ນັກວິທະຍາສາດ Ohio State University ພົບວ່າແຜ່ນນ້ຳແຂງບໍລິເວນເກາະ Pine Island ໃນທະວີບແອນຕາກຕິກາ ຢູ່ຂຢ້ວໂລກໃຕ້ເກີດຮອຍລ້າວລຸ່ມຊັ້ນນ້ຳແຂງຢ່າງໄວວາຕັ້ງແຕ່ປີ 2013 ເປັນຕົ້ນມາ ສົ່ງຜົນໃຫ້ນ້ຳແຂງທີ່ເກາຕົວເປັນເກາະນັ້ນແຕກຕົວຖີ່ກວ່າປົກກະຕິ
ໂດຍໄລຍະປີທີ່ຜ່ານມາແຜ່ນນ້ຳແຂງເທິງເກາະກວ່າ 580 ຕາລາງແມັດ ຖືກແຍກອອກຈາກຕົວເກາະ ແລະ ຈົມນ້ຳໄປ ນີ້ຖືເປັນອັດຕາສ່ວນທີ່ສູງຫຼາຍເມື່ອທຽບໃສ່ຊ່ວງໄລຍະ ສິບປີຜ່ານມາ ນອກຈາກນີ້ແລ້ວ ນັກວິທະຍາສາດຍັງສຳຫຼວດພົບຮອຍລ້າວບໍລິເວນລຸ່ມເປືອກນ້ຳແຂງເທງເກາະທີ່ຍາວກວ່າ 50 ກິໂລແມັດ ທີ່ກຽມຕົວຈະແຕກພາຍໃນບໍ່ເກີນ 2 ປີຂ້າງໜ້າ.
ນັກວິທະຍາສາດຈິ່ງໄດ້ສະຫຼຸບວ່າ ຫາກຮອຍລ້າວລຸ່ມເປືອກນ້ຳແຂງຍັງເກີດຂຶ້ນຢ່າງຕໍ່ເນື່ອງແບບນີ້ ຈະສົ່ງຜົນໃຫ້ແຜ່ນນ້ຳແຂງບໍລິເວນເກາະທາງຝັ່ງຕະເວັນອອກຂອງທະວີບ ແອນຕາກຕິກາ ຄົງຈະລະລາຍໝົດໄປອີກບໍ່ເທົ່າໃດສິບປີຕໍ່ໜ້າແນ່ນອນ ເຊິ່ງມັນຈະສົ່ງຜົນໃນລະດັບນ້ຳທະເລສູງຂຶ້ນຈາກປັດຸບັນ 3 ແມັດ ແລະ ຈະສົ່ງຜົນໃຫ້ຊຸມຊົນທີ່ຕັ້ງຖິ່ນຖານຢູ່ແຄມຝັ່ງທະເລຫຼາຍແຫ່ງຈົມນ້ຳພາຍໃນປີ 2100
ຂໍ້ມູນຈາກ: VoiceTV
ຕິດຕາມຂ່າວເສດຖະກິດລາວ ກົດໄລຄ໌ເລີຍ!