spot_img
Homeໜັງໃໝ່ຊີຣີ້ຈີນ ທີ່ໜ້າຕິດຕາມ "ຮັກທະລຸມິຕິ" ຄໍຊີຣີ້ບໍ່ຄວນພາດ

ຊີຣີ້ຈີນ ທີ່ໜ້າຕິດຕາມ “ຮັກທະລຸມິຕິ” ຄໍຊີຣີ້ບໍ່ຄວນພາດ

Published on

ໃນຄໍລຳໜັງໃໝ່ ມື້ນີ້ແອັດມິນຈະມານຳສະເໜີຊີຣີ້ຈາກເມືອງຈີນ ຟັງອາດບໍ່ຄຸ້ນຫູ ເພາະປົກກະຕິຫຼາຍຄົນມັກຈະເບິ່ງຊີຣີ້ເກົາຫຼີໃຕ້ ແຕ່ສຳລັບຄົນຄໍຊີຣີ້ ຕ້ອງບໍ່ຄວນພາດເບິ່ງຊີຣີ້ຈີນເລື່ອງນີ້ “ຮັກທະລຸມິຕິ” ເດັດຂາດ ເຊິ່ງປັດຈຸບັນໄດ້ອອກອາກາດທາງໂທລະພາບຂອງເພື່ອນບ້ານ ຊ່ອງ 32 ໄທຍລັດ ເຊິ່ງໄດ້ອອກເຜີຍແຜ່ທາງຊ່ອງຕັ້ງແຕ່ວັນທີ 19 ພະຈິກ 2016 ທີ່ຜ່ານມາ ເບື້ອງຕົ້ນແອັດມິນເຄີຍເຫັນທາງຊ່ອງໂຄສະນາຜ່ານໆ ແຕ່ບໍ່ໄດ້ໃສ່ໃຈຫຍັງ ແຕ່ເມື່ອ 2-3 ມື້ກ່ອນແອັດມິນໄດ້ໄປເຫັນຮູບເງົາຊີຣີ້ເລື່ອງນີ້ອີກຄັ້ງຜ່ານທາງ youtube ເລີຍຕັດສິນໃຈເບິ່ງ ຕ້ອງຂໍເລົ່າເລີີຍວ່າ ເລື່ອງນີ້ເປັນອີກເລື່ອງໜຶ່ງທີ່ມ່ວນ, ຊຶ້ງ ແລະ ໜ້າລຸ້ນໜ້າຕິດຕາມສຸດໆ ເຊິ່ງປັດຈຸບັນໄດ້ອອກອາກາດເຖິງ 16 ຕອນແລ້ວ ຍັງພຽງອີກ 8 ຕອນກໍ່ຈະຈົບເລື່ອງ

5a72cbd2e2

ຫຼາຍຄົນອາດຈະບໍ່ເຄີຍຮູ້ກ່ຽວກັບຊີຣີ້ເລື່ອງນີ້ ດັ່ງນັ້ນແອັດມິນມີເລື່ອງຫຍໍ້ຂອງຊີຣີ້ “ຮັກທະລຸມິຕິ” ມາເລົ່າສູ່ຟັງ

ເລື່ອງຫຍໍ້ຂອງຊີຣີ້ “ຮັກທະລຸມິຕິ” ມັນເປັນຄວາມຮັກທີ່ເກີດຂຶ້ນລະຫວ່າງຄົນສອງຄົນຈາກຍຸກສະໄໝທີ່ແຕກຕ່າງກັນ  ບັນດິດໜຸ່ມຮູບງາມ “ກົງໝິງ” ໃນຍຸກຣາຊວົງຫັ້ນ ເມື່ອສອງພັນປີກ່ອນ ບັງເອີນທະລຸມິຕິເຂົ້າໄປໃນຍຸກປັດຈຸບັນ ໂດຍມີປ້າຍຍົກເປັນຕົວນຳທາງຂ້າມການເວລາ “ກົງໝິງ” ໄດ້ພົບກັບນັກສະແດງສາວ “ຫຼິນຊຽງຊຽງ” ແລ້ວທັງສອງກໍ່ໄດ້ເກີດຕົກຫຼຸມຮັກກັນ ເລື່ອງລາວຄວາມຮັກແຫ່ງໂຊກຊະຕາຂອງທັງສອງ ແລະ ຄວາມມຸ່ງໝັ້ນຂອງ ກົງໝິງ ທີ່ຕ້ອງການແກ້ໄຂປະຫວັດສາດໃນຍຸກຫັ້ນ ພ້ອມຊ່ວຍຊີວິດ ຮ່ອງເຮົາສີ່ ແລະ ໂຊກຊະຕາຂອງຕົນເອງຈະເປັນແນວໃດນັ້ນ ເຮົາຕ້ອງມາລຸ້ນນຳກັນ ໃນຊີຣີ້ເລືື່ອງ “ຮັກທະລຸມິຕິ” ອອກອາກາດທຸກວັນເສົາ-ອາທິດ ເວລາ 23:00-24:00 ໂມງ ທາງຊ່ອງ 32 ໄທຍລັດ

ຊີຣີ້ເລື່ອງນີ້ມີທັງໝົດ 24 ຕອນ ເຊິ່ງເປັນເລື່ອງຕັດແກ້ຈາກເກົາຫຼີໃຕ້ຍອດນິຍົມຢ່າງ Queen Inhyun’s Man ມາສູ່ເວີຊັ່ນຮູບເງົາຊີຣີ້ຈີນຊຸດ Love Through a Millennium ຫຼື “ຮັກທະລຸມິຕິ”

ໃນຊີຣີ້ເລື່ອງນີ້ມີນັກສະແດງຊື່ດັງຂອງເມືອງຈີນທີ່ຮ່ວມສະແດງເຊັ່ນ: ເຈິ້ງສ່ວງ, ຈິງປໍຫຼັນ, ເຊຍອີ້ຫຼິນ, ເສິນສຽງ, ຫວງປໍຈວິນ.

ເອົາເປັນວ່າຕອນນີ້ເຮົາບໍ່ເວົ້າຫຍັງຫຼາຍ ແອັດມິນຈະໃຫ້ທຸກຄົນໄດ້ເບິ່ງຊີຣີ້ “ຮັກທະລຸມິຕິ” ຕອນ 1 ພາກໄທຍ ຖ້າໃຜຕ້ອງການເບິ່ງພາກຕໍ່ໄປກໍ່ສາມາດເບິ່ງທາງ youtube ໄດ້.

https://youtu.be/XVYw_KH_oXs

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...