ສຳນັກຂ່າວຕ່າງປະເທດ ລາຍງານວ່າ ຕອນເຊົ້າວັນທີ 12 ທັນວາຜ່ານມານີ້ ທ່ານ ແອນໂຕນີໂອ ກູເຕີເຣສ ອະດີດນາຍົກລັດຖະມົນຕີປອກຕູຍການ ໄດ້ເຂົ້າພິທີສາບານຕົວຮັບດຳລົງຕຳແໜ່ງ ເປັນເລຂາທິການໃຫຍ່ສະຫະປະຊາຊາດຜູ້ທີ 9 ຊຶ່ງພາຍໃນພິທີ ທ່ານໄດ້ກ່າວໃຫ້ຄຳໝັ້ນສັນຍາວ່າ ຈະດຳເນີນການປະຕິຮູບການຄຸ້ມຄອງຂອງອົງການສະຫະປະຊາຊາດ ເພື່ອຮັບປະກັນວ່າ ອົງການດັ່ງກ່າວນີ້ ຈະສາມາດເຄື່ອນໄຫວຢ່າງວ່ອງໄວ, ມີປະສິດທິຜົນ ແລະ ມີປະສິດທິພາບ.
ທ່ານເລຂາທິການໃຫຍ່ ອົງການສະຫະປະຊາຊດາຜູ້ໃໝ່ນີ້ ຈະເລັ່ງໃຫ້ບຸລິມະສິດຂອງສະຫະປະຊາຊາດ ໃນແກ້ໄຂບັນດາບັນຫາກົກເຄົ້າສຳລັບ 3 ເສົ້າຄ້ຳຂອງສະຫະປະຊາຊາດແມ່ນຄື ສັນຕິພາບ ແລະ ຄວາມໝັ້ນຄົງ, ການພັດທະນາແບບຍືນຍົງ ແລະ ສິດທິມະນຸດ, ທ່ານ ກູເຕີເຣສ ໄດ້ເວົ້າວ່າ ຈະຕ້ອງເລັ່ງສ້າງຄວາມເປັນເອກະພາບ ຕໍ່ກັບມາດຕະການຂອງສະພາຄວາມໝັ້ນຄົງ ໃນການແກ້ໄຂສົງຄາມກາງເມືອງ ທີ່ແກ່ຍາວເກືອບ 6 ປີຜ່ານມາຢູ່ປະເທດຊີຣີ, ເພີ່ມທະວີການແກ້ໄຂບັນຫາການປະທະກັນຢູ່ພາກຕາເວັນອອກຂອງອູແກຣນຢ່າງເຖິງຖອງ, ຊອກຫາມາດຕະການແກ້ໄຂໃຫ້ ໃຫ້ແກ່ໂຄງການນິວເຄລຍຂອງ ສປປ ເກົາຫລີ, ແກ້ໄຂບັນດາບັນຫາກ່ຽວກັບການປ່ຽນແປງຂອງດິນຟ້າອາກາດ, ສິ່ງແວດລ້ອມ, ການອົບພະຍົບ ແລະ ຄວບຄຸມຊາຍແດນ.
ຕິດຕາມເຮົາທາງFacebook ກົດຖືກໃຈເລີຍ!