ເມື່ອວັນທີ 25 ພະຈິກ 2016ທີ່ຜ່ານມາ ຊາວໂຣຮິນຈາ ແລະ ຊາວມຸສລິມໃນໄທ ຮວມຕົວກັນທີ່ໜ້າສະຖານທູດມຽນມາປະຈຳປະເທດໄທ ຍື່ນໜັງສືຮຽກຮ້ອງໃຫ້ລັດຖະບານມຽນມາຢຸດໃຊ້ຄວາມຮຸນແຮງໃນລັດຍະໄຂ່
ເຈົ້າໜ້າທີ່ຕຳຫຼວດໄດ້ລົງພື້ນທີ່ດູແລຄວາມຮຽບຮ້ອຍ 100 ຄົນ ພ້ອມທັງຮວມກັບຕົວແທນຜູ້ຊຸມນຸມໃນການກວດຄົ້ນຜູ້ເຂົ້າຮ່ວມຊຸມນຸມຢ່າງເຂັ້ມງວດ ເພື່ອປ້ອງກັນບໍ່ໃຫ້ມີການພົບພາອາວຸດ ຂອງມີຄົມ ແລະ ຂອງແຂງ ເຂົ້າມາໃນບໍລິເວນພື້ນທີ່ຊຸມນຸມ.
ຈົນເຖິງເວລາ 15.00 ໂມງ ຕົວແທນຈາກສະພາເຄືອຂ່າຍຊ່ວຍເຫຼືອດ້ານສິດທິມະນຸດ ສຳນັກຈຸລາຣາຊະມົນຕີ ມອບໜັງສືຂໍ້ຮຽກຮ້ອງຕົວແທນຈາກສະຖານທູດມຽນມາ ເຊິ່ງມີການລະບຸເຖິງສະພາບເຫດການຄວາມຮຸນແຮງໃນລັດຍະໄຂ່ ທີ່ຊາວໂຣຮິນຈາຖືກລະເມີດສິດທິມະນຸດຢ່າງຮຸນແຮງ ພ້ອມຂໍໃຫ້ລັດຖະບານມຽນມາຢຸດໃຊ້ຄວາມຮຸນແຮງ ພ້ອມຂໍໃຫ້ລັດຖະບານມຽນມາຢຸດການກະທຳທີ່ໄຮ້ມະນຸດສະທຳ ແລະ ການຂ້າລ້າງເຜົ່າພັນຊາວໂຣຮິນຈາ ແລະ ຮຽກຮ້ອງໃຫ້ລັດຖະບານເປີດທາງໃຫ້ອົງກອນລະຫວ່າງປະເທດເຂົ້າໄປໃຫ້ຄວາມຊ່ວຍເຫຼືອໃນພື້ນທີ່ ແລະ ຮຽກຮ້ອງໃຫ້ລັດຖະ ບານມຽນມາສອບສວນສາເຫດທີ່ເກີດຂຶ້ນ ໂດຍໃຫ້ນານາຊາດ ແລະ ອົງການສະຫະຊາດມີສ່ວນຮ່ວມໃນການສອບສວນ
ຂໍ້ມູນຂ່າວຈາກ thaipbs ແລະ http://news.mthai.com
ຕິດຕາມຂ່າວເສດຖະກິດລາວ ກົດໄລຄ໌ເລີຍ!