ເປັນຄຳຖາມຍອດຮິດໃນຍຸກທີ່ມີ Social Media ຫຼາກຫຼາຍເຕັມໄປໝົດ! ແລ້ວເປັນຫຍັງຍັງຕ້ອງເຮັດເວັບໄຊຂອງໂຕເອງອີກ? ໃນເມື່ອຂອງຟຣີມີໃຫ້ໃຊ້ຢ່າງຫຼວງຫຼາຍ. ບົດນີ້ຈະມາຕອບຄຳຖາມນີ້້ສູ່ທ່ານຜູ້ອ່ານຮູ້ນຳກັນ.
- ເວັບໄຊເປັນສູນກາງຂອງການຕະຫຼາດອອນລາຍນ໌ (Digital MKT.)
ສື່ອອນລາຍນ໌ຟຣີ ເປັນພຽງໂຕຊ່ວຍ ປະຊາສຳພັນເວັບໄຊຫຼັກ ຈາກອະດີດທີ່ຜ່ານມາເຮົາຈະເຫັນໄດ້ວ່າມີການເກີດຂຶ້ນມາຢ່າງຫຼວງຫຼາຍ ຂອງ Social Media ຊະນິດຕ່າງໆ ແລະເຮົາກໍຈະເຫັນໄດ້ວ່າເມື່ອຄົນສ່ວນຫຼາຍນິຍົມສື່ໂຕໃດ ເຮົາກໍຈະມີການໄປສ້າງເພື່ອໂປຣໂມດສິນຄ້າ ແລະບໍລິການຂອງເຮົາ ເຊິ່ງໃນທາງກັບກັນນັ້ນ ເມື່ອໃດທີ່ໝົດຄວາມນິຍົມ Social Media ໂຕນັ້ນຈະປິດໂຕກັນໄປ ເຊັ່ນ:
Multiply ທີ່ຊ່າງພາບນິຍົມໃຊ້ສ້າງໂປຣຟາຍລ໌ເກັບຮູບຖ່າຍໄດ້ປິດໂຕ ແລະຫັນໄປເຮັດເວັບໄຊຂອງເຄື່ອງແທນ ຫຼື Hi5 ທີ່ບໍ່ເປັນທີ່ນິຍົມເພາະຄົນສ່ວນຫຼາຍຫັນມາຫຼິ້ນ Facebook ແທນ ເຮັດໃຫ້ຂໍ້ມູນສິນຄ້າ ແລະບໍລິການຕ່າງໆ ທີ່ເຮົາເຄີຍສ້າງໄວ້ຫາຍໄປ ຕ້ອງມາສ້າງກັນໃໝ່.
ອີກທັງເຮົາບໍ່ສາມາດເກັບສະສົມຄວາມສຳເລັດໄດ້ ຈາກການທີ່ເຄີຍໂປຣໂມດແລ້ວມີລູກຄ້າເຂົ້າມາຢ້ຽມຊົມຈຳນວນຫຼວງຫຼາຍ ເມື່ອ Social Media ນັ້ນໆ ປິດໂຕຫຼືບໍ່ເປັນທີ່ນິຍົມ ຄວາມສຳເລັດນັ້ນກໍຈະຫາຍໄປ.
ແຕ່ກົງກັນຂ້າມ, ຖ້າເຮົາໃຊ້ Social Media ເປັນພຽງເຄື່ອງມືໃນການປະຊາສຳພັນສິນຄ້າ ແລະບໍລິການຂອງເຮົາ ແລ້ວດຶງລູກຄ້າມາຢ້ຽມຊົມເວັບໄຊຂອງເຮົາ ເຮັດໃຫ້ລູກຄ້າຮູ້ຈັກທີ່ຢູ່ຂອງຮ້ານຄ້າເທິງໂລກອອນລາຍນ໌ຂອງເຮົາແລ້ວ ຕໍ່ໄປເມື່ອຈະຊື້ສິນຄ້າ ແລະບໍລິການ ເຂົາກໍຈະເຂົ້າມີທີ່ເວັບໄຊຂອງເຮົາໂດຍກົງ ເປັນການສະສົມລູກຄ້າ ແລະຄວາມສຳເລັດທີ່ເຮົາອຸດສາຫະລົງທຶນ ລົງແຮງໄປ.
ຕໍ່ໄປບໍ່ວ່າ Social Media ໂຕໃດຈະໄປກໍບໍ່ກະທົບກັບທຸລະກິດຂອງເຮົາ ຖ້າຫາກ Social Media ກຳລັງເປັນທີ່ນິຍົມ ເຮົາກໍຈະໃຊ້ມັນເປັນຊ່ອງທາງໂປຣໂມດທຸລະກິດຂອງເຮົາ ແລະສະສົມລູກຄ້າຜ່ານເວັບໄຊຂອງເຮົາເອງ.
- ເວັບໄຊ ສາມາດອອກແບບໃຫ້ເໝາະສົມຕາມຄວາມຕ້ອງການ ກັບທຸລະກິດຂອງເຮົາ
ທຸລະກິດແຕ່ລະປະເພດຍ່ອມຕ້ອງການເວັບໄຊທີ່ແຕກຕ່າງກັນ ຕາມລັກສະນະການໃຊ້ງານເຊັ່ນ:
ເວັບຂາຍສິນຄ້າຫຼາກຫຼາຍຊະນິດ ກໍຕ້ອງການລະບົບໂພສຕ໌ຂາຍ ສິນຄ້າ ແລະລະບົບຈ່າຍເງິນທີ່ສະດວກປອດໄພ ຫາສິນຄ້າງ່າຍ ມີຮູບສິນຄ້າໃຫ້ລູກຄ້າເລືອກເບິ່ງປະກອບການຕັດສິນໃຈໄດ້ຊັດເຈນທຸກມຸມມອງ ຊ່ວຍກະຕຸ້ນລູກຄ້າໃຫ້ຕັດສິນໃຈຊື້ໄດ້ຫຫຼາຍຂຶ້ນທົບໜຶ່ງ.
ເວັບບໍລິສັດກໍຕ້ອງການພາບລັກ ຄວາມໜ້າເຊື່ອຖື ເປັນເອກະລັກຊັດເຈນ ເປັນຕົ້ນ
ການອອກແບບເວັບໄຊກໍຄືກັບການສ້າງອາຄານສຳນັກງານ ຫຼືຮ້ານຄ້າ ຕ້ອງອອກແບບໃຫ້ສະດວກສະບາຍ ສວຍງາມຕາມຄວາມຕ້ອງການຂອງເຈົ້າຂອງ ແລະສະດວກໃນການຊື້ຂອງລູກຄ້າ ເຊິ່ງຂອງຟຣີທັງຫຼາຍຍ່ອມບໍ່ອາດຈະຕອບສະໜອງຄວາມຕ້ອງການສະເພາະເຈາະຈົງຂະໜາດນັ້ນໄດ້.
ດັ່ງນັ້ນ, ຫຼາຍບໍລິສັດ ຫຼືອົງການຈັດຕັ້ງພາກລັດຈຶ່ງບໍ່ນິຍົມໃຊ້ Social Media ໃນການອອກຂ່າວ, ເຜີຍແຜ່ຂໍ້ມູນ ຫຼືເປັນບ່ອນຕິດຕໍ່ພົວພັນ.
- ເວັບໄຊເປັນປະໂຫຍດຫຼາຍໃນທຸລະກິດ ເຊິ່ງຫົວຂໍ້ໃຫຍ່ໆ ມີດັ່ງນີ້:
– ເພິ່ມສັກກະຍະພາບດ້ານການແຂ່ງຂັນທີ່ເທົ່າທຽມກັບຄູ່ແຂ່ງ (ບໍ່ວ່າຄູ່ແຂ່ງຈະມີຂະໜາດໃຫຍ່ປານໃດ ເພາະໃນໂລກອອນລາຍນ໌ ຂະໜາດກໍບໍ່ສຳຄັນອີກຕໍ່ໄປ)
– ສ້າງພາບລັກໃຫ້ທຸລະກິດ ແລະຫຼຸດຕົ້ນທຶນໃນການປະຊາສຳພັນໂດຍມີກຸ່ມລູກຄ້າກວ້າງຂວາງກວ່າ
– ເຮັດວຽກໃຫ້ເຮົາໄດ້ຕະຫຼອດ 24 ຊົ່ວໂມງ 365 ວັນ ໂດຍສ້າງຍອດຂາຍໄດ້ຢ່າງບໍ່ມີຂີດຈຳກັດ
– ຕອບຄຳຖາມລູກຄ້າເປົ້າໝາຍໂດຍບໍ່ຕ້ອງຮັບໂທລະສັບ
ບົດສະຫຼຸບ 3 ຂໍ້ນີ້ ຄືຊິພໍແລ້ວສຳລັບການຕອບຄຳຖາມນີ້ ທີ່ເຫຼືອກໍຄືທ່ານຕ້ອງຕັດສິນໃຈເອງວ່າຈະເລິ່ມດຽວນີ້ ຫຼືຈະຖ້າເຮັດໃນອີກຫຼາຍປີຂ້າງໜ້າ. ແລະຖ້າຢາກປຶກສາເລື່ອງເຮັດເວັບໄຊເປັນຂອງໂຕເອງ ຫຼືຂອງອົງກອນຂອງຕົນ ກໍລອງປຶກສາ http://laoserver.com/ ຫຼືໂທປຶກສາຟຣີໄດ້ທີ່ 020 77791133.
ຖ້າຢາກອ່ານຄຳຕອບຫຼາຍກວ່າ 3 ຂໍ້ຂ້າງເທິງນັ້ນລອງຄິກເຂົ້າອ່ານຢູ່ນີ້ເບິ່ງ : http://www.iLoveCoffeeDesign.com