ໃນທ່າມກາງເສດຖະກິດ ຂອງປະເທດກໍາລັງ ຢູ່ໃນສະພາວະຫຍຸ້ງຍາກ ສັບສົນການເງິນທີ່ມີບັນຫາແກ່ຍາວມາຫລາຍປີ, ດັ່ງນັ້ນ ເພື່ອເປັນການແກ້ໄຂ ບັນຫາທັງໄລຍະສັ້ນ ແລະ ຍາວລັດຖະບານ ຈຶ່ງໄດ້ມີການປັບປຸງກົງຈັກ, ກົນໄກການບໍລິຫານງານລັດໃຫ້ຮັດກຸມ, ໂປ່ງໃສ, ວ່ອງໄວ ແລະ ເນັ້ນໃສ່ປະສິດທິພາບ ປະສິດທິຜົນ ຂອງການບໍລິຫານ ໂດຍສະເພາະ ການຈັດຕັ້ງປະຕິບັດແຜນພັດທະນາ ເສດຖະກິດ- ສັງຄົມ ສົກປີ 2017 ໃຫ້ປະສົບຜົນສໍາເລັດ, ລັດຈຶ່ງໄດ້ສະເໜີ 10 ມາດຕະການ ຕົ້ນຕໍທີ່ຈະໄດ້ຕັ້ງປະຕິບັດຄື:
- ສືບຕໍ່ປັບປຸງ ການຄຸ້ມຄອງ ລະບົບການເງິນ- ງົບປະມານຢ່າງ ແຂວງແຮງ ແນໃສ່ແກ້ໄຂ ສະພາບຄວາມ ຫຍຸ້ງຍາກ ງົບປະມານ ໂດຍປະຕິຮູບ ກົນໄກເກັບລາຍຮັບໃຫ້ ເຂົ້າສູ່ລະບົບ ທັນສະໄໝ, ໂປ່ງໃສ, ເສີມສ້າງຖານ ລາຍຮັບໃຫ້ໝັ້ນຄົງ, ກວ້າງຂວາງ ຫລາຍຂຶ້ນ, ພ້ອມທັງຕິດຕາມ ກວດກາ ແລະ ປັບປຸງກົນໄກ ການປະຕິບັດແຜນ ງົບປະມານ ແລະ ແຜນລາຍຈ່າຍ ໃຫ້ມີປະສິດທິຜົນ, ປະຕິບັດມາດຕະການຕ້ານ ການຟຸມເຟືອຍໃຫ້ ປະກົດຜົນເປັນຈິງ.
- ແມ່ນຄຸ້ມຄອງເງິນຕາ ໃຫ້ມີສະຖຽນລະພາບ ໂດຍສືບຕໍ່ປະຕິບັດ ນະໂຍບາຍດອກເບ້ຍ ຕາມກົນໄກຕະຫລາດ ທີ່ມີການຄຸ້ມຄອງຂອງລັດ, ສືບຕໍ່ຄຸ້ມຄອງ ການກຳນົດອັດຕາດອກເບ້ຍເງິນຝາກ ແລະ ເງິນກູ້ທະນາຄານທຸລະກິດ ໃຫ້ເໝາະສົມ ແລະ ເອື້ອອໍານວຍ ໃຫ້ແກ່ການຊຸກຍູ້ ສົ່ງເສີມການຜະລິດ ແລະ ການເຄື່ອນໄຫວ ທຸລະກິດ.
- ປັບປຸງ ສະພາບແວດລ້ອມ ໃນການດໍາເນີນ ທຸລະກິດ ເພື່ອສົ່ງເສີມ ການລົງທຶນທັງພາຍໃນ ແລະ ຕ່າງປະເທດ ໂດຍເອົາໃຈໃສ່ແກ້ໄຂ ຂັ້ນຕອນ ແລະ ຂອດຕ່າງໆ ທີ່ບໍ່ສະດວກ ທີ່ເປັນການກົດໜ່ວງ ສ້າງຄວາມຫຍຸ້ງຍາກ ທັງເປັນການເພີ່ມຕົ້ນທຶນ ໃຫ້ແກ່ການດໍາເນີນທຸລະກິດ.
- ຊຸກຍູ້ສົ່ງເສີມ ການຜະລິດ ແລະ ການບໍລິການ ໂດຍສຸມໃສ່ ການຜະລິດສິນຄ້າ ເພື່ອຊົມໃຊ້ພາຍໃນ ແລະ ຫລຸດຜ່ອນ ການນໍາເຂົ້າພ້ອມທັງ ມີຈຸດສຸມໃນການ ຊຸກຍູ້ຊ່ວຍເຫລືອ ການຜະລິດເພື່ອສົ່ງ-ອອກ
- ສືບຕໍ່ສຸມໃສ່ ການພັດທະນາ ທາງດ້ານວັດທະນະທໍາ-ສັງຄົມ ແລະ ແກ້ໄຂຄວາມທຸກຍາກ ໂດຍເອົາໃຈໃສ່ ວຽກງານຍຸກສູງ ຄຸນນະພາບການສຶກສາ ແລະ ສາທາລະນະສຸກ ໃຫ້ທົ່ວເຖິງທັງ ຢູ່ສູນກາງ ແລະ ເຂດຊົນນະບົດ ຫ່າງໄກສອກຫລີກ.
- ຄົ້ນຄວ້າຜັນຂະຫຍາຍ ແລະ ຈັດຕັ້ງປະຕິບັດ ເປົ້າໝາຍການ ພັດທະນາແບບຍືນຍົງ ໃຫ້ເປັນຄາດໝາຍ ເປັນແຜນງານ ແລະ ເປັນໂຄງການ ລະອຽດຂອງແຕ່ລະຂະແໜງການ ເພື່ອຮັບປະກັນ ການຈັດຕັ້ງປະຕິບັດ ໃຫ້ມີປະສິດທິຜົນ.
- ການບໍລິຫານລັດ ການເຄື່ອນໄຫວ ຂອງຜູ້ປະກອບການ ຕ້ອງເອົາເຂົ້າລະບຽບ ກົດໝາຍຢ່າງເຄັ່ງຂັດ ຕ້ານປາກົດການຫຍໍ້ທໍ້ ພະຍາດອາດຍາສິດ ຕ້ານການສໍ້ລາດບັງຫລວງໃຫ້ເປັນ ຮູບປະທໍາ.
- ສະເໜີສະພາແຫ່ງຊາດ ແລະ ສະພາທ້ອງຖິ່ນ ສະໜັບສະໝູນ ຊ່ວຍເຫລືອ ທາງດ້ານການຕິດຕາມ ກວດກາການປັບປຸງ ນິຕິກໍາຕ່າງໆ ທີ່ເຫັນວ່າບໍ່ສອດຄ່ອງ ນັ້ນໃຫ້ວ່ອງໄວ ທັນກັບຄວາມ ຮຽກຮ້ອງຕ້ອງການ.
- ສ້າງສະພາບ ແວດລ້ອມໃຫ້ແກ່ ການພັດທະນາ ແກ້ໄຂບັນຫາ ຫຍຸ້ງຍາກທາງດ້ານ ເສດຖະກິດ ເພື່ອຮັບປະກັນສະຖຽນ ລະພາບທາງ ດ້ານການເມືອງ ຄວາມເປັນລະບຽບ ຮຽບຮ້ອຍທາງດ້ານສັງຄົມ.
- ພ້ອມກັບການສ້າງ ສະພາບແວດລ້ອມທີ່ດີ ແລະ ສະເໝີຕົ້ນ ສະເໝີປາຍກັບ ເພື່ອນມິດສາກົນ ປະຕິບັດນະໂຍບາຍ ເພີ່ມມິດຫລຸດຜ່ອນ ສັດຕູປະຕິບັດ ນະໂຍບາຍການ ທູດປ້ອງກັນ ເຫດບຸກທະລຸ ເພື່ອພາລະກິດ ປົກປັກຮັກສາ ແລະ ພັດທະນາ ປະເທດຊາດ.
ຂ່າວ: ສຳນັກຂ່າວສານປະເທດລາວ