spot_img
Homeຂ່າວເຫດການຮອງປະທານປະເທດ ຕ້ອນຮັບຄະນະຜູ້ແທນ ສະພາມົນຕີສັນຕິພາບ ແລະ ຄວາມປອງດອງແຫ່ງອາຊີ

ຮອງປະທານປະເທດ ຕ້ອນຮັບຄະນະຜູ້ແທນ ສະພາມົນຕີສັນຕິພາບ ແລະ ຄວາມປອງດອງແຫ່ງອາຊີ

Published on

ຂປລ. ​ໃນ​ວັນ​ທີ 29 ພະຈິກ​ນີ້ ທີ່​ທໍາ​ນຽບປະທານ​ປະ​ເທດ (ຫໍ​ຄໍາ) ທ່ານ ພັນ​ຄໍາ ວິພາ​ວັນ ຮອງ​ປະທານ​ປະ​ເທດ ​ແຫ່ງ​ ສປປ ລາວ ​ໄດ້​ຕ້ອນຮັບ ​ການ​ເຂົ້າ​ຢ້ຽມ​ຂໍ່ານັບຂອງຄະນະ​ຜູ້​ແທນ ​ເຊິ່ງນໍາ​ໂດຍ ທ່ານ ສຸລະ​ກຽດ ສະຖຽນ​ໄທ ອະດີດ​ຮອງ​ນາຍົກລັດຖະມົນຕີ ແຫ່ງ ຣາຊະອານາຈັກໄທ, ປະທານ​ສະພາ​ມົນຕີ​ສັນຕິພາບ ​ແລະ ຄວາມ​ປອງ​ດອງ​ແຫ່ງ​ອາຊີ ພ້ອມ​ຄະນະ ​ໃນ​ໂ​ອກາດ​ເດີນທາງມາ​ເຂົ້າ​ຮ່ວມ​ ກອງ​ປະຊຸມ​ປະ​ຈໍາປີຂອງ​ ສະພາ​ມົນຕີ​ສັນຕິພາບ ​ແລະ ຄວາມ​ປອງ​ດອງ​ອາຊີ ຄັ້ງ​ທີ 4 (APRC) ​​ລະຫວ່າງ​ ວັນ​ທີ 29-30 ພະຈິກ 2016 ນີ້.

ໃນ​ໂອກາດ​ດັ່ງກ່າວ, ທ່ານ​ຮອງ​ປະທານ​ປະ​ເທດ ​ໄດ້​ສະ​ແດງ​ຄວາມຊົມ​ເຊີຍ, ຍິນ​ດີ​ຕ້ອນ​ຮັບ​ ​ແລະ ຕີ​ລາຄາ​ສູງ ຕໍ່​ການ​ເດີນທາງມາ​ຢ້ຽມຢາມ ​ແລະ ​ເຮັດ​ວຽກຢູ່ ສປປ ລາວ ຂອງຄະນະ​ຜູ້​ແທນ ສະພາ​​ມົນຕີ​ສັນຕິພາບ ​ແລະ ຄວາມ​ປອງ​ດອງ​ແຫ່ງ​ອາຊີ ພ້ອມ​ຄະນະ​ໃນ​ຄັ້ງ​ນີ້. ​ເຊິ່ງ​ເປັນ​ການປະກອບສ່ວນ​ສຳຄັນ​ເຂົ້າໃນ​ການ​ເສີມ​ຂະຫຍາຍ ຮັດ​ແໜ້ນຄວາມ​ສາມັກຄີ ​ແລະ ​ເປີດ​ກວ້າງ​ການ​ຮ່ວມ​ມື​​ ໃນພາກ​ພື້ນ ​ແລະ ສາກົນ ຢ່າງ​ເປັນ​ເຈົ້າ​ການ​ຕາມ​ທິດ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ, ສ້າງ​ເງື່ອນ​ໄຂ​ ທີ່​ເອື້ອ​ອໍານວຍ​ໃຫ້​ແກ່ການ​ເຊື່ອມ​ໂຍງ ​ແລະ ​ເຊື່ອມ​ຈອດ​. ພ້ອມ​ນັ້ນ, ກໍ​ເພື່ອ​ເປັນ​ການ​ຊຸກຍູ້ການ​ເຕີບ​ໂຕ​ຂອງ​ເສດຖະກິດ ​ແລະ ​ເປັນ​ພື້ນຖານ​ ໃຫ້​ແກ່​ການ​ຫັນ​ເປັນ ​ອຸດ​ສະຫະ​ກໍາ ​ແລະ ທັນ​ສະ​ໄໝ.

​ໃນ​ໂອກາດ​ດຽວ​ກັນ​ນີ້, ທ່ານ ສຸລະ​ກຽດ ສະຖຽນ​ໄທ ຕາງໜ້າ​ຄະນະ ໄດ້​ສະ​ແດງ​ຄວາມ​ຂອບ​ໃຈ​ຕໍ່​ ທ່ານ ພັນ​ຄໍາ ວິພາ​ວັນ ທີ່​ໄດ້​ສະຫລະ​ເວລາ​ ອັນ​ມີ​ຄ່າຕ້ອນຮັບ​ອັນ​ອົບ​ອຸ່ນ​ໃນ​ຄັ້ງ​ນີ້. ພ້ອມ​ທັງ​​ໄດ້ແຈ້ງສະພາບຂອງ​ການ​ເດີນທາງ ​ມາ​ຢ້ຽມຢາມ ​ແລະ ​ເຮັດ​ວຽກ ​ໃຫ້​ທ່ານ​ຮອງ​ປະທານ​ປະ​ເທດ​ໄດ້​ຮັບ​ຊາບ.

phankham

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...