ສຳນັກຂ່າວຊີເອັນເອັນ ລາຍງານໃນວັນທີ 25 ພະຈິກນີ້ວ່າ ເກີດເຫດຢາສູບໄຟຟ້າລະເບີດ ໃນຂະນະທີ່ ທ້າວ ໂອຕິສ ກູດິງ ອາຍຸ 31 ປີ ເອົາໃສ່ໄວ້ໃນສົງໂສ້ງຂອງຕົນເອງ ລະຫວ່າງເຮັດວຽກຢູ່ຮ້ານຂາຍເຫລົ້າແວັງແຫ່ງໜຶ່ງ ທີ່ນະຄອນນິວຢອກ ສະຫະລັດອາເມຣິກາ ສົ່ງຜົນເຮັດໃຫ້ຜູ້ກ່ຽວໄດ້ຮັບບາດເຈັບຮຸນແຮງ ໂດຍຄລິບວີດີໂອຈາກກ້ອງວົງຈອນປິດພາຍໃນຮ້ານ ໄດ້ສະແດງໃຫ້ເຫັນ ທ້າວ ກູດິງ ກຳລັງຢືນລົມກັບເພື່ອນຮ່ວມງານຢູ່ດ້ານຫລັງເຄົາເຕີ້ ແລ້ວຢູ່ໆຢາສູບໄຟຟ້າທີ່ໃສ່ໄວ້ໃນຖົງໂສ້ງ ກໍເກີດລະເບີດຂຶ້ນ.
ອຸບັດເຫດດັ່ງກ່າວນີ້ ສົ່ງຜົນເຮັດໃຫ້ ທ້າວ ກູດິງ ໄດ້ຮັບບາດເຈັບເປັນບາດແຜໄຟໄໝ້ລະດັບ 3 (ຜິວໜ້ງຖືກທຳລາຍຕະຫລອດຊັ້ນຄວາມໜາຂອງຜິວໜັງ) ແລະ ຄາດວ່າຈຳເປັນຕ້ອງໄດ້ເຂົ້າຮັບການຜ່າຕັດ, ສ່ວນຄົນອື່ນໆໃນບ່ອນເກີດເຫດ ບໍ່ໄດ້ຮັບບາດເຈັບແຕ່ຢ່າງໃດ.
ຕິດຕາມເຮົາທາງFacebook ກົດຖືກໃຈເລີຍ!