ຄະນະນາງສາວລາວ 2016 ປະຕິບັດພາລະກິດຊ່ວຍເຫຼືອສັງຄົມຫຼັງຈາກຮັບຕຳແໜ່ງ

ບັນເທີງດາລາ ກັບລາວ ໂພສຕ໌ ມື້ນີ້ເຮົາຈະພາທຸກຄົນມາເບິ່ງພາລະກິດຂອງບັນດານາງສາວລາວ 2016 ຫຼັງຈາກທີ່ໄດ້ຮັບຕຳແໜ່ງ ນຳທີມໂດຍ ນາງສາວ ບຸດສະບາ ແສງປັນ ນາງສາວລາວ 2016 ພ້ອມດ້ວຍນາງສາວອີກ 5 ນາງສາວ ແລະ ຄະນະທີມງານກອງປະກວດນາງສາວລາວ ໄດ້ເດີນທາງຂຶ້ນເໜືອທ້າຄວາມໜາວ ເພື່ອໄປມອບຄວາມສຸກພ້ອມກັບເຄື່ອງນຸ່ງຫົ່ມ, ເຄື່ອງໃຊ້ ແລະ ອາຫານ ໃຫ້ກັບປະຊາຊົນຫ່າງໄກສອກຫຼີກ ທີ່ ບ້ານ ຫ້ວຍຊາງ, ເມືອງໄຊ, ແຂວອຸດົມໄຊ ເມື່ອວັນທີ 3 ທັນວາ 2016 ທີ່ຜ່ານມາ

ມີພໍ່ແມ່ປະຊາຊົນ ຜູ້ເຖົ້າ ໄວໜຸ່ມ ແລະ ເດັກນ້ອຍ ເຂົ້າມາຮ່ວມຮັບເຄື່ອງບໍລິຈາກເປັນຈຳນວນຫຼາຍ ເຮັດໃຫ້ມີຄວາມສຸກທັງຜູ້ໃຫ້ ແລະ ມີຄວາມສຸກທັງຜູ້ຮັບໄປຕາມໆກັນເລີຍກໍ່ວ່າໄດ້ ເຊິ່ງພາລະກິດໃນຄັ້ງນີ້ໄດ້ຮັບການຮ່ວມມືຈາກ: ຈາກ: ສະຖານີ ໂທລະພາບ ທີວີລາວ ເອຈດີ, ນໍ້າກັດ ຢໍລາປາ ແລະ ລັດວິສາຫະກິດ ການບິນລາວ

ເຮົາຕ້ອງມາຕິດຕາມກັນວ່າພາລະກິດຕໍ່ໄປຂອງບັນດາຄະນະນາງສາວລາວ 2016 ເພິ່ນຈະເດີນທາງໄປເຮັດກິດຈະກຳຄັ້ງຕໍ່ໄປຢູ່ທີ່ແຂວງໃດ ຖ້າມີຂ່າວການເຄື່ອນໄຫວແນວໃດແອັດມິນຈະເກັບພາບບັນຍາກາດມານຳສະເໜີໃຫ້ຮູ້ຢ່າງແນ່ນອນ. ແຕ່ຕອນນີ້ເຮົາມາເບິ່ງຮູບພາບແຫ່ງຄວາມສຸກໃນມື້ນັ້ນກັນດີກວ່າ