spot_img
Homeຂ່າວພາຍ​ໃນງານວາງສະແດງສິນຄ້າລາວ - ໄທ ປີນີ້ມີ 200 ກ່ວາບໍລິສັດເຂົ້າຮ່ວມ

ງານວາງສະແດງສິນຄ້າລາວ – ໄທ ປີນີ້ມີ 200 ກ່ວາບໍລິສັດເຂົ້າຮ່ວມ

Published on

lao thai fair

 

ງານວາງສະແດງສິນຄ້າລາວ- ໄທປະຈຳປີ 2014 ໄດ້ໄຂຂຶ້ນຢ່າງເປັນທາງການ ໃນຕອນແລງຂອງວັນທີ 30 ກໍລະກົດນີ້

ຢູ່ທີ່ສູນການຄ້າລາວໄອເຕັກ, ນະຄອນຫຼວງວຽງຈັນ, ໂດຍຈະດຳເນີນໄປຮອດວັນທີ 3 ສິ່ງຫາ ທີ່ຈະມາເຖິງ, ງານວາງສະ

ແດງສິນຄ້າຄັ້ງນີ້ ມີຫົວໜ່ວຍທຸລະກິດທັງສອງປະເທດເຂົ້າຮ່ວມກວ່າ 200 ບໍລິສັດເຂົ້າຮ່ວມ ແລະ ຫຼາຍກວ່າ 300

ຫ້ອງວາງຂາຍສິນຄ້າ, ໃນນັ້ນມີຫ້ອງວາງ ສະແດງຂາຍສິນຄ້າຈາກປະເທດໄທ 250 ຫ້ອງ ສ່ວນໃຫຍ່ແມ່ນສິນຄ້າປະເພດ

ເອເລັກໂຕຣນິກ, ອາໄຫຼ່ລົດຍົນ, ເຄື່ອງໃຊ້ສອຍຕ່າງໆ, ລວມໄປເຖິງເສື້ອຜ້າ ແລະ ເຄື່ອງບໍລິໂພກ.

 

ງານວາງສະແດງດັ່ງກ່າວ ນອກຈາກຈະເປັນງານວາງສະແດງສິນຄ້າຮ່ວມກັນເປັນປະຈຳແລ້ວ, ຍັງເປັນການສ້າງມູນຄ່າ

ແລກປ່ຽນສິນຄ້າລະຫວ່າງລາວໄທໃຫ້ສູງຂຶ້ນ ແລະ ສົ່ງເສີມຕະຫຼາດຂອງສອງປະເທດ ທັງເປັນການຕະຕຸ້ນໃຫ້ນັກທຸລະກິດ

ຂະໜາດນ້ອຍ ແລະ ກາງ ຂະຫຍາຍຕະຫຼາດໄປສູ່ປະເທດເພື່ອນບ້ານ ທັງເປັນການກຽມເຂົ້າຮ່ວມປຊາຄົມເສດຖະກິດອາ

ຊຽນໃນ ປີ 2015.

 

ທ່ານ ນາງ ພິມົນ ປົງກອງແກ້ວ ອັກຄະລາຊະທູດທີ່ປຶກສາຝ່າຍການຄ້າໄທ ປະຈຳນະຄອນຫຼວງວຽງຈັນ ກ່າວວ່າ: ງານວາງ

ສະແດງສິນຄ້າລາວ- ໄທຈັດຂຶ້ນຄັ້ງທຳອິດໃນປີ 2005 ແລະ ສືບຕໍ່ຈັດມາທຸກໆປີ, ຈຸດປະສົງກໍເພື່ອສືບຕໍ່ເລີ່ມຂະຫຍາຍສາຍ

ພົວພັນການຄ້າລະຫວ່າງສອງປະເທດລາວ-ໄທໃຫ້ນັບມື້ກວ້າງຂວາງ, ກະຕຸກຊຸກຍູ້ໃຫ້ມູນຄ່າສິນຄ້າເພີ່ມຂຶ້ນ ຕາມຄາດ

ໝາຍທີ່ວາງໄວ້ ແລະ ສືບຕໍ່ໃຫ້ນັກທຸລະກິດລາວ-ໄທ ໄດ້ແລກປ່ຽນບົດຮຽນທາງການຄ້າຮ່ວມກັນ, ສ້າງໂອກາດໃຫ້ມີການ

ລົງທຶນ ທັງເປັນການເປີດກວ້າງຕະຫຼາດຈຳໜ່າຍສິນຄ້າລະຫວ່າງ ສອງປະເທດໃຫ້ນັບມື້ຫຼາຍຂຶ້ນ.

 

ເຂົ້າຮ່ວມພິທີເປີດງານວາງສະແດງສິນຄ້າຄັ້ງນີ້ມີ ທ່ານ ສົມວັນ ດີ ນາຖາວົງ, ຮອງເຈົ້າຄອນນະຄອນຫຼວງວຽງຈັນ, ທ່ານ

ພິສະນຸ ຈັນທະວິທັນ, ເອກອັກຄະລາຊະທູດໄທ ປະຈຳລາວ, ພ້ອມດ້ວຍພະນັກງານທີ່ກ່ຽວຂ້ອງຂອງສອງປະເທດເຂົ້າຮ່ວມ

ເປັນຈຳນວນຫຼາຍ.

 

ແຫຼ່ງຂ່າວ: http://laophatthananews.blogspot.com/2014/08/2014.html

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...