕັ້ງບູຮານມາຈົນເຖິງປັດຈຸບັນ ເຊິ່ງໄດ້ກ່າວໄວ້ດັ່ງນີ້:

ຖ້າປິດທອງທີ່ພຣະພັກ (ຕັກ) ມີຄວາມເຊື່ອວ່າຈະເຮັດໃຫ້ໜ້າທີ່ການງານ ຊີວິດມີຄວາມຈະເລີນຮຸ່ງເຮືອງ

ປິດທອງບໍລິເວນພຣະອຸທ (ທ້ອງ) ມີຄວາມເຊື່ອວ່າ ຈະອຸດົມສົມບນດ້ວຍຊັບສິນເງິນທອງ

ປິດທອງບໍລິເວນພຣະນາຖີ (ໄສ້ບື) ມີຄວາມເຊື່ອວ່າຕະຫຼອດທັງຊີວິດຈະຮູ້ຈັກຄຳວ່າ ອົດ ສົມບູນໄປດ້ວຍຊັບສິນ

ປິດທອງທີ່ບໍລິເວນພຣະສຽນ (ຫົວ) ມີຄວາມເຊື່ອວ່າ ຈະເຮັດໃຫ້ສະຕິປັນຍາຄວາມຈຳເປັນເລີດ ສາມາດແກ້ໄຂບັນຫາອຸປະສັກຊີວິດໄປໄດ້ຕະຫຼອດ

ປິດທອງທີ່ພຣະອຸຣະ (ໜ້າເອິກ) ມີຄວາມເຊື່ອວ່າ ເຮັດໃຫ້ມີສະຫງ່າຣາສີເປັນທີ່ຖືກໃຈຂອງຄົນທົ່ວໄປ

ປິດທອງທີ່ພຣະຫັດ (ມື) ເຮັດໃຫ້ເປັນຄົນມີອຳນາດບາຣະມີ

ປິດທອງທີ່ພຣະບາດ (ຕີນ) ເຮັດໃຫ້ສົມບູນໄປດ້ວຍທີ່ພັກອາໃສ ແລະ ຍານພາຫະນະ

ສ່ວນການປິດທອງຫຼັງພຣະນັ້ນມີການເວົ້າເຖິງເປັນພາສິດ ມີຄວາມເຊື່ອວ່າຖ້າຈະໃຫ້ການປິດທອງທັງໝົດສົມບູນແບບຕ້ອງປິດທອງດ້ານຫຼັງອົງພຣະພ້ອມ

ສິ່ງທີ່ກ່າວມາທັງໝົດຂ້າງເທິງນີ້ ກໍ່ແມ່ນຄວາມເຊື່ອທາງສາສະໜາພຸດທີ່ມີຄວາມເຊື່ອສືບຕໍ່ກັນມາແຕ່ບູຮານ ແລະ ເປັນຄວາມເຊື່ອສ່ວນບຸກຄົນ ຖ້າບຸກຄົນບໍ່ເຊື່ອໃນເລື່ອງແບບນີ້ໃຫ້ອ່ານເພື່ອຄວາມຮູ້ຄວາມບັນເທີງເທົ່ານັ້ນ

ຂອບໃຈຂໍ້ມູນຈາກ     bedtaledidea.com

http://thanaza.com/media/news-buddha141612/
ຕິດຕາມນານາສາລະ ກົດໄລຄ໌ເລີຍ!