ບັນເທີງດາລາ ກັບ ລາວໂພສຕ໌ ມື້ນີ້ແອັດມິນມີຂ່າວດີຂອງວົງການບັນເທີງບ້ານເຮົາມາອັບເດດໃຫ້ຮູ້ນຳກັນແຕ່ເຊົ້າ ເຊິ່ງເປັນງານມຸງຄຸນສົມຣົດຂອງ ຕ໋ອດ ລີນາ ຫລື ວິລູນາ ສິລະປິນ, ນາງແບບ, ນັກສະແດງສາວ ຜິວເຂັ້ມສຸຸດເຊັກຊີ້ ທີ່ໄດ້ຈັບມືກັບແຟນໜຸ່ມນັກທຸລະກິດ ອາລັນ ຈອມມະນີວົງ ເຂົ້າປະຕູວິວາ ເມື່ອວັນທີ 9 ທັນວາ 2016 ທີ່ ໂຮງແຮມ ແກ້ວມີໄຊ, ນະຄອນຫລວງວຽງຈັນ. ຢ່າງອົບອຸ່ນທ່າມການເພື່ອນໆຈາກໃນວົງການບັນເທີງ ແລະ ນອກວົງການ ພ້ອມທັງ ຄອບຄົວ ແລະ ຍາດພີ່ນ້ອງຂອງທັງສອງຝ່າຍ ຈຳນວນຫຼາຍທີ່ມາຮ່ວມສະແດງຄວາມຍິນດີໃນງານວິວາຂອງທັງຄູ່.
ໃນຕອນເຊົ້າແມ່ນໄດ້ເຮັດພິທີສູ່ຂັວນບ່າວສາວ ທີ່ເຮືອນຂອງເຈົ້າສາວ ກ່ອນຈະໄປຈັດງານລ້ຽງໃນຕອນຄ່ຳ ທີ່ ໂຮງ ແຮມ ແກ້ວມີໄຊ.
ທາງທີມງານລາວໂພສຕ໌ ຂໍສະແດງຄວາມຍິນດີກັບທັງຄູ່ທີ່ເຂົ້າສູ່ປະຕູວິວາ ຂໍໃຫ້ທັງຄູ່ຄອງຄູ່ຢ່າງມີຄວາມສຸກຍືນຍາວຈົນແກ່ເຖົ້າ ມີລູກເຕັມບ້ານຫຼານເຕັມເມືອງ ຮັ່ງມີຍິ່ງໆຂຶ້ນໄປ ດັ່ງນັ້ນແອັດມິນກໍ່ບໍ່ພາດທີ່ຈະມີຮູບພາບງານມົງຄຸນສົມຣົດ ລະຫວ່າງ “ອາລັນ ຈອມມະນີວົງ ກັບ ຕ໋ອດ ວິລູນາ” ມາໃຫ້ແຟນເພສໄດ້ຮ່ວມສະແດງຄວາມຍິນດີໄປກັບທັງຄູ່.
