ເມື່ອວັນທີ 2 ທັນວາ ທີ່ຜ່ານມາ ສຳນັກຂ່າວ ຊີເອັນເອັນ ລາຍງານວ່າ ຈະຫຼວດ ໂຊຢຸຊ ຂອງສຳນັກງານອາວະກາດຣັດເຊຍທີ່ຖືກປ່ອຍອອກຈາກຖານທີ່ໝັ້ນ ເຊິ່ງຕັ້ງຢູ່ໃນສາທາລະນະລັດ ຄາຊັດສະຖານເມື່ອເວລາ 20.15 ນາທີ ຕາມເວລາທ້ອງຖິ່ນ ຂຶ້ນສູ່ສະຖານີອາວະກາດນານາຊາດ ໄອເອສເອສ ໃນໄລຍະເວລາພຽງ 6 ນາທີ ຫຼັງທີ່ຈະຫຼວດຖືກປ່ອຍອອກໄປ ໄດ້ສູນຫາຍອອກຈາກສະຖານີເຣດາ ແລະ ບໍ່ສາມາດກວດສອບໄດ້ວ່າ ໂຊຢຸຊເຂົ້າສູ່ວົງໂຄຈອນ ແລ້ວ ຫຼື ບໍ່ເຊິ່ງພາຍໃນຈະຫຼວດມີຍານລຳລຽງອາຫານ ແລະ ສິ່ງຂອງອື່ນໆລວມນ້ຳໜັກ 2.5 ຕັນ.
ຫຼັງຈາກນັ້ນເຈົ້າໜ້າທີ່ກໍ່ໄດ້ຮູ້ວ່າ ລະບົບຂັບເຄື່ອນຂອງຍານລຳລຽງ ຊື່ ໂພຣເກຣສ ທີ່ຢູ່ໃນຍານໂຊຢຸຊ ໄດ້ເກີດລະເບີດໃນລະດັບຄວາມສູງ ປະມານ 190 ກິໂລແມັດຈາກພື້ນໂລກ ເສດຊາກຍານລຳລຽງຖືກເຜົາໄໝ້ໃນຊັ້ນບັນຍາກາດເປັນສ່ວນໃຫຍ່ ແຕ່ເປັນໄປໄດ້ທີ່ບາງສ່ວນອາດຕົກລົງສູ່ພື້ນໂລກ
ຂະນະທີ່ຜູ້ຊ່ຽວຊານຢືນຢັນວ່າ ນັກບິນອາວະກາດທັງ 6 ຄົນທີ່ປະຈຳຢູ່ສະຖານີອາວະກາດໃນຕອນນີ້ຍັງຄົງມີອາຫານພຽງພໍສຳລັບການດຳລົງຊີບຕໍ່ໄປໄດ້ອີກຫຼາຍເດືອນ ລວມເຖິງມີການຣີໄຊເຄີປັດສະວະ ເພື່ອນຳມາດື່ມ ແລະ ດຳລົງຊີວິດຕໍ່ໄປ.
ທີ່ມາ: edition.cnn.com
ຕິດຕາມຂ່າວເສດຖະກິດລາວ ກົດໄລຄ໌ເລີຍ!