ກົມປູກຝັງ ກະຊວງກະສິກຳ ແລະ ປ່າໄມ້ໃຫ້ຮູ້ວ່າ: ມາຮອດປັດຈຸບັນ ການເກັບກ່ຽວເຂົ້ານາປີ ຂອງກະສິກອນໃນທົ່ວປະເທດ ສຳເລັດແລ້ວຫຼາຍກວ່າ 7 ແສນເຮັກຕາ, ເທົ່າກັບ 90% ຂອງເນື້ອທີ່ປັກດຳທັງໝົດ 770 ພັນເຮັກຕາ, ໃນນັ້ນບັນດາແຂວງພາກກາງປະຕິບັດໄດ້ຫຼາຍກວ່າ  91%, ພາກໃຕ້ 90% ແລະ ພາກເໜືອ ປະຕິບັດໄດ້ຫຼາຍກວ່າ 87%  ແລະ ຄາດວ່າຮອດກາງເດືອນທັນວານີ້ ຈະສຳເລັດ 100%  ແລະ ຈະສາມາດບັນລຸໄດ້ຕາມຄາດໝາຍແຜນການທີ່ວາງໄວ້ເປັນຢ່າງດີ.

ກົມດັ່ງກ່າວໃຫ້ຮູ້ອີກວ່າ: ປັດຈຸບັນຫຼາຍທ້ອງຖິ່ນທີ່ມີເງື່ອນໄຂ ແລະ ສຳເລັດການເກັບກ່ຽວເຂົ້ານາປີແລ້ວນັ້ນ ກໍໄດ້ເລີ່ມກະກຽມໃຫ້ແກ່ການປູກເຂົ້ານາແຊງ ແລະ ພືດລະດູແລ້ງຕາມລະດູການ, ຂະນະທີ່ຂະແໜງກະສິກຳ ກໍໄດ້ລົງຊຸກຍູ້ແຕ່ລະທ້ອງຖິ່ນ ປົວແປງລະບົບຊົນລະປະທານ ແລະ ຄອງເໝືອງທີ່ເປເພຊຸດໂຊມ, ເພື່ອຮັບປະກັນໃຫ້ການສະໜອງນ້ຳ ແກ່ການຜະລິດລະດູແລ້ງນີ້ ໄດ້ຮັບຜົນດີ.

ແຫລ່ງຂ່າວ:

ຕິດຕາມເຮົາທາງFacebook ກົດຖືກໃຈເລີຍ!