ນໍ້າເຜິ້ງເປັນອາຫານທີ່ມີປະໂຫຍດຫຼາຍທີ່ສຸດຈາກທຳມະຊາດ ພຽງແຕ່ກິນໃນຕອນເຊົ້າໜຶ່ງບ່ວງກາເຟ ສາມາດກະຕຸ້ນລະບົບຕ່າງໆຂອງຮ່າງກາຍ ໃຫ້ມີເຫື່ອແຮງໃນການສູ້ຊີວິດໃນແຕ່ລະມື້, ນໍ້າເຜິ້ງຄືສານອາຫານທີ່ດີທີ່ສຸດກວ່າອາຫານເສີມອື່ນໆອີກ, ນໍ້າເຜິ້ງຄືອາຫານທຳມະຊາດທີ່ມີຄຸນຄ່າທີ່ສຸດ ແລະເຮົາມີວິທີທົດສອບວ່າ ເປັນນໍ້າເຜິ້ງແທ້ ຫຼືນໍ້າປອມ ດ້ວຍຕົວທ່ານເອງດັ່ງນີ້:
- ນໍ້າເຜິ້ງຈະຈັບໂຕເປັນຕະກອນ ເມື່ອເຮົາປະໄວ້ດົນ, ຖ້ານໍ້າເຜິ້ງປອມຈະຢູ່ໃນໃນສະພາບແຫຼວຄືກັບນໍ້າເຊື່ອມ ແລະຖອກອອກງ່າຍ
- ລອງຢອດນໍ້າເຜິ້ງລົງໃນຖ້ວຍທີ່ໃສ່ນໍ້າເບິ່ງ ຫາກມັນລະລາຍທັນທີ ສະແດງວ່າເປັນນໍ້າເຜິ້ງປອມ, ນໍ້າເຜິ້ງແທ້ຈະບໍລະລາຍທັນທີ ຈະຂົດຈັບໂຕກັນຢູ່
- ລອງຢອດນໍ້າເຜິ້ງລົງນິ້ວມືເບິ່ງ ຖ້າຫາກມັນຂົດຈັບໂຕກັນຢູ່ ສະແດງວ່າເປັນນໍ້າເຜິ້ງແທ້, ນໍ້າເຜິ້ງປອມຈະກະຈາຍກັນອອກໄປທົ່ວນິ້ວ
- ລອງຊີມເບິ່ງຖ້າມີລົດຊາດປະສົມຫຼາຍ ຄືກັບວ່າມີກິ່ນຂອງດອກໄມ້ ຫຼືສະໝຸນໄພ ຄືນໍ້າເຜິ້ງແທ້, ນໍ້າເຜິ້ງປອມຈະມີແຕ່ລົດຊາດຫວານເທົ່ານັ້ນ
- ລອງເອົາໄມ້ຂີດໄຟແຕະນໍ້າເຜິ້ງໃຫ້ຕິດປາຍໄມ້ຂີດໄຟເລັກໜ້ອຍ ກ່ອນທີ່ຈະຈູດໄມ້ຂີດໄຟ ຖ້າຫາກເປັນນໍ້າເຜິ້ງແທ້ ໄມ້ຂີດຈະຕິດໄຟ ແລະຈະເຜົານໍ້າເຜິ້ງໄປນຳ, ຖ້າຫາກເປັນນໍ້າເຜິ້ງປອມຈະຈູດໄຟບໍ່ຕິດໄຟ ເພາະມັນມີຄວາມປຽກຈາກສານເຄມີທີ່ເຂົາປະສົມລົງໄປ
ຕິດຕາມນານາສາລະ ກົດໄລຄ໌ເລີຍ!