ໃນຄໍລຳ ແມ່ ແລະ ລູກ ມື້ນີ້ແອັດມິນຈະມານຳສະເໜີກ່ຽວກັບ ຂີດທີ່ຂຶ້ນກັບເຄື່ອງກວດຄັນ ສາວໆບາງຄົນອາດເຄີຍພົບເລື່ອງແບບນີ້ ເມື່ອເວລາຊື້ແນວກວດຄັນມາກວດນ້ຳຢ່ຽວແຕ່ຜົນອອກມາຂີດໜຶ່ງເປັນສີຈາງ ແລະ ຂີດໜຶ່ງເປັນສີເຂັ້ມ ອາດມີຄວາມສັບສົນໃນໃຈວ່າສະຫຼຸບແລ້ວຕົນເອງກຳລັງຖືພາ ຫຼື ບໍ່? ເຊິ່ງມື້ນີ້ແອັດມິນກໍ່ມີຄຳຕອບກ່ຽວກັບເລື່ອງນີ້ມາຝາກກັນ.
ກວດນ້ຳປັດສະວະຂຶ້ນຂີດຈາງ
ຜົນການກວດປັດສະວະຍັງບໍ່ຊັດເຈນວ່າທ່ານກຳລັງຖືພາ ຫຼື ບໍ່? ແຕ່ກໍ່ມີຄວາມເປັນໄປໄດ້ສູງວ່າທ່ານອາດຈະຖືພາ ເພື່ອຄວາມແນ່ໃຈສະນັ້ນທ່ານຕ້ອງໄດ້ລໍຖ້າໄປອີກ 7 ມື້ຕໍ່ໜ້າ ຈິ່ງກວດຊ້ຳອີກຄັ້ງ ເພາະບາງເທື່ອຕອນທີ່ທ່ານກວດນັ້ນມັນກໍ່ແມ່ນໄລຍະອ່ອນໆເລີ່ມຖືພາຈິ່ງບໍ່ສະແດງຜົນທີ່ຊັດເຈນອອກມາ
ອີກວິທີໜຶ່ງແມ່ນຊື້ແນວກວດປັດສະວະ 2-3 ຢີ່ຫໍ້ ລອງເອົາມາກວດນ້ຳປັດສະວະພ້ອມກັນ ຖ້າແນວກວດຄັນທຸກອັນມີຜົນອອກມາຄືກັນ ນັ້ນສະແດງວ່າ ທ່ານຖືພາແນ່ນອນ ຈາກນັ້ນກໍ່ໃຫ້ທ່ານໄປພົບແພດເພື່ອຝາກທ້ອງ ແລະ ຫຼີກລ່ຽງການໃຊ້ຢາ ຫຼື ໃຊ້ສານທີ່ຈະມີຜົນອັນຕະລາຍຕໍ່ລູກໃນທ້ອງ
ຂໍ້ມູນຈາກ: medthai.com
ຕິດຕາມນານາສາລະ ກົດໄລຄ໌ເລີຍ!